mikudagur 1. august 2012síða 10

Mikudagur 1. august 2012 · Nr. 88 10 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni, og Bjørg Róin, lærari á Føorya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. At taka eina útbúgving er vegurin fram hjá tær. Og tað eru tað fleiri orsøkir til. Her eru nakrar av teimum týdningarmestu: • Tú fært nógv fleiri starvsmøguleikar • Í dag krevja rættiliga nógv størv, at tú hevur eina víðarigangandi útbúgving • Tú fært møguleikar fyri hægri løn og betri starvsviðurskiftum. Lívslønin og livitíðin vísir seg at vera hægri fyri fólk við útbúgving enn fólk uttan. • Tú kemur í eina stóra fakliga menning, men sum í stóran mun er ein persónlig og sosial menning í eini útbúgvingartilgongd, har tú kanska fyri fyrstu ferð flytur langt heimanífrá at búseta teg. • Tú lærir at arbeiða systematiskt, kritiskt og sjálvstøðugt. • Tú fært innlit innan títt fak, men kanst samstundis fara niður í smálutir fyri at fá heildina at virka. • Í útbúgvingartilgongdini hevur tú stórar møguleikar fyri at lesa uttanlands við eitt nú at taka alla ella partar av útbúgvingini uttanlands. • Útbúgving tín læsir teg ikki fastan í eini ávísari starvsleið restina av lívinum. Nógv fáast við alt møguligt annað-, enn tað sum útbúgvingin beinleiðis miðjaði eftir, og nógv skfita spor fleiri ferðir í sínum arbeiðslívi. Holger og Bjørg Útbúgving er vegurin fram Tí er neyðugt við eini útbúgving Spurnarsíðan Spyr og fá svar um útbúgvingar. Allar. Allastaðni. Ov lágt miðaltal Eg havi søkt inn á eina útbúgving á Sterinum við einum próvtøkumiðaltali upp á 6,7 og nógvum viðkomandi arbeiðsroyndum og øðrum kvalifikatiónum, og er eri ógvuliga motiverað og búgvin – og eri 25 ára gomul. Ein vinur mín søkti eisini beinleiðis eftir HF – uttan nakrar arbeiðsroyndir ella aðrar viðkomandi royndir og hevði 7,6 í miðal í gymnasialu miðnámsútbúgving. Kunnu tit forklára mær, hví eg ikki slapp inn, meðan vinur mín slapp? »Tann avvísti« Til tann avvísta Til upptøku á Fróðskaparsetri Føroya í ár vóru nógvir væl skikkaðir umsøkjarar bæði í kvotu 1 og í kvotu 2. Tí vóru nøkur avvíst, hóast tey vóru skikkað, meðan onnur ikki uppfyltu upptøkukrøvini. 80 prosent vórðu tikin inn gjøgnum kvotu 1, har bara miðaltalið frá upptøkugevandi gymnasialu miðnámsútbúgvingini er avgerandi fyri upptøkuna. Tað er eitt ávíst tal av plássum, og her verða tey tikin inn, sum hava hægsta miðaltal, og tey er vinur tín ímillum og ikki tú. Tú hevur helst søkt gjøgnum kvotu 2 (ein kvotu 2 umsókn er samstundis ein kvotu 1 umsókn). Her kunnu ymsar viðkomandi kvalifikatiónir geva atgongd, men har eru ov fá pláss (max 20%), og har eru mong sum tú við eini ikki so góðari próvtøku, men við nógvum ymsum kvalifikatiónum, sum hava søkt. Og so hava tað allarhelst verið alt ov nógvir vælkvalifiseraðir umsøkjarar, enn tað hava verið pláss, sum hevur gjørt, at tú ikki slapst inn í ár. Vh Bjørg + Holger Slapp hvørki inn í Føroyum ella uttanlands Eg slapp hvørki inn uttanlands ella í Føroyum til eina víðarigangandi útbúgving. Hvat kann eg gera fyri at sleppa inn næsta ár? »Asking« Til »Asking« Fimm góð ráð: • Set teg í samband við lestrarvegleiðaradeildina á útbúgvingarstaðnum fyri at frætta um tínar møguleikar fyri at bøta tína umsókn til næsta ár • Kanna hvar tøk pláss eru í Danmark – annaðhvørt innan fyri sama útbúgvingarøki eitt annað stað ella innan fyri líknandi útbúgvingarøki á sama stað (hygg í yvirlit yvir tøk útbúgvingarpláss á www. ug.dk). Í Føroyum mást tú spyrja á útbúgvingarstaðnum. Í UK eitur tað »clearing« og eitt nú í Noreg eitur tað »restetorget«, um tú vilt vita, um har eru tøk pláss í august. • Fá eina persónliga vegleiðing hjá einum vanligum lestrarvegleiðara, eitt nú á Altjóða Skrivstovuni ella gjøgnum www.evejledning.dk, sum hevur opið um kvøldið og um vikuskiftið um alternativar møguleikar. • Umhugsa suppleringsmøguleikar í Føroyum ella í DK. Suppleringsmøguleikarnir finnast eitt nú á www.gsdanmark.dk - www.kvuc.dk - www.vuc.nu og á útbúgvingarstøðunum í Føroyum. • Kanna møguleikarnar fyri upptøku via kvotu 2 til næsta ár. Her mæla vit til: 1) at kanna kvotu 2 treytirnar væl og virðiliga og tosa við ein lestrarvegleiðara á staðnum. 2) at søkja relevantar arbeiðsroyndir og aðrar kvalifikatiónir, sum telja. 3) at fáa góð ráð til at skriva eina lívssøgu/motiveraða umsókn. Vh Bjørg og Holger