fríggjadagur 6. juli 2012síða 30

Fríggjadagur 6. juli 2012 · Nr. 77 30 Sosialurin Hugskot og viðmerkingar – send sms til 225000 Ítróttur Jóannes Hansen Tað hevði verið eitt plettskot, um tað eydnaðist Vestmenningi at vinna kappingina millum 10-mannaførini á Fjarðastevnu, sum um vikuskiftið er í Vestmanna. Róðraráhugaðu vestmenn­ing­ arnir og ivaleyst eisini mong, sum ikki kenna seg knýtt at Klaksvíkingi og Suðuroyingi, unna ivaleyst Vest­ menningi at koma fyrstur á mál leygardagin. Vestmenningar eru tiltiknir treiskir ítróttarmenn – ikki minst í kappróðri. Teir hava drivið á, og teir hava fleiri ferðir verið heilt tætt við, men teir hava ikki vunn­ið síðani á Ólavsøku í 2010. Tann sigurin var tann triði tað árið, og Vestmenningur var eitt stig ov stuttur at vinna FM. Eysturoyingur var FM vinnari við 46 stigum, og Vest­menningur rakk 45 stig eftir sigrar á Sundalagsstevnu, í heima­ sjógvi á Fjarðastevnu í Vestmanna og á Ólavsøku. Síðani tá hava vestmenningar bjóðað seg fram í øllum kapp­ róðrunum, og teir hava fleiri ferðir verið tætt við: Í fjør vóru teir allar sjey ferðirnar næstfremstir, og á Norðoyastevnu vóru teir bara eitt lítið vet aftanfyri Klaksvíking, eftir at vestmenningar høvdu verið fremstir allan róðrarteinin. Í ár hevur Vestmenningur verið næstfremstur á Eystanstevnu og á Sundalagsstevnu, tá ið tað bara var ein lítil hálvur skutur fram til Klaksvíking, og hann hevur verið nummar trý á Norðoyastevnu og á Jóansøku, sum var í Vági næstsíðsta vikuskifti. – Vit vóru sera vónbrotnir eftir róðurin í Vági. Higartil hava vit roknað tað sum realistiskan møgu­leika at vinna FM, men nú er møguleiki ikki fyri tí. Suðuroyingur prógvaði fyri okkum og øllum øðrum, at tað ber til at vinna á Klaks­víkingi. Tað var hugaligt, men okkara avrik var ikki gott. Vit vóru eina heila bátslongd aftanfyri Suður­oying, og tað er nógv á túsund metra málinum. Tað er Finnur Johannesen, sum greiðir frá. Hann er bátsformaður á Vestmenningi, og hann hevur drúgvar royndir í at rógva kapp. Hetta er fjúrtanda árið, at hann er ein av teimum, sum syrgir fyri stóra og intensiva summar­undir­ haldinum, ið mong síggja kapp­ róðurin at vera – serliga millum 10-manna­førini – og hetta er sjeynda árið, at hann rør við Vestmenningi. Áður hevur hann verið tvey ár við Hoyvíkingi, og so hevur hann eisini verið við til at manna Havrfrúnna og Gullbrand. Hví gekk tað ikki so væl í Vági? – Vit hava eftirmett, og vit halda okkum hava onkrar frágreiðingar um, hví okkara avrik ikki var so gott. Men so eigur eisini at verða lagt aftrat, at kappingarneytarnir – Klaksvíkingur og Suðuroyingur – rógva framúr væl. Tað er einki at liggja omaná, at støðið er hægri í ár, enn tað nakrantíð áður hevur veri. Hví sigur tú tað? – Tíðirnar siga tað. Undan Norð­ oya­stevnu er tað soleiðis á hvørj­ um ári, at spenningurin er stórur um, hvussu tað fer at verða, og hvussu vit eru fyri sammett við kapp­ingarneytarnar. Undan kapp­ ingarbyrjan í ár kendu vit okkum vera betri fyri, enn vit nakrantíð hava verið áður, og tað vísti tíðin, at vit vóru, men tað vóru Klaks­ vík­ingur og Suðuroyingur eisini. At tríggir teir fremstu rógva skjót­ ari enn mettíðin, sum hevur verið, undirstrikar, at støðið er hækk­að, hóast talan var um eitt lítið lot undan, heldur Finnur Johannesen bátsformaður umborð á Vest­menn­ ingi og