mánadagur 2. juli 2012síða 21

21 Mánadagur 2. juli 2012 · Nr. 75 Sosialurin Hugskot og viðmerkingar – send sms til 225000 Ítróttarblaðið Ung­ dómurin vann á Íslandi Føroyska ungdómslandsliðið í borðtennis kom hósdagin aftur til Føroya eftir at hava luttikið í millumtjóðakapping í Estlandi. Størsti sigurin var, at U15-landsliðið vann á íslendska U15-landsliðnum Pætur Albinus Kappingin, sum er fyriskipað av norðurevropeisku borð­ tennis­samgonguni, har Borð­ tennissamband Føroya eisini er limur, fyrigekk í estlendska býnum Haapsalu, sum er nakað sunnanfyri høvuðsstaðin Tall­ inn. Kappingin er sera sterk og hýsir fleiri av sterkastu ungdómunum í Evropa, sum við hesi kappingini fyrireikaðu seg til EM fyri ungdóm, sum verður seinni í summar. Vunnu á Íslandi Níggju føroyskir leikarar vóru við í kappingini. Teir vóru Eyðun F. Ellendersen, Dávur Hansen, Knútur Jóannesarson, Sveinur M. Nolsøe, Magnus Holm Jacob­ sen, Hanus Sørensen, Anna Mikkjalsdóttir, Lív Øster og Durita F. Jensen. Hetta var fyrstu ferð, at før­ oyska ungdómslandsliðið luttók í annars árligu kappingini. Um hugt verður at støðinum, so er ringt at máta seg við ungdómslandsliðini hjá eitt nú Danmark, Noregi, Finnlandi og Litava, sum teljast ímillum tey stinnastu í Evropa, men føroyski hópurin hevði í hyggju at koppa Íslandi, sum somuleiðis var við á fyrsta sinni. Kappingin byrjaði sum ein liðkapping, har tveir og tveir leikarar royndu seg í ein- og tvímansleiki ímóti givna mótstøðuliðnum. Einki av føroysku liðunum hevði nakran møguleika ímóti stinnu lond­unum, men ímóti Íslandi bragdaði hjá U15-dreingjunum, sum vunnu 3-1 ímóti Íslandi. Teir, ið mannaðu hetta liðið hjá føroyingunum, vóru Knútur Jóannesarson og Sveinur M. Nolsøe. Hin yngsti kom víðari Eftir liðkappingina var farið at spæla einmansleik, og her fingu føroysku leikararnir ein sannan elddóp. Øll taptu sínar dystir 0-3, men tó var tað ein føroyingur, ið vildi tað øðrvísi. Tað var nevniliga hin yngsti av teimum øllum, 11 ára gamli Hanus Sørensen úr Borðtennisfelagnum Tór í Havn, sum vann á einum trý ár eldri íslendingi í U15-kappingini. Í næsta umfari tapti hann 0-3 fyri tí avgjørt sterkasta leikaranum í kappingini – ein úr Estlandi, sum seinni eisini vann kappingina lættliga. Tey, sum taptu í fyrsta umfari, vóru tó ikki liðug at spæla alt fyri eitt. Tey skuldu nevniliga í gongd við at spæla sokallaðar plaseringsdystir í bólkinum fyri tapandi leikarar, og aftur her vóru føroysku leikararnir yvirlegnir mótvegis teimum íslendsku og vunnu ein dystin fyri og annan eftir. Føroyska ferðalagið, sum var fimm dagar í Estlandi, fegnaðist mest um at teir nú á fyrsta sinni høvdu luttikið í hesi kappingini, somuleiðis sum sigrarnir á Íslandi vigaðu nógv og gevur góðar vónir fyri framtíðina. albinus@sosialurin.fo Pætur Albinus Sokallaði prologurin í Tour de France varð súkklaður leygardagin, og var tað tá hin næstan einaráðandi súkklarin á einkultstartinum, sveisiski Fabian Cancellara úr Radioshack-Nissan, ið vann greitt. Hann fekk tískil gulu troyggjuna til fyrsta veruliga umfarið í gjár, tá ið feltið súkklaði teir 198 km úr Liége til Seraing. Fleiri royndu at ríva seg leysar av feltinum, og eitt nú eydnaðist tað danska Michael Mørkøv úr Team Saxo Bank at vinna prikkutu fjallatroyggjuna, men vórðu allir hesir fangaðir av feltinum, sum slapp at spurta um sigurin. Ikki heilt óvæntað var tað sprintarin Peter Sagan úr Slovakia, sum vann. Hann hevur verið sera væl koyrandi hetta kappingarárið. Fabian Cancellara heldur fast í gulu troyggjuni. Ein ikki heilt ókend støða hjá honum at hava gulu troyggjuna frá byrjan, men síðani seinni helst má lata hana víðari til onkran, sum stendur seg betur sum fjallaklintrari. Í dag verða súkklaðir 207,5 km úr Visé til Tournai. 1. umfar 1 Peter Sagan (Svk) Liquigas- Cannondale 4:58:19 2 Fabian Cancellara (Swi) RadioShack-Nissan 3 Edvald Boasson Hagen (Nor) Sky Procycling 4 Philippe Gilbert (Bel) BMC Racing Team 5 Bauke Mollema (Ned) Rabobank Cycling Team 6 Alejandro Valverde Belmonte (Spa) Movistar Team 7 Robert Gesink (Ned) Rabobank Cycling Team 8 Daniel Martin (Irl) Garmin - Sharp 9 Ryder Hesjedal (Can) Garmin - Sharp 10 Dries Devenyns (Bel) Omega Pharma-QuickStep Samlað 1 Fabian Cancellara (Swi) RadioShack-Nissan 5:05:32 2 Bradley Wiggins (GBr) Sky Procycling 0:00:07 3 Sylvain Chavanel (Fra) Omega Pharma-QuickStep 4 Tejay van Garderen (USA) BMC Racing Team 0:00:10 5 Edvald Boasson Hagen (Nor) Sky Procycling 0:00:11 6 Denis Menchov (Rus) Katusha Team 0:00:13 7 Philippe Gilbert (Bel) BMC Racing Team 8 Cadel Evans (Aus) BMC Racing Team 0:00:17 9 Vincenzo Nibali (Ita) Liquigas- Cannondale 0:00:18 10 Ryder Hesjedal (Can) Garmin - Sharp Heimsins størsta súkklukapping, Tour de France, byrjaði um vikuskiftið. Ikki óvæntað hevur Fabian Cancellara vunnið sær gulu troyggjuna frá byrjan Tour de France av bakkastokki