týsdagur 16. mars 2004síða 7

12 Nr. 52 - 16. mars 2004 Nr. 52 - 16. mars 2004 13 Herviliga bumbuatsøknin í Madrid hósmorgunin, hevði størstu ávirkan á marknaðirnar í farnu viku. Eftir at partabrævaeigarar fóru at staðfesta vinning or- sakað av vánaligu arbeiðs- marknaðarfrágreiðingini, setti bumbuatsøknin dik á gongdina. Sostatt lækkaðu partabrøv og rentur mun- andi í farnu viku. Hvørja ávirkan hending- in fær á hesa vikuna er tengt at, hvør endaliga fær ábyrgdina av atsøknini. Spanska stjórnin hevur lagt baskiska yvirgangsbólkin ETA undir at hava framt atsóknina, men tað seinasta nýggja í málinum er, at ein bólkur, ið sigur seg hava til- knýti til Al-queda, í einari video upptøku, átekur ábyrgdina av atsøknini. Hetta er kortini ikki váttað frá almennari síðu enn. Eftir herviligu atsøknina tann 11. septembur 2001 gekk júst ein mánaði til partabrævamarknaðir vóru á sama stigi sum áðrenn hesa atsøknina. Trupult er at gita viðvíkjandi markn- aðarpsykologi, men um endaligt verður staðfest at Al-queda veruliga stóð aft- anfyri Madrid bumburnar, fer hetta at skapa fjáltrur á altjóða fíggjarmarknaðun- um. Kortini vilja marknað- irnir vanda aftur til gerand- isdagin sum frálíður, og hesir fara tískil aftur at leggja dent á grundleggj- andi búskaparligu viður- skiftini. Í farnu viku kunngjørdi Lundbeck ein góðan rokn- skap, ið tó var sum væntað, meðan ISS og Group4Falck kunngjørdu hampuligar roknskapir. Týski telerisin Deutsche Telekom kunn- gjørdi hinvegin ein vánalig- an roknskap, ið tó var merktur av eingangsút- reiðslum. Hesa vikuna kunngerð Vestas roknskap. Roknast kann við, at marknaðirnir gerast óstøð- ugir hesa vikuna orsakað av yvirgangsatsøknini í Madr- id. Slíkir sorgarleikir skapa fjáltur á marknaðirnar og fáa íleggjarar at selja meira váðakendu virðisbrøvini, eitt nú partabrøv, og keypa meira tryggu lánsbrøvini. Fleiri áhugaverd lyklatøl verða kortini kunngjørd hesa vikuna og amerikanski tjóðbankin hevur rentu- fund. Hóast teir ikki fara at broyta rentuna, kunnu orð Greenspans fáa partabrøv og rentur at hækka. Yvirgangur aftur í andgletti Vika 12, 2004 www.kaupthing.fo Eitt einki-stuttligt fimleikaævintýr Einaferð vóru tað nakrar gentur, ið elskaðu at gera fimleik. Nakrar teirra vóru lítlar og nakrar vóru ungar kvinnur, men tær vóru allar fittar og erligar og vandu so nógv fimleik, sum tær kundu, tí tær vildu gerast so góðar, at tær høvdu møgu- leika at verða føroyameist- arar í fimleiki. Tað høvdu onkrar teirra roynt fyrr, og tað var so góð kensla og stuttligt, at tað var vert at royna eftir aftur. Men hetta árið skuldi ikki vera sum vanlig ár, har tær í friði undir meira ella minni hálv- vánaligum umstøðum vandu sín elskaða fimleik til kappingardagin á árinum, tá endaligi dómur fall um, hvørjar bestar vóru í landin- um at gera fimleik. Tað byrjaði við, at teir hægstu menninir í teirra parti av landinum koyrdu tær allar sum eina út úr teirra einasta tilhaldsstað og vístu teimum ikki rúm nakra aðrastaðni. Tað er ikki gott at hava gøtuna sum heim, og genturnar vistu ikki síni livandi ráð, tíbetur vóru hetta raskar gentur, sum elskaðu fim- leik og fullvæl vóru greiðar um, at einki fekst »forer- andi« her í lívinum, so eftir knøppum tveimum vikum høvdu tær funnið fram til eina lappaloysn og vandu sín elskaða fimleik undir botnvánaligum umstøðum. Tær ætlaðu ikki, at tað skuldi síggjast á haminum, at tær høvdu verið gøtubørn eina tíð, og tí høvdu tær bí- lagt sær sera vakrar fim- leikadraktir í føgrum litum, sum tær skuldu vera í tann dagin, slagið skuldi standa. Sjálvar áttu tær ikki nógvar pengar, og heldur ikki felag teirra, men tær høvdu fingið