formaður í róðrardeildini hjá VÍF. Fólkið og báturin Umborð á Vestmenningi eru tað bara royndir rógvarar. Elsti maður, Gunnleiv í Gerðinum, er 40 ára gamal, ein er 39, og so eru teir 33, 31 og í tjúgunum. Fimm av mann­ ingini frá í fjør eru við aftur í ár. Onkrir róðu við Kvívíkingi í fjør, og so eru tað aðrir, sum áður hava verið umborð á Vestmenningi. Tveir búgva í Kvívík, ein í Havn, ein í Vágum og hinir búgva allir í Vest­ manna. Merkisvert er tað, at teir eru tríggir brøður umborð. Umframt Finn eru Jan og Jóhannus við til at manna Vestmenning. Kennist tað aftur í huginum at manna bátin, at tað hesi bæði seinastu árini ikki hevur eydnast tykkum at vinna, hóast tit hava verið tætt við? – Í ár noyddust vit at gera eitt størri arbeiði at manna bátin, enn vit áður hava gjørt. Agnið var, at báturin var nýggjur, og eina ferð í februar var tað komið upp á pláss við fólkinum. Eg eri ikki vísur í, at tey hevði eydnast, um vit ikki høvdu nýggjan bát. Undan hevum kappingarárinum smíðaði Sámal Hansen vest­menn­ ingum nýggjan bát. Fyrri bátin høvdu teir havt síðani 2000. Er tað stórur munur á bátunum báðum? – Tað er ikki stórur munur á. Tað kennist sum um, at áhugin fyri at vera við verður størri, tá ið talan er um nýggjan bát. Í róðrartíð er ikki talan um mun, sum kann gerast upp í bátslongdum. Tað snýr seg kanska um eini tvey sekund ella minni enn so. Um vit siga, at talan er um tvey sekund, so kundi tað væl havt verið soleiðis, at vit høvdu vunnið kanska tveir ella tríggjar róðrar í fjør, um vit tá høvdu havt nýggja bátin, og eg kenni meg vísan í, at vit høvdu havt vunnið FM í 2010, um vit tá høvdu havt bátin, sum vit nú hava. Tá restaði bara eitt stig í, og onkra ferðina var sera tætt millum Eysturoying og okkum. Fjarðastevnan Í morgin verður kappróður í Vest­ manna. Fjarðastevna er í Vest­ manna annað hvørt ár. Hini árini skiftir stevnan millum Skála og Strendur. Vestmanna er gomul róðrarbygd, og tað verður fylgt væl við úr vindeygunum, tá ið Havfrúgvin og Vestmenningur venja. Í hesi vikuni hava aðrir bátar verið at sæð. Eitt nú hevur Suðuroyingur vitjað, og Klaksvíkingur plagar at royna málið eitt ella tvey kvøld undan róðrinum. Tann Vestmenningur, sum teir róðu við frá 2000 og fram til í fjør, verður við í morgin. Hann kall­ast nú Vestmanabáturin. Tað eru útisetar, stuðlaðir av onkrum hondbóltsspælarum, sum hava vant tvær tær seinastu vikurnar. Tann báturin vann tvær ferðir á Fjarðastevnu í Vestmanna. Fyrra ferðin var í 2000, og seinna ferðin var í 2010. Spurningurin er nú, um tað fer at eydnast Vestmenningi at vinna í heimasjógvi? – Vit ætla okkum at vinna, og vit rokna avgjørt við møguleikanum. Hann sigur frá høgætt. Tað er góð ætt í Vestmanna, og tað verður serliga gott, tí vindferðin er millum lítil og eingin. Avbjóðingin er stór, tí Suðuroyingur og Klaksvíkingur hava víst, at teir eru ógvuliga stinn­ir, men vit fara at leggja alt tað í róðurin, sum vit á nakran hátt megna, og so fáa vit at síggja, sigur báts­formaðurin á Vestmenningi Finnur Johannesen. joannes@sosialurin.fo Kappróður Men tað verður torført at taka bæði Suðuroying og Klaksvíking, tí støðið er hægri í ár, enn tað nakrantíð hevur verið áður, ásannar bátsformaðurin á Vestmenningi og formaðurin í róðrardeildini hjá VÍF Finnur Johannesen Treisku vestmenningarnir Fjarðastevnuróður upptakt