mikudagur 8. august 2012síða 3

3 Mikudagur 8. august 2012 · Nr. 91 Sosialurin Hugskot og viðmerkingar – send sms til 225000 Gongur heilt væl við barnagarðinum í Vági Dagfinnur Olsen Arbeiðið at byggja nýggjan barnagarð í Vági gongur væl og nú er kom fer at merkja bygdamyndina í Vági. Í vár varð farið undir at byggja barnagarðin og nú eru útveggirnir komnir upp, so ein fær eina ábending um, hvussu stovnurin kemur at taka seg út. Barnagarðurin er vestan­ fyri sethúsini, sum í eini 8 -9 ár hava hýst barnagarði og vøggustovu, men sum ongantíð vóru ætlað sum endalig loysn. Frammi hevur verið, at nýggi barnagarðurin hevur pláss fyri 48 børnum fulla tíð og 16 hálva tíð og ein stova er eisini fyri børn við serligum tørvi. Másin hvørvur spakuliga Lítið er nú eftir av Másanum. Másin var strandfaraskip og helst síðsta træskip í hesum flotanum. Strandferðslan átti Másan, men fyri heilt fáum síðani varð Másin lagdur og síðani seldur. Tá frættist, at nýggir eig­ arar ætlaðu at nýta hann í ferðavinnuni. Men nú er skjótt at stað­ festa, at Másin kemur ikki í sigling aftur, tí hetta far er nú til upphøggingar. Tað tynnist nú í flotanum av træskipum, ið vórðu smíð­aði á Tórshavnar Skipa­ smiðju. Norðlýsið siglir enn og á Tvøroyri liggur Kúrberg. Har ætlaðu menn at seta Kúrberg í stand, men fingu so ístaðin hendur á stásiliga Thorshavn, so nú er helst ilt at meta um, hvør lagnum hjá Kúrbergi verður. Strandfaraskipið Másin varð smíðaður í fimtiárunum og røkti farleiðirnar í Norð­ oyggjum í mong ár. Myndina av tí, sum eftir er av Másanum, tók Tórbjørn Jacobsen. dagfinn@sosialurin.fo Skeið í sangi Seinni í hesum mánaðinum fer Ernst Sondum Dals­ garð, operasangari, at hava skeið í sangi í Føroyum. Undirvísingin fer í høvuðs­ heitum fram við einstak­ lingum, men um onkur ynsk­ir tað, so ber eisini til at gera minni bólkar ella kór. Ernst Sondum Dalsgarð sigur, at hann heldur seg til Havnina hesaferð, eftir­ sum tað er fyrstu ferð. – Føroyar eru ikki størri enn, at tú kann skjótt koma runt, um áhugin er til tess, sigur hann. Ernst spælir sjálvur klaver og undirvísir í klass­ iskum, musical, rock og stórt sæð øllum, har røddin verður brúkt. Tí kunnu eis­ ini sjónleikarar, sum feg­nir vilja læra at bruka røddini betur. – Tað einasta næming­ urin skal hava við, er eitt kopi av tónleikinum til mín, so eg havi nakað at spæla eftir, sigur Ernst Sondum Dalsgarð. Ætlanin er at sangarar skulu duga tilfarið uttanat, sum skjótast. Ernst kann eisini geva góða vegleiðing til blásarar – har tað snýr seg um mest um blástur og anding. Ætlanin er eisini at hava konsertir í sambandi við venjingarnar, og skla hetta vera ein roynd til tey, sum kunnu og vilja royna seg. Undirvísingin verður tímar um dagin frá 22. til og við 24. og so aftur 26. til og við 31. august.