mánadagur 6. august 2012síða 8

Mánadagur 6. august 2012 · Nr. 90 8 Sosialurin Hugskot og viðmerkingar – send sms til 225000 Arbeiðsfólkið skal helst einki gera NÝTT VIRKI Nýggja uppsjóvarvirkið á Tvøroyri er rokað við teknikki og arbeiðsfólkið skal helst onki hava at gera Áki Bertholdsen Á nýggja uppsjóvarvirkinum á Tvøroyri, eru 25 fólk til arb­ eiðis í senn. Men tey skulu helst bara standa hendur í favn og hyggja at. – Øll framleiðslan er stýrd við teknikki, staðfestir Bogi Jacobsen, stjóri á nýggja upp­ sjóvarvirkinum. – Fremsta uppgávan hjá arbeiðsfólkinum er at vera til reiðar, skuldi okkurt í tek­ nikkinum svikið, leggur hann afturat. – So tess minni arb­eiðs­ fólkið hevur at gera, tess betri riggar teknikkurin og so kann tað ikki vera betri fyri virkið og framleiðsluna, sigur stjórin. Nógv er sagt og skrivað um, hvussu framkomið nýggja virkið er. Tað er rokað við teknikki, rustfríum stáli, følarum og stýringum og fiskurin fer ígjøgnum alla framleiðsluna, uttan at mannahond hevur verið á honum. – Einastu ferðina, brúk verður fyri fólki, er at hjálpa til at skilja, tá ið støddir og fiskasløg eru so ymisk, at maskinurnar klára tað sjálv­ ar, ella at hjálpa til, tá ið serlig viðurskifti gera, at teknikk­ urin skal hjálpast eitt sind­ ur. Annars skal fólkið mest standa og eygleiða og vera til reiðar at stilla útgerð og tek­ nikk, tá ið okkurt ikki gongur eftir ætlan. Virkið er gjørt at klára 1000 tons um dagin, men í løtuni er framleiðslan 600 tons. Tað skulu bara tríggir frystarar afturat til at koma upp á 1000 tons um dagin. 100 fólk Nýggja uppsjóvarvirkið á Tvøroyri er tað størsta og mest framkomna av sínum slagi í heiminum. Men hóast øll framleiðslan er stýrd við teknikki, er tað ógvuliga arbeiðsskapandi. – Arbeitt verður allan sól­ ar­kringin runt, sjey dagar um vikuna. Arbeitt verður í tveimum vaktum, har hvør vaktin arb­ eiðir 12 tímar. Á hvørjari vakt eru 25 fólk, men fyri at geva fólki høvi at halda frí, eru tríggjar vaktir knýttar at virkinum, ella 75 arbeiðsfólk tilsamans. – Sostatt hevur ein vakt altíð frí. Men eisini í dagliga arbeiðnum er virkið yvir­ mannað, so at nøkur fólk altíð hava eina fríløtu ísenn, uttan at tað nervar fram­ leiðsluna tað allarminsta. – Vit rinda 84.000 krónur í arbeiðslønum í dagin til arb­ eiðsfólk, staðfestir Bogi Jac­ ob­sen. Hann sigur, at tá ið arb­ eiðsfólk hava arbeitt einar 150 dagar, hava tey eina ham­ p­i­liga ársløn upp á 252.000 krónur. Men tað er ætlanin at hava arbeiði á virkinum meiri enn tað. – Tað er bara rávøru­til­ gongdin, sum avmarkar arb­ eiðið, men vónandi kunnu vit útvega virkinum nóg mikið á rávøru til at vit kunnu arb­ eiða væl meiri enn teir 250 dagarnar. Í hesum sambandi verður dentur lagdur á, at virkið er als ikki bara bygt til makrel, tí tað kann hagreiða alskyns uppsjóvarfisk, bæði svart­ kjaft, sild og annað. – Vit leggja ógvuliga stór­ an dent á at útvega virkinum nógv arbeiði, tí klára vit ikki at útvega arbeiðsfólkinum eina hampiliga ársløn, kunnu vit ikki vænta at varðveita tey, sigur