mikudagur 8. august 2012síða 14

Mikudagur 8. august 2012 · Nr. 91 14 Sosialurin Hugskot og viðmerkingar – send sms til 225000 Ógrundaðar ákærur móti Svimjisambandi Føroya og stuðlum tess Í Sosialinum mánadagin 6. august 2012 ákæra formaðurin í Suðuroyar Svimjifelag og venjarin hjá felagnum, Svimjisamband Føroya fyri at misnýta Pál Joensen. Hesar og aðrar álvarsamar ákærur frá teimum báðum kunnu ikki fara aftur við borðinum ósvaraðar. Stutt sagt so kunnu vit í Svimjisambandinum avvísa allar ákærurnar, ið verða setta fram í greinini, bæði móti Svimjisambandinum og Tryggingarfelagnum. Jon Hestoy, formaður Vegna Svimjisamband Føroya Tryggingarfelagið Føroyar og Svimjisambandið hava havt stuðulsavtalu seinastu fýra árini. Aftaná framúr úrslitini í Budapest 2010, var stuðuls­ upphæddin frá Tryggingar­ felaginum og hinum báðum stuðlunum væl og virðiliga hækkað. Tryggingarfelagið hevur verið en hollur stuðul og samstarvsfelagi hjá Svimji­ sambandinum og umframt stuðulssupphæddina hava tey altið verið fús at lata aðr­ ar tænastur. Millum annað hevur Tryggingarfelagið fleiri ferðir skipað fyri móttøkum, tá ið svimjarar okkara, við Páli á odda, eru komin heim við framúr úrslitum. Sambært sáttmála Í sáttmálanum millum Svimji­ ­sambandið og Tryggingar­ felagið stendur, eins og í av­ talunum við hinar stuðlarnar, at landsliðssvimjarar eftir nærri avtalu við Svimjisam­ bandið kunnu brúkast í lýs­ ingarátøkum. Lýsingarátøkini hjá Tryggingarfelagnum og Vodafone fram móti og undir Olympisku Leikunum eru sambært avtalu við Svimji­ samband Føroya og við loyvi frá Donsku Olympisku Komi­ teiini. Tað er ikki sørt, eg sum formaður i Svimjisambandi Føroya eri stoltur av tí fram­ úrskarandi profilering av Páli Joensen og føroyskari svimjing, sum Tryggingar­ felagið hevur gjørt seinasta mánaðin. Avmaktin Tá ein hyggur nærri at ákær­ unum móti Svimjisam­bandi­ num og stuðlinum, so er eingin ivi um, at tað er av­ maktin og frustratiónirnar, ið tosa. Hjá Svimji­sambandi­ num, svimjifeløgunum og ein­støku ítróttarfólkunum er tað sera trupult at fáa stuð­ uls­avtalur. Lat meg sláa fast, at Svimjisamband Føroya sjálvsagt ongantið hevur lagt nakrar forðingar fyri svimji­ feløgini ella svimjarar at gera stuðulssavtalur. Í februar 2012 var Svimji­ sambandið og vitjaði øll lima­ feløgini, har nógv ymisk evni vóru tikin upp. Tann 8. juni høvdu vit aðalfund, har rokn­ skapurin millum annað var góðkendur og fíggjarstøðan annars umrødd. Til hesi høvi var ikki gjørt vart við ta ónøgd, ið nú kemur fram í greinini í Sosialinum. Um nak­ að svimjifelag hevði ynskt, at Svimjisambandið skuldi stuð­la teimum í arbeiðnum við at skaffa stuðulspengar, so hevði Svimjisambandið sjálvandi verið til reiðar. Tað hevur alstóran týdn­ ing at gera greitt, at tað ikki finnast vit í Svimjisam­bandi­ num og tey í svimjifeløgunun. Tað er bara ein føroysk svimj­ ing, og Svimjisambandið er til fyri at tæna svimjifeløgu­ num og harvið svimjaru­ num. Vit ynskja øll, at fáa so nógvar pengar sum gjørligt til føroyska svimjing. Veru­ leikin er tann, at seinastu árini hava vit økt nógv um beinleiðis sjónvarpingina frá Føroyameistarastevnuni í svim­jing, og harvið gerast stuðlarnir hjá svimjifeløgu­ num væl meir sjónligir. Í greinini ákærir venjarin hjá Suðuroyar Svimjifelag eisini Svimjisambandið fyri at pengarnir, ið koma inn fyri stuðulsavtalirnir ikki verða brúktir upp á svimjararnir. Til tað er at siga, at í rokn­ skapinum hjá Svimji­sam­ band­ið fyri 2011 eru útreiðsl­ urnar 1.840.511,00 kr. Í hesum tali eru tær 500.000 krónur­ nar, ið eru oyramerktar til Pál Joensen. Av hesum 1,8 milliónum eru 86% ella knapt 1,6 millión brúkt til venjingar­ legur og uttanlandsferðir hjá svimjarum! Í 2012 hava vit tíverri verið noydd at minka um avbjóð­ ingarnar, tí 2011-roknskapurin endaði við eimum halli upp á 230 túsund krónur. Besta føroyska ítróttafólkið Tað man tykjast øllum sera løgið, at okkara besta ítrótta­ fólk nakrantíð skal hava trupulleikar at fáa til vega persónligar stuðlar her upp til Olympisku leikirnar. Í tíðarskeiðnum 2010-11 og frá 2011 til á vári 2012 hevur Pál havt persónligar stuðlar og hevur tað ongar trupul­ leikar havt við sær. Eingin veit betri enn vit í Svimjisambandinum, hvussu stóra orku, svimjarar, for­eld­ ur, venjarar og nevndarlimir leggja í ókeypis arbeiði í fel­ øgunum og í sambandi­num. Tað tykist sjálvsagt at hetta arbeiði og fram­úr­skarandi úrslitini hjá Páli Joensen átti at givið honum hollar stuðlar á øllum økjum. Takk fyri stuðul Svimjisambandið takkar øll­ um teimum sum á ymsan hátt stuðla føroyskari svimjing, ikki minst okkara trimum høvuðsstuðlum. Tað er sera óvirðiligt, at tøkkin er at vera ákærd fyri misnýtslu. Við vón um, at allir før­oy­ ingar framhaldandi fara at taka lógvatak um føroyska svimjing og Pál Joensen, meti eg ikki at vit í Svimjisam­ bandinum ynskja at luttaka í einum framhaldandi almenn­ um kjaki um ákærurnar í greinini í Sosialinum.