stuðul frá einum fittum fel- ag, sum æt Føroya Tele, og so fóru tær til ein ítróttar- handil á Argjum at bíleggja vakrar draktir í føgrum litum og byrjaðu so smátt at gleðast til kappingardagin. Av røttum áttu tær bara at hugsavna seg um sín elsk- aða fimleik, men menninir á Argjum, ið tær høvdu bílagt vøkru draktirnar frá, gjørdust alsamt løgnari, sohvørt longri tíð gekk frá, at upprunaliga freistin, tá tær skuldu fáa draktirnar, varð brotin. Eitt var, at teir hildu ikki orð, men teir fóru at lúgva so illa, at vanlig fólk høvdu rodnað, og nú kappingardagurin nærkast sløkkja teir fartelefonirnar og eru ikki at hitta á máli. Genturnar, sum elska fim- leik, gerast fjálturstungnar, og enn einaferð vita tær ikki síni livandi ráð, men tær eru ikki býttar og ringja til tann, sum skuldi gera draktirnar, men hesin gerst kløkkur av fyrispurningin- um, tí als eingin bílegging um vakrar fimleikadraktir í føgrum litum er komin úr Føroyum. Nú var heilt ringa lag á gentunum, ið elskaðu at gera fimleik: Hvussu kundi nakar vera so ryggleysur og óerligur?! Og hvat skuldu tær gera?! Tað vóru ikki reiðiliga tríggir dagar til kapping hjá ungu kvinnunum og einir tíggju dagar til kappingina hjá lítlu gentunum! Enn einaferð royndu genturnar, sum elskaðu fimleik, seg sum »problemknúsarar«, tær fóru at ringja runt til øll møgulig fólk, sum høvdu gjørt fimleik fyrr og kundu hugsast at eiga ta ynsktu draktina, og eftir henda dag er álitið á mætar menn minkað, meðan teirra egna er vaksið fleirfalt, og næstu ferð tær skulu hava draktir, bíleggja tær sjálvar bein- leiðis frá fyritøkuni. Snipp, snapp, snúti, nú er søgan úti; vit verða ikki snýttar aftur, og Sports- wear á Argjum er á svarta- lista hjá GJ-design. Við fimleikakvøðu og vón um, at »ærlighed varer længst«. Vegna kvinnu- og pinku- venjararnar, Tóru Róin, Bjørt L. Joensen, Edith Dahl Olesen og Hildigunn Norðfoss Fimleikafelagið Ljósið VIÐMERKINGAR FISKIVINNUSTEVNA Tíðindaskriv Menningarstovan hevur tik- ið stig til at luttaka á eini framsýning í Moskva saman við russiska konsulátinum. Framsýningin, FISH 2004, verður 21. - 24. apríl. Hetta er ein fiskivinnuframsýning, og er hon ma. áhugaverd fyri føroyingar, tí russisk reiðarí hava játtað at møta okkum har. Hesir marknaðarfør- ingsmøguleikar verða m.a. sæddir í átakinum: • Vísa á okkara strategisku plasering í Atlantshavinum • Skipasmiðjur • Veitingar og tænastur, sum føroysk virki kunnu veita russiskum trolarum • Havnir og frystigoymslur • Keyp og sølu av fiski/- kvotum Russiski marknaðurin er í støðugum vøkstri, markn- aðurin fyri ymisk fiskasløg er góður, og útlitini eru góð fyri marknaðin. Herfyri var í sjónvarpinum sagt frá um góða prísin á smáum upsa, og eisini hava vit fingið líknandi ábendingar um laksamarknaðin. Aðrar vinnur, sum kundu komið uppá tal sum lut- takarar eru byggivinnan og oljuvinnan. Innan oljuvinn- una er áhugi hjá russum at flyta tungolju til Føroyar, soleiðis at russisku skipini koma higar at bunkra, og hetta virksemi kann jú hava ringvirkningar. Føroyskur landabásur Menningarstovan hevur bílagt eitt básøki. Her fara russisk reiðarí og onnur áhugað at møta føroysku fyritøkunum til skipað fund- arvirksemi. Tiltakið verður skipað sum landabásur. Føroyskar fyritøkur verða bodnar við á føroyska básin á framsýningini. Hetta er eitt einastandandi høvi til at knýta sambond við russiska vinnulívið. Russiska konsu- látið hjálpir við at knýta sambond við russisk reið- aríir, og Menningarstovan veitir sambond við aðrar partar av russiska vinnulív- inum, sum kunnu hava áhuga fyri Føroyar og før- oyskt vinnulív. Fyritøkur, sum luttaka á landabásinum, njóta