stjórin. Afturat arbeiðsfólkunum, eru eini 25 onnur fólk knýtt at virkinum í leiðslu, fyri­ siting, søludeild, fólki til av­ skipingar og øðrum. – Tilsamans eru vit sostatt 100 fólk, sum eru knýtt at virkinum, sigur stjórin. Seinastu tíðina hava tey brúkt upp á at stilla maskinur og útgerð fyri at fáa allan teknikkin at virka, og at samvirka. – Tað hevur gingið ser­ stakliga væl og nú gongur alt, sum tað skal, sigur Bogi Jacobsen. Virkið hevur tikið ímóti nøkrum lastum og tekniskt hevur tað riggað væl at arbeiða undan. – Tað, vit hava brúkt eitt sindur av tíð upp á, er at venja arbeiðsfólkið við dag­ liga arbeiðið, so at øll vita, hvør skal gera hvat, tá ið trupulleikar taka seg fyri at teir kunnu vera loystir so skjótt, sum gjørligt. Nýggja uppsjóvarvirkið á Tvøroyri kostar 180 milli­ónir at byggja. Harafturat er ein at­ løgubryggja gjørd, um­ framt at ein partur av havnarlagnum er fyltur, so tilsamans er talan um eina íløgu upp á 200 milliónir, sum er løgd niður á Tvøroyri hetta einasta hálva árið. – Vit vænta, at hetta fer at merkjast í allari Suðuroy, sigur Bogi Jac­ ob­sen, stjóri á virkinum. Eitt er, at 100 fólk verða beinleiðis knýtt at virkinum. – Vit vænta eisini, at hetta fer at elva til nógv avleitt virksemi í Suð­ uroy. Nógv skip koma at landa rávøru til virkið og nógv farmaskip koma eftir lidnari vøru. Tey skulu øll bunkra og hava proviant og fáa eisini brúk fyri smiðjum og mekanikarum. – Men tað er heldur ikki lítið av pakningi, plattum, og tilfari ann­ ars, sum virkið fær brúk fyri til alla framleiðsluna, ið verður 1000 tons um dagin sum frálíður. Ætlanin er at brúka árið í ár og 2013 og 2014 upp á at byggja fram­ leiðslu og søludeild upp á fulla styrki. – Tað verður nógvur flutningur við Strand­ ferðsluni og øðrum flut­ n­ingsfyritøkum, heldur stjórin. Annanhvønn minutt verur ein plattur av lid­n­ ari vøru lagdur á frysti­ goymsluna og hvønn ein­asta dag framleiðir virkið upp í 25-40 heilar bingjur av lidnari vøru. Sostatt verður neyð­ ugt at fáa farmaskip á Tvøroyri einaferð um vikna eftir lidnari vøru. Tey hava eisini hugs­ að um, at onnur fiska­ framleiðsla kann verða avleitt av hesum virk­i­ num Tí hevur virkið eina skipan, har fiskur, sum akkurát er vigaður inn á virkið, kann vigast beint útaftur, áðrenn hann er komin í framleiðslu. – Eru tað onnur virki, ið hava hug at keypa rundan fisk frá okkum at virka til serligar vørur, ber tað væl til. Á Varðanum Pelagic halda tey ikki, at tað er óhugsandi, at smærri virki fara at verða stovn­ að rundan um upp­sjóv­ arvirkið, kanska virki sum niðursjóðar, ella mari­nerar fisk í blikk ella gløs. 200 milliónir Nýtt virki Bogi Jacobsen, ytst vinstrumegin, greiðir politikarum og øðrum frá um framleiðsluna Nýtt virki Við hesari fartelduni stýrir maðurin í bláum ein part av framleiðsluni Tess minni arbeiðs­fólkið hevur at gera, tess betri Nýtt virki Virkið er ómetaliga stórt og tað sær ógvuliga tómligt út. Men 25 fólk eru til arbeiðis ísenn. Tey hava langar arbeiðsdagar, men teir eru ikki serliga strævnir.