mikudagur 8. august 2012síða 7

7 Mikudagur 8. august 2012 · Nr. 91 Sosialurin Hugskot og viðmerkingar – send sms til 225000 Hamferð er ikki til sølu fyri lítið og lætt Hamferð gjørdist herfyri vinnari av óivað størstu kappingini í tungmálmstónleiki, nevniliga Wacken Metal Battle. Hamferð stendur nú við plátusáttmála, men limirnir í bólkinum ætla heilt greitt ikki at selja seg og bólkin uttan neyvar samráðingar. Dagfinn Olsen Millum bólkar úr eini 30 londum vann føroyski doom metal bólkurin Hamferð kapp­ ingina Wacken Metal Battle. Wacken er størsti festi­val­ ur fyri tungmálmstónleik á okkara leiðum. Kappingin verð­ur hildin dagin fyri sjálv­ an festivalin, og er eitt slag av startskoti til sjálvan festi­ valin, har stóru nøvnini standa á palli. Millum hundraðtals bólkar – Jú, hetta er rætiliga stórt. Ein skal minnast til, at hinir bólkarnir hava kappast ímóti eini stórari fjøld av bólkum, fyri at koma víðari í kappingini, so í veruleikanum er talan um eina kaping millum hundraðtals, kanska enntá túsundtals, bólkar. Og at vit so vinna er stórt, sigur Jenus í Trøðini, bassleikari í Hamferð. Í Føroyum varð valt út millum virknu tungmálms­ bólkarnar, hvør skuldi kapp­ ast um plássið at umboða Føroyar í kappingini, og har gjørdist Hamferð føroyska umboðið, og at enda eisini endaligi vinnarin í altjóða kappingini. Spæla næsta ár Tungmálmsfjepparar í Før­ oy­um hava í áravís ferðast til Wacken fyri at uppliva hend­ an kenda tungmálms­festival­ in. Komandi ár verður so eitt føroyskt navn á pallinum, tí Hamferð er á skránni fyri sjálvan festivalin komandi ár sum vinnandi bólkur av Wacken Metal Battle. – Hetta er bert ein partur av vinniginum, sum fellur bólkinum í lut. – Har fylgdi eisini nógv annað við. Tveir Marshall forsterkara stakkar fingu vit t.d., og tveir Washburn guit­ ar­ar, skálir til trummur, og sangarin og guitarleikarar eru sponsoreraðir framyvir, sigur Jenus í Trøðini. Plátusáttmála – Vit gera nú nýtt tilfar og skulu í upptøkuhølini seinni í ár. Tað gongur bara betri og betri við at koma í rætta huglagið viðvíkjandi hesum at gera nýtt tilfar, sigur Jenus í Trøðini. – Vit fingu sum vinnarar sáttmála við útgávufelagið Nuclear Blast, ið eisini skal promovera okkum world wide. Men sáttmálin skal tó samráðast upp á pláss, og alt skal greiðast út í æsir. Vit selja ikki okkum og bólkin uttan víðari, sigur Jenus í Trøðini. – Tað er eisini tað, at onn­ ur hava víst okkum áhuga, so enn er ikki til at siga, hvussu alt hettar endar, sigur Jenus í Trøðini, sum fegnast um, at bólkurin hevur ein umboðs­ mann at taka sær av øllum hesum. – Vit fara ætlandi í upp­ tøkuhølini um eitt hálvt ár, ella so, sigur Jenus í Trøðini. dagfinn@sosialurin.fo Millum bólkar úr eini 30 londum vann føroyski doom metal bólkurin Hamferð kappingina Wacken Metal Battle. Á myndini síggjast glaðu vinnararnir. (Mynd: Eija Mäkivuoti)