fríggjadagur 6. juli 2012síða 8

Fríggjadagur 6. juli 2012 · Nr. 77 8 Sosialurin Hugskot og viðmerkingar – send sms til 225000 tíðindi Toppskorararnir í mvg-eftir­ støðum eru tvær fyritøkur, sum skylda tilsamans yvir 14,2 milliónir í mvg. Árini frá 2006 til 2011 eru mvg- eftirstøðurnar hjá føroyskum fyritøkum øktar úr 70,9 milliónum krónum og upp í 119,4 milliónir krónur. Tí verða Føroyar ikki sjónligar í London Uni Holm Johannesen Føroyar verða ikki sjónligar, tá føroyski Pál Joensen skal svimja undir heimsins størstu ítróttakapping í London í august. – Vit hava sjálvandi við­ gjørt hetta nágreiniliga, og niðurstøðan er, at tað loysir seg ikki, sigur Sigmundur Ís­ feld, deildarstjóri á Løg­mans­ skrivstovuni. Utta n r í ki s tæ n a s ta n fór fyri jól undir at kanna møgu­leik­arnar at hava eitt stórt marknaðarføringsátak í London, meðan OL er. Uttan­ríkisráðið í Løg­mans­ skrivstovuni vendi sær til Ferðaráðið og til partar í vinnuni, serliga fiska­út­ flytarar. Svarið frá teim­um flestu var, at OL er ikki gott høvi til marknaðar­førings­ átak. Ferðarráðið spurdi seg eisini fyri hjá sínum sam- starvspørtum í London, sum beinleiðis mæltu frá at hava slík tiltøk í London, meðan OL er, tí har hendir so nógv hesar dagarnar. – Grundgevingin var, at tað er sera trupult at verða sjónlig í London hes­ ar dagarnar, umframt at áskoðararnir, sum verða har, hava lítlan og ongan áhuga í at kanna ferðamál ella gera avtalur um at keypa før­oyskar vørur, meðan OL er, sigur Páll Nolsøe, kunn­ingarráðgevi á Løg­ mans­skrivstovuni. Hann svarar fyrispurninginum, tí Jóannes Vitalis Hansen, sum er sendi­maður í London, er í summar­frí. Páll Nolsøe vísir sam­ stund­is aftur, at avgerðin at lata sendistovuna í Lond­on aftur hevur ikki havt nakra ávirkan á fyri­reik­ingar­ar­ beiðið í samband við OL. Hava ikki pengar Úrslitini hjá Páli Joensen eru virðismikil fyri umdømið Føroya úti í heimi. Um hann vinnur heiðursmerki á OL kann føroyska samfelagið sanniliga fáa ágóðan av hes­ um á ymsan hátt. Sigmundur Ísfeld sigur kortini, at tað er einki høpi í at royna at marknaðarføra Føroyar í London hesar dag­ arnar. – Tað er ein sannroynd, at tað kostar nógvar milli­ónir krónur, um eitt lýsing­ar­ átak um Føroyar skal meitla seg fast í sinni á teim­um, sum eru í London, tá OL er. Vit ráða ikki yvir peng­ unum, sum krevst. Fø­roysku lýsingarátøkini høvdu druknað í øllum meldri­ num, sigur hann og leggur afturat: ­– Vit hava sera stóra vir­ðing fyri tí, sum Pál Joen­sen hevur rokkið. Vit vóna sjálvandi, at hann fær medalju, sum helst hevði givið Føroyum eina rúgvu av umtalu í altjóða miðlum. Tað er kortini meiningsleyst hjá okkum at hava eitt lýsingarátak har, tí Føroyar verða ikki sjón­ ligar í øllum meldrinum. Vit mugu hinvegin duga at lofta umtaluni, sum Pál gevur okkum og brúka hana í framtíðini, sigur Sigmundur Ísfeld. Kaj Leo Johannesen, løg­maður, sum er verji hjá føroyskum ítrótti, verður í London undir OL. Hann verður millum annað til staðar, tá Pál Joensen skal svimja 1500 metrar frí. Tað er eisini tað einasta, sum almennu Føroyar gera burtur úr OL á hesum sinni. OL Í LONDON - Tað er ein sannroynd, at tað kostar nógvar milliónir krónur, um eitt lýsingarátak um Føroyar skal meitla seg fast í sinni á teimum, sum eru í London, meðan OL er, sigur Sigmundur Ísfeld, deildarstjóri á Løgmansskrivstovuni Løgmaður er klárur til samráð­ ingarnar Uni Holm Johannesen Samgongan fer aftur í heyst at taka upp sam­ ráðingar við donsku stjórnina um ríkis­veit­ ingina. Kaj Leo Johanne­ sen, løg­maður, sigur seg vita, hvat hann ætlar við sam­ráð­ingunum, men hann vil enn einki siga. – Eitt er kortini vist. At tiðna ríkisveitingina er ikki okkara fremsta politiska mál í løtuni, sigur hann. Sambandsflokkurin fór til løgtings­ val í fjør við lyftinum um at hækka rík­is­veit­ingina við 200 milli­ónum krón­ um. Blokk­urin hækk­aði ikki við aft­ur­virk­andi kraft, sum løg­mað­ur hevði vónað. Úrslitið var ein prís­tals­regu­lering – 8,6 milli­ónir krónur aftur­at í 2012. – Eg fari at leggja upp­ skot fram fyri donsku stjórnina, men tað skal ikki skiljast sum, at hetta er avgerandi fyri okkara politikk. Vit hava nógvar avbjóðingar í løtuni, og vit dúva ikki upp á at loysa hesar upp­gávurnar við størri ríkis­veit­ ing. Eydnast tað, so er tað bara ein fyri­munur, sig­ur Kaj Leo Johanne­ sen, løg­ maður. – Eitt er vist. At tiðna ríkis­ veit­ingina er ikki okkara fremsta politiska mál í løtuni, sigur Kaj Leo Johannesen, løgmaður, sum fer at taka samráðingar upp við donsku stjórnina í heyst - Vit hava sjálvandi viðgjørt hetta nágreiniliga, og niðurstøðan er, at tað loysir seg ikki, sigur Sigmundur Ísfeld, deildarstjóri, um avgerðina at velja London og OL frá sum lýsingarátak á hesum sinni