mánadagur 6. august 2012síða 16

Mánadagur 6. august 2012 · Nr. 90 16 Sosialurin Hugskot og viðmerkingar – send sms til 225000 summarfestivalurin 2012 Dagfinn Olsen Lagt var upp til stórt poppbrak fríggjakvøldið á Summar festi­ valinum, tí ovast á breddanum stóð stóra poppstjørnan Ronan Keat­ing. Maðurin, sum kom fram sum oddamaður í Boyzone, og sum síðani 2000 hevur staðið á egnum bein­um og hevur klárað seg væl á popp­stjørnuhválvinum. Og beinanvegin hoyrdist, at ein vælsmurd og vælkoyrandi popp­maskina var í fer við at koma ígongd. Og meðan rútmurnar eggjandi byrjaðu at pumpa, kom Keating á pall og syngjandi staðfestingin “I wanna bealive in love” ljóðaði. Og greitt var frá byrjan, at her var alt sum tað átti og at maðurin fremst á palli hevði framúr góða rødd. Upplagdur Ronan Keating var væl upplagdur, og nýtti allan tann stóra pallin sum sítt spælipláss, meðan hann sang “If you love me”, alt meðan tónleikurin fekk dám av vælljómandi írskum floytuspæli. Ronan Keating og hansara fólk megnaðu at fáa fram sera góða ljóðgóðsku, bassurin ljóðaði væl, og var góður botnur undir vælspælandi poppbólkinum og ramligu røddini hjá Keating. Keating vendi sær til stóru fjøldina, ið fylti nærum hvønn blett á Vágsbø, og fagnaði áhoyrarunum og segði seg gleðast um at vitja í Føroyum, meðan hann kom niður eftir rampuni á pallinum og longur fram og nærri fólkamongdini. Keating kom nú longur fram og nærri fólkamongdini. Men longu frá byrjan var púra greitt, at her var ein sangari, ið við góðari manning afturat sær, væl og virðiliga rakk út um pallkantin. Ronan Keating hevur fløgu á veg, sum kemur í september, og festivalgestir fingu at hoyra tilfar av hesi fløguni, ið hevði írskan dám, har trummusláttur og vísukendir tónar blandaðust væl við nýmótans popptónar. Hægri eind Sangurin um New York City sat júst sum hann skuldi, og Keating kom nær stílinum, sum vit kenna Sinatra og slíkar hetjur fyri. Rødd og ljóð gingu upp í hægri eind. Keating kom so inn á lívsleið sína, tíðina við Boyzone og at ein av vinmonnunum úr bólkinum ikki er millum okkum longur, og eitt lag var so á skránni, ið var ognað hesum vinmanninum. Úrvæl av góðum sangum komu síðani, ein fyri og annar eftir, og ein leyslig meting er, at eini 10.000 fólk vóru savnað á Vágsbøi og fagnaðu íranum við stóru røddini. Fólkið kravdi eykalag og Keating sveik ikki. Saman við úrvalsmanningini spældi hann “Life is a Rollercoaster”, so tað stóð eftir í. Ein virðilig staðfesting av dygdini og eitt virðilgt endabrak í allar mátar. Keating var greitt fegin um fjøldina, sum hann segði var besta “syngið-við kór”, ið hann hevði upplivað. Og Keating ljóðaði ivaleysur, tá hann staðfesti: I’m coming back!! dagfinn@sosialurin.fo Ronan og ramliga røddin Konsertin á Summar Festivalinum við Ronan Keating var stóra løtan, sum fólk væntaðu sær eitt sindur av, og Keating skuffaði ikki, tí vælsmurdur popptónleikur ljóðaði um Klaksvíkina saman við góðu røddini Ronan Keating var væl upplagdur á Summar Festivalinum Best syngið-við fjøld nakrantíð, helt Keating