hesar fyrimunir: • Atgongd til skipaðan fundarbás • Tulkahjálp: russiskt/før- oyskt og enskt/føroyskt • Teldu- og Internetatgongd á bási • Egið logo á básinum • Við í felags lýsingum • Innboðið tiltak á básinum • Við í framsýningarkata- logi við navni, adressu og stuttari lýsing av fyritøkuni • Marknaðarupplýsingar um Russland (Møguligt eykagjald fyri upplýsingar frá donsku uttanríkistæn- astuni) Básluttakarargjaldið fyri hesar tænastur er sett til Kr. 12.500,- fyri hvørja fyritøku. Freistin at tekna seg er 18. mars. Flogfelag Føroya skipar fyri beinleiðis ferð til fram- sýningina. Til Moskva á Fiskivinnustevnu NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Lag: Av øllum teim… Stinn tú stendur sum gomul eik, væl fest í fosturlandi, hetta landi tú aldrin sveik, í tær livir fedranna andi. Systkinabarn títt, próst Jákup Dahl lyfti tann lýsandi loga. Føroya fólki hann kom á tal, som mikið hann teim vildi boða. Úr Toftum vit eru slektaði øll, frá Rádna bónda tí stinna, sum saman við Nólsoyar Páll »flutti fjøll«, á neyðini vildi vinna. Hannemia, tú líkist svá bóndans konu, sum fáar, hon flutti kornið í hjøllum lá, konubrot eru báðar. Mikið tú fekst av Skaparans hond gávur í stórum tali, hvørt orð, hvønn setning gav lív og ond, vitug í orðavali. Ein kempa av sonnum, tú situr her, einsamøll eftir av øllum, merkisheilsan eg beri ter, var stinnast av kvinnum og køllum. Í Toftalíð søgdu øll, Gumman, góð, hvørs mansbarn har soleiðis segði, tú góðlynt var og bleiv aldrin óð, alt gott í okkum tú legði. Teim 100 tú nærkast, so mensk tú er, ei bilar við tínum minni, hvørt smáting tú minnist, nógv betur enn vit, nú stákast tú einamest inni. Gumman, vit takka tær fyri alt, tað, vit frá tær hava nomið, tað, tú hevur fyri okkum fortalt, og alt, sum frá tær er komið. Roðin í vestri um sólina sær, Gud signi tær seinastu løtur. Føðingardagin øll heilsa tær, Føroyalands synir og døtur. Hjartaliga tillukku við 98 ára føðingardeg- num. Kærar heilsanir Jákup Olsen Dagurin 16. mars. Gud- mundur, deyður í 1237. Biskupur á Hólum í Íslandi. Fyri undurgerðir, sum hendu við grøv hansara, varð hann skírdur halgimenni. Norrønt navn, ið merkir Guð og verndari. Sunnudagin 14. mars bleiv Jóannes Fonsdal prestvígdur og inn- settur sum hjálpar- prestur í Suður- streymoyar eystara prestagjaldi, hann er útbúgvin av Køben- havns Univeristeti, og varð liðugur við teologiútbúgvingina seinasta summar Hátíðarhald varð í dóm- kirkjuni í Havn sunnudagin 14. mars tá Jóannes Fons- dal av Skála bleiv prest- vígdur og innsettur sum hjáparprestur í Suður- streymoyar eystara presta- gjaldi. Jóannes Fonsdal er út- búgvin av Københavns Univeristet, og varð liðugur við teologiútbúgvingina seinasta summar og liðugur á pastoralseminarinum til jólar í fjør. Suðurstreymoyar eystara prestagjald er størsta kirkjusóknin í landinum og er støðugt vaksandi. Til prestagjaldið hoyra Havnar Kirkja, Nólsoyar Kirkja og Kaldbaks Kirkja. Prestarnir við prestagjaldið eru nú Bjarni Bæk,dómpróstur, Sonja Klein sóknarprestur og nú eisini nýggi hjálpar- presturin Jóannes Fonsdal. Jóannes Fonsdal er 31 ára gamal, hann er giftur við Sigrid, sum ættað er av Við- areiði. Tey eiga hálvttriðja ára gamla Andreas og hálvtára gomlu Mariu Louise. Jóannes Fonsdal, hjálparprestur: Nýggjur hjálparprestur vígdur og innsettur Sunnudagin bleiv Jóannes Fonsdal prestvígdur og innsettur sum hjálparprestur við Suðurstreymoyar eystara prestagjald. Fremst á myndini: Jóannes Fonsdal, hjálparprestur, Hans Jacob Joensen, biskupur, og Bjarni Bæk, dómpróstur Mynd: Jan Müller Til Johannu Mariu Olsen, Vágur á 98 ára føðingardegnum 17. mars C M Y K 13 12