mánadagur 9. juli 2012síða 21

21 Mánadagur 9. juli 2012 · Nr. 78 Sosialurin Hugskot og viðmerkingar – send sms til 225000 Ítróttarblaðið Champions League Upptakt Venjarin hjá B36, Mikkjal Thomassen, fekk tað, hann fór eftir í fyrra dystinum á úti­ vølli Belfast. Nevniliga eitt úrslit, sum hann kundi brúka á heima­vølli. Tað fekk eisini við einum 0-0-javnleiki, men tað merkir ikki neyðturviliga, at hann fer at spenna álopsbogan á heimavølli. – Nei, helst ikki. Vit fara at hyggja at dystinum og síðani finna út av, hvar vit skulu leggja trýst á teir. Vit skulu hava eitt meiri mál enn teir, og so eru vit víðari. Ein brotssparkskapping er fyri so vítt eisini í lagi. Vit fingu javnleik í Belfast, og so kunnu vit sanniliga