mikudagur 4. juli 2012síða 7

7 Mikudagur 4. juli 2012 · Nr. 76 Sosialurin Hugskot og viðmerkingar – send sms til 225000 í meldrinum ar­stjóri, og tað fellur mær lætt at luttaka á teimum ymisku tiltøk­ unum, sigur Hjørdis Mortensen. – Eg havi fingið nógvar upp­ livingar, sum eg annars ikki hevði fingið, og hitt nógv kend fólk, sigur Hjørdis Mortensen. Maður hennara bleiv fyrstu ferð valdur sum borgarstjóri í Tórshavnar Kommunu í 2005, men Hjørdis Mortensen heldur ikki, at hon á nakran hátt er broytt sum persónur, eftir at maðurin gjørdist borgarstjóri. – Eg haldi, at eg eri tann sama, sum eg var áðrenn 2005. Í roynd og veru hugsi eg ikki so nógv um, at maðurin er borgarstjóri. Eg haldi heldur ikki, at eg geri meira burtur úr útsjóndini, og kann saktans fara til handils í rokaligum klæðum, sigur Hjørdis Mortensen og flennir. Kann ikki vera erkvisin At hava ein mann, sum øll hava eina meining um, og sum javnan fær atfinningar, er nakað, Hjørdis Mortensen hevur vant seg við. – Sum borgarstjóri verður tú útsettur fyri ábreiðslur. Eg haldi, at tað er umráðandi, ikki at taka sær ábreiðslurnar ov nær og at duga at vita, nær tað sømir seg at úttala seg um okkurt. Tað er jú ikki alt, tú skalt svara til, sigur Hjørdis Mortensen. Hon dylir ikki, at onkrar hendingar stundum kunnu ávirka seg. – Til tíðir kann eg gerast ørg ella kedd, um onkur er ov nær­ gang­andi ella er órættvísur, men eg má siga sum er, at tílíkar hend­ ingar ikki eru nakað, sum eg missi svøvnin av, fortelur Hjørdis Morten­sen og leggur afturat, at fólk fyri tað mesta eru fitt og fyri­ komandi. – Fólk eru vanlig og siga sjáldan nakað við meg, og eg havi avgjørt ikki havt nógvar óbehagiligar upplivingar sum borgarstjórafrúa. Okkara nærmastu koma onkuntíð og tosa við meg um okkurt mál, sum er frammi, men tað er ikki soleiðis, at fólk steðga mær á gøtuni fyri at práta um eitt nú kommunumál, greiðir Hjørdis frá. Heldur ikki heima við hús tosa Hjørdis Mortensen og borg­ar­ stjórin serliga nógv um politikk. - Vit práta sum øll onnur pør um arbeiðsdagin, og hvat vit hava upplivað, men sum heild tosa vit ikki nógv um politikk heima hjá okkum sjálvum, sigur Hjørdis Mortensen og leggur afturat: – Sjálvandi sigi eg honum eisini, hvat eg haldi um okkurt ávíst, sigur Hjørdis Mortensen og smílist. – Fólk eru vanlig og siga sjáldan nakað við meg, og eg havi avgjørt ikki havt nógvar óbehagiligar upplivingar sum borgarstjórafrúa