mánadagur 30. juli 2012síða 13

13 Mánadagur 30. juli 2012 · Nr. 87 Sosialurin Hugskot og viðmerkingar – send sms til 225000 Ítróttarblaðið HB vann ólavsøkusteypið ímóti aldursforsetanum Fótbóltur HB vann 4-1 á TB ólavsøkuaftan í Gundadali. Fyrri hálvleikur var ferðmikil og spennandi, men dómarin og ein øl dós vóru yvirskriftirnar í seinna hálvleiki. Tróndur Arge – Gundadalur Tað hevur ikki gingið so væl hjá HB á ólavsøku, men í ár bragdaði. Sig­ fríður Clementsen hevði blandað kort eitt sindur øðrvísi hesa ferð, tí hann hevði tiggjar á miðvøllinum í eini 4-3-3 líknandi spæliskipan. Jóhan Troest Davidsen var fluttur inn í miðverjuna, meðan Vagnur Mohr Mortensen varð fluttur fram á verjukenda miðvøllin. Rókur av Fløtum Jespersen og Hallur Hans­ son mannaðu hini bæði plássin á miðvøllinum. Fyri TB var ein broyting at Martin Tausen sat uttanfyri og Milan Kuljic valdi at spæla 4-4-2 við Nenad Stankovic og Bárði Dimon mitt á miðjuni. CRM sló til Christian R. Mouritsen legði HB á odda innanfyri tað fyrsta korterið. Andrew av Fløtum spældi hann hegnisliga leysan og úr spískum í høgrum legði hann bóltin í handara síðunet. Christian R. Mouritsen hevði tveir líknandi møguleikar móti NSÍ í farnu viku, men tá fór bólturin ikki inn og HB tapti. Hesa ferð lá betri fyri og Christian R. Mouritsen var sera eyðsýndur í fyrra hálvleiki. TB svaraði aftur miðskeiðis í fyrra hálvleiki, tá Bojan Timic stutt undir málinum halaði bóltin til Gilla Sørensen, sum við vinstra beini javnaði fyri TB. Eina løtu var gangurin av TB viðhaldsfólkunum og tí so kendu TB-sirenuni so nógvur, at tað hoyrdist ikki manna­ mál. Tvey dreyma mál HB svaraði skjótt aftur og tað við manér. Eftir hornaspark kom bólt­ urin útfrá til Alex Jose dos Santos, sum staddur á brotsteigarmarkinum, nakað til vinstru fyri málið, smekk­ aði til fyrstu ferð. Bólturin brast í stongina og í mál. Eitt framúr vakurt og væl útført mál av vinstra bakkinum, sum hevur víst seg frá tí málfarligu síðuni higartil í ár. Slíkt gevur sjálvsálit og bara fáar minuttir seinni var Alex Jose dos Santos aftur upp á spæl. Miðskeiðis inni á hálvuni hjá TB legði hann bóltin innfyri til Christian R. Mouritsen, sum sett høvdið á bóltin sum fór í sama trýkant, sum skotið hjá vinstra bakkinum stutt frammanundan. – Slík mál kanst tú einki gera við. Hatta hendir eina ferð um árið, segði Óli Johannesen eftir dystin, sum viðurkendi at HB hevði verið betra liðið, men at hansara menn einki høvdu at skammast við hend­ an dagin. Reytt kort drepur dystin Fyrri hálvleikur var ferðmikil, opin og spennandi. Ein tann besti hálv­ leikurin í føroysku kappingini hig­ ar­til í ár. TB var væl við og 3-1 var ikki beinleiðis ein avspegling av spælinum á vøllinum, hóast HB hevði bóltin meiri. Seinni hálvleikur megnaði ikki at liva upp til tað. Spælið bleiv meiri rótut og váti vøllurin, sum í fyrra hálvleiki var við til at halda ferðina uppi á spælinum, var í løtum ein forðing, tí avleveringarnar vóru ikki eins neyvar. Tjúgu minuttir fyri tíð fær TB sín størsta møguleika at inn aftur í dystin, tá Gilli Sørensen verður sendur avstað inn um HB verjuna. Hann prikar bóltin framvið HB málverjanum, men bólturin trillar beint við