mikudagur 4. juli 2012síða 16

Mikudagur 4. juli 2012 · Nr. 76 16 Sosialurin Hugskot og viðmerkingar – send sms til 225000 Jóannes Hansen Hagtøl í Føroyum eru so mikið lítið fesk, at tey hoyra heima á søvnunum – um tað so er skjala ella fornminni – tá ið tey verða almenn. Soleiðis hevur ikki so sjáldan verið at hoyrt. At hetta ikki er galdandi fyri upp­gerðina av fyribils kommunu­skatti er skjótt at stað­festa. Sunnudagin var 1. juli, og mánadagin visti TAKS at siga, at fyribils uppgerðin vísir, at samlaða skattainntøkan hjá kommununum fyrra hálvár í ár var 16.082.851 krónur hægri, enn hon var tað fyrra hálvár í fjør. Hetta svarar til ein miðal vøkstur upp á 2,34 prosent. Í fjør var inntøkan fyrra hálvár 686.568.420 krónur, og í ár var hon 702.651.271 krónur. Uppgerðin hjá TAKS vísir eisini, at tað er mis­javnt, hvussu fyrra hálvár vignaðist hjá teimum 30 komm­un­ unum. Í átta kommunum var fyribils skattainntøkan minni í ár, enn hon var tað í fjør, og í 22 kommunum var hon størri, enn hon var tað í fjør. Í sekstan kommunum er vøksturin størri enn miðal­ talið, sum var 2,34 prosent, og í seks kommunum er vøkst­urin minni enn miðal vøksturin. Tað kann vera so ymiskt, sum er orsøkin til, at tað er munur á skattainntøkunum frá einum ári og til eitt annað og ikki minni frá einum hálvári og til eitt annað. Tá ið fyrra hálvár í 2011 verður sammett við fyrra hálvár í 2012 eigur at verða havt í huga, at fyrra hálvár 2011 var serstakt á tann hátt, at Fiska­ virking lá stilt, at tað var verkfall, og at Eik banki fór á heysin. Fyrra hálvár í 2012 var merkt av, at Pedagogfelagið, sum er eitt tað størsta fak­ felagið á almenna arbeiðs­ marknaðinum, var í verkfalli í tríggjar vikur í februar. Høvuðsstaðurin fótað sær Nógv tann størsta vøkstur­ in í skattainntøku í krónum eigur Tórshavnar kommuna. Fyrra hálvár í ár runnu 7,555 milliónir krónur meiri niður í høvuðsstaðarkassan, enn tað gjørdu fyrra hálvár í fjør. Framgongdin í høvuðs­ staðnum er 2,34 prosent, og tað er merkisvert. Oftast hevur tað verið soleiðis, at skatta­inntøkan hjá Tórs­ havnar kommunu er vaksin ár undan ári, men soleiðis var tað ikki í fjør. Tá ið gjørt varð upp fyri 2011, vísti tað seg, at skattainntøkan í høvuðs­staðnum var 986 tús­ und krónur ella 0,16 prosent minni, enn hon var tað í 2010. Nú er vent í holini. Fyrra hálvár hevur skattainntøkan verið meiri enn 7,5 milliónir størri, enn hon var tað í fjør. Og um gongdin heldur fram, sum hon hevur verið higar­ til í ár, so er tað ikki veru­ leikafjart at rokna við, at Havnin fer at fáa meiri enn 15 milliónir meiri inn í skatti í ár, enn høvuðsstaðar komm­ unan fekk í fjør. Skattaprosent og barna­ frádattur í Havnini eru á sama støði í ár, sum tey vóru í fjør -20,75% og 5.500 krónur. Stórt virksemi í Eysturoy Tað er stórt virksemi í Eysturoy, og tað sæst aftur í skatta­inntøkunum. Tað eru seks kommunur – umframt Sunda kommunu, sum eisini 16 milliónir meiri Skattur Høvuðsstaðurin eigur næstan helmingin av vøkstrinum – 7,55 milliónir. Lutfalsliga størsti vøksturin fyrra hálvár er í smáum kommunum, meðan skuldartyngdu Sands og Skopunar kommunur eru millum tær átta, sum fyrra hálvár hava fingið minni inn í fyribils kommunuskatti, enn tær fingu í fjør