mánadagur 6. august 2012síða 29

29 Mánadagur 6. august 2012 · Nr. 90 Sosialurin Hugskot og viðmerkingar – send sms til 225000 Ítróttarblaðið Effo deildin Pætur Albinus Tað varð undan dystinum sett spurnar­tekin við, um dysturin yvir­ høvur skuldi spælast í Sarpugerði, eftir at eldsbrunin í GÍ-húsinum fekk ábyrgdarfólkini at taka eina avgerð stutt undan um, at dysturin hóast alt skuldi leikast har. Víkingur var framvegis uttan leik­bannaða liðskiparan, Atla Gregersen, meðan TB var illa skert vegna leikbann til lyklaleikararnar Dimitrije Jankovic, Bojan Timic og Gilla Sørensen. Hetta lat upp fyri møguleikanum at geva Hans Fróða Hansen comeback í TB-miðverjuni eftir níggju ára fráveru frá bestu føroysku deildini, men soleiðis varð ikki. Hann var á síðulinjuni í vanliga arbeiðnum sum hjálparvenjari. TB vardi væl Tað var alt fyri eitt Víkingur, sum tó tók sær ábyrgdina av at stýra dystinum. Teir høvdu gott tak á miðvøllinum og dugdu væl at spæla seg fram eftir, men síðani gekk tað heldur ikki longri enn til árakað brotsteigarmarkið, har teir møtti einum verjukendum TB-liði, sum ruddaði innlegg og aðrar hóttanir burtur av vandalið. Tað var eyðsæð, at TB hevði sett sær fyri at halda málið reint so leingi sum tilber og síðani dúva upp á at alt kundi henda. Fyrri hálvleikur endaði mál­ leysur 0-0. Hanus avgjørdi Í seinna hálvleiki var gongdin nak­ að hin sama. Víkingur royndi at trýsta, meðan tvøramenn bardust sum úlvur á skóg fyri at verja fyri. Tá ið seinni hálvleikur var hálv­ runnin helt ikki longur og Víkingur legði seg á odda. Sølvi Vatnhamar rak við bóltinum og legði bóltin innfyri, og hóast bólturin lá nak­ að aftarliga, so fekk Fritleif í Lambanum stútað bóltin inn fyri aftur, har Hanus Jacobsen var klárur við høvdinum og stútaði Víking á odda 1-0, sum eisini gjørd­ ist endaliga úrslitið. Tey trý stigini komu sera væl við hjá Víkingi, sum við sigrinum nú heldur fast um eitt triðja pláss, sum teir eiga saman við ÍF. Hetta eru bara tvey stig upp til oddaliðið EB/Streym. Við tapinum misti TB møgu­ leikan fyri at lyfta seg upp um niður­flytingarstrikuna, men teir kunnu tó fegnast um at NSÍ og B68 taptu sínar dystir, soleiðis at tey lið­ ini bara eru ávikavist tvey og eitt stig frammanfyri teir. albinus@sosialurin.fo Heri Simonsen Pílurin peikar veruliga rættan veg hjá ÍF, sum nú hevur vunnið fýra dystir á rað, og eru fuglfirðingar nú bert tvey stig frá oddinum. Sunnudagin var tað so NSÍ, sum stóð fyri skotum, tá ÍF vitjaði við Løkin í Runavík. Fyrstu minuttirnar gekk eitt sindur aftur og fram. ÍF lá framvið, og fekk nøkur innlegg, sum ikki gjørdust heilt vandamikil, meðan NSÍ hevði nakrar naskar royndir á málið. Júst sum heimaliðið royndi at seta seg á dystin fekk ÍF mál. Danski Thomas Asmussen stýrdi eitt innlegg hegnisliga í netið við einum góðum stútara, og nú ressaðist útiliðið. Tá vóru 21 minuttir farnir av fyrra hálvleiki. Eitt lítið korter seinni kom ÍF uppá 2-0, tá Jan Ó. Ellingsgaard við einum flottum hálvfluktara stýrdi bóltin í málið. Og ÍF hevði tamarhald tað sum eftir var av fyrra hálvleiki. Tá ein stórur tími var farin av dystinum eydnaðist tað loksins NSÍ at fáa mál. Eftir trunkaspæl í brotsteiginum hjá ÍF varð Klæmint Olsen feldur, og Eiler Rasmussen var ivaleysur og dømdi brotsspark til NSÍ. Sami Klæmint Olsen sendi bóltin trygt í netið dygst høgrumegin, og nú tendraðist ein vón hjá NSÍ. NSÍ hevði nakrar mál­møguleikar eftir hetta, men nærri komu runavíkingar ikki, og fuglfirðingar kundu aftur fara av vøllinum við trimum stigum. Vónbrotin Magnus Olsen Eftir dystin duldi Magnus Olsen hjá NSÍ ikki, at teir vóru vónbrotnir um tapið: – Vit eru allir vónbrotnir. Vit royndu í seinna hálvleiki at koma inn aftur í dystin, og eg helt, at vit kláraðu rættiliga væl at leggja trýst á teir, har vit hava nakrar góðar málmøguleikar, men vit fáa tíverri ikki mál, segði Magnus Olsen við Rás2 aftaná dystin. Runavíkingar síggja nú fram til grannauppgerðina ímóti B68 komandi leygardag. Høgni Madsen hjá ÍF var ólíka lætt­ari um hjartað: – Vit fáa tvey mál, sum gera, at vit standa betur í tí, og vit hava gott tamarhald á støðuni í fyrra hálvleiki. NSÍ kemur so út í seinna hálvleiki fyri at pressa okkum, men eg haldi ikki, at teir skapa nakrar serliga vandamiklar støður, segði Høgni Madsen við Rás2 aftaná dystin. Komandi leygardag taka Høgni og ÍF ímóti gomlu lið­ feløgunum hjá Høgna í KÍ. heris@sosialurin.fo Enn ein sigur til ÍF Fótbóltur Sigursrøðin hjá fuglfirðingum heldur fram, og nú eru fuglfirðingar har, sum tað veruliga er stuttligt at verða Víkingur heldur fast Fótbóltur Tað var ikki eftir nakað megnaravrik, at Víkingur vann á TB í Sarpugerði. Hinvegin var 1-0-sigurin sera týdningarmikil hjá Víkingi, sum heldur fast um triðja plássið Savnsmynd