síðuna av. Í eini roynd at fáa fatur á bólti­ num aftur fara Gilli Sørensen, sum fekk eitt gult kort í fyrra hálvleiki, og HB verjuleikarin, Rógvi Holm, um koll aftanfyri baklinjuna. Har hendie eitt hvør smávegis og fyrr­ verandi Aberdeen leikararnir eru í hornatøkum í nøkur sekund. Rúni Gaardbo var skjótur á staðnum og tosaði við teir báðar. Hann fer í lumman eftir gula korti­ num og gevur teimum eitt í part. Tað ganga nøkur sekund tile in HB leikari ger dómaran varhugan við, at hetta er annað gula kortið í dystinum. So má Rúni Gaardbo í lumman eftir tí reyða og harvið verður Gilli Sørensen útvístur. Tað er nógv, sum bendir á at dómarin ikki vitsti at TB framherjin hevði eitt gult kort. So hevði helst verið betri at bara tosa við U21 landsliðsleikararnar. Eftir hetta hevði TB ongan kjans og HB vann trygt tá alt kom til alt. HB fekk eitt mál afturat, tá Andrew av Fløtum gjørdist leysur við mál­ manninum, ið varð komin úr máli­ num. Umvegis eitt TB bein fór bólt­ urin í mál til endaliga úrslitið 4-1. Øl dós tveitt eftir dómara Í seinna hálvleiki verður ein full Føroya Bjór øl dós tveitt eftir hjálp­ ardómaranum undir Tryggingar­ skýli­num. Dósin er nær við at raka hjálpardómaran og hetta er tíverri ein svartur plettur á einum góðum fótbóltsdysti, har TB áskoðararnir annars vístu seg frá síni bestu síðu. Keldur, sum Sosialurin hevur tosað við, siga at talan var um ein óvanliga fullan mann, sum tveitti øl dósina inn á vøllin. Hann fekk eisini av at vita frá áskoðarunum rundan um, at slíkt als ikki hoyrir heima nakrastaðni. Hendingin er við í dómarafrágreiðingini. Vit sita ikki í dag og tosa um ein avblástan dyst, tí hjálpardómarin valdi ikki at lata ein fullan persón steðga einum annars frálíkum ólav­ søkudysti. Tað er ógjørligt at hava nógv størri trygd kring leivøllirnir í Før­ oyum enn tað longu er, og tí er tað av stórum týdningi at hetta ikki hendir aftur. Tað skal heldur ikk koma fyri, at ein hjálpardómari skal kenna seg sum eina skotskivu fyri annað enn skemtiligar viðmerkingar og kanska okkurt banniorð tá menn gerast heitir. Hann hevði sín fulla rætt til at fara av vøllinum og fáa dómaran at avblása dystin. Vónandi hendir hetta ongantíð aftur! TB áskoðararnir skulu annars hava stórt rós fyri teirra avrik utanfyri vøllin. Teir eru mælskir, skemtiligir og halda ein gang sum fáir aðrir fjepparar kunnu standa mát við. trondur@sosialurin.fo KÍ-Víkingur 3-3 (0-2) 0-1: Sølvi Vatnhamar 5. 0-2: Kaj Leo í Bartalsstovu 16. 0-3: Filip Djordjevic 46. 1-3: John Hammer 58. 2-3: Páll Klettskarð 82. 3-3: Páll Klettskarð 89. Dómari: Lars Múller KÍ: Andras Gango – Álvur F. Christiansen (Sørmundur Kalsø, 77.), Jógvan Isaksen, John Hammer, Heðin á Lakjuni – Henry Heinesen (Ivan Joensen, 55.), Kristoffur Jakobsen, Hjalgrím Elttør, Ísak Simonsen (Heðin Klakstein, 50.), Andy Olsen – Páll Klettskarð Gult kort: Henry Heinesen, Páll Klettskarð Víkingur: Geza Turi – Hans Jørgen Djurhuus, Erling Jacobsen, Dánjal Pauli Lervig, Hanus Jacobsen – Sølvi Vatnhamar, Niclas Niclassen (Fritleif í Lambanum, 73.), Evrard Blé, Kaj Leo í Bartalsstovu – Filip Djordjevic, Hjartvard Hansen Gult kort: Hans Jørgen Djurhuus, Dánjal Pauli Lervig Reytt kort: Hans Jørgen Djurhuus 71. (2 gul) HB-TB 4-1 (3-1) 1-0: Christian R. Mouritsen 12. 1-1: Gilli Sørensen 33. 2-1: Alex José dos Santos 35. 3-1: Christian R. Mouritsen 40. 4-1: Andrew av Fløtum 81. Dómari: Rúni Gaarbo HB: Teitur M. Gestsson - Jógvan Rói Davidsen, Rógvi Holm, Jóhan Troest Davidsen, Alex José dos Santos - Hallur Hansson, Vagnur Mohr Mortensen, Rókur Jespersen (Kristin R. Mouritsen, 75.) - Christian R. Mouritsen (Gunnar Haraldsen, 88.), Andrew av Fløtum (Rógvi Poulsen, 85.), Símun Samuelsen Gult kort: Jóhan Troest Davidsen, Andrew av Fløtum, Rógvi Holm TB: Ivan Stojkovic - Hanus Mortensen, Óli Johannsen, Dimitrije Jankovic, Gunleif Olsen - Dan Mortensen (Teitur Justinussen, 89.), Rógvi Joensen (Martin Tausen, 79.), Nenad Stankovic, Bárður Dimon (Poul Ingason, 61.), Gilli Sørensen - Bojan Timic Gult kort: Dimitrije Jankovic, Gilli Sørensen, Poul Ingason, Bojan Timic Reytt kort: Gilli Sørensen (2 gul) 70. EB/Streymur-B68 0-0 Dómari: Ransin N. Djurhuus EB/Streymur: René Tórgarð – Jónhard Frederiksberg (Árni G. Olsen, 73.), Gert Hansen, Egil á Bø, Leif Niclasen – Pætur Dam Jacobsen, Sorin Anghel, Niels Pauli Danielsen (Arnbjørn Hansen, 86.) – Arnar Dam (Jóhannes Hansen, 76.), Levi Hanssen, Hans Pauli Samuelsen Gult kort: Levi Hanssen, Hans Pauli Samuelsen B68: Hans Jørgensen – Dánjal Pauli Højgaard, Oddur Højgaard, Jóhan Dávur Højgaard, Einar T. Hansen – Bjarki Johannesen (Jústinus R. Hansen, 46.), Ndende Adama Guéye (Jan V. Andersen, 83.), Jann Ingi Petersen, André Olsen – Óli Olsen (Kristian Anton Andreassen, 87.), Christian Høgni Jacobsen Gult kort: Christian Høgni Jacobsen ÍF-FC Suðuroy 3-2 (1-0) 1-0: Karl Løkin 8. 1-1: John T. Poulsen 46. 2-1: Jan Ó. Ellingsgaard br 53. 3-1: Dánjal á Lakjuni 62. 3-2: John T. Poulsen 64. Dómari: Alex Troleis ÍF: Hallgrím G. Hansen – Nenad Saric,Uni R. Petersen, Høgni Zachariassen, Jan Ó. Ellingsgaard – Dánjal á Lakjuni (Jákup Johansen, 79.), Høgni Madsen, Bogi Løkin (Ari Ó. Ellingsgaard, 64.), Karl Løkin, Thomas Asmussen (Heri Nesá, 90.) – Clayton Soares Gult kort: eingin FC Suðuroy: Stanislav Kuzma – Høgni Midjord (Dan Djurhuus, 79.), Suni úr Hørg, Sasa Kolman, Jón Áki Jacobsen – Palli Augustinussen, Poul N. Poulsen, Jón K. Poulsen, Heri Kjærbo, David Asare (Reidar Dahl Joensen, 79.) – John T. Poulsen Gult kort: Jón K. Poulsen, Heri Kjærbo B36 - NSÍ 5-1 (1-0) 1-0: Dánjal Rói Olsen, 5. 2-0: Bárður Olsen, 48. 2-1: Jann Martin Mortensen, 69. 3-1: Dánjal Rói Olsen, 74. 4-1: Pól Jóhannus Justinussen, 88. (sj.) 5-1: Gunnar Zachariasen, 91. Dómari: Rói Jacobsen B36: Meinhard Joensen - Høgni Eysturoy (53. Símun Hansen)Jonas Flindt Rasmussen, Odmar Færø, Símun Joensen - Lukasz Cieslewicz (88. Gunnar Zachariasen) Atli Danielsen, Róaldur Jakobsen, Bárður Olsen - Dánjal Rói Olsen (79. Rasmus D. Sørensen) Jákup á Borg Gul kort: Odmar Færø, Meinhardt Joensen NSÍ: Kristian Joensen - Monrad Holm Jacobsen, Jens Joensen (83. Pál M. Joensen) Helgi L. Petersen, Sjúrður Jacobsen (11. Óli Arge) (74. Andrias á Línknargøtu) - Jann Martin Mortensen, Magnus H. Olsen, Pól Jóhannus Justinussen, Andras Frederiksberg, Viljormur Davidsen - Klæmint Andrasson Olsen Gult kort: eingin 27. juli 28. juli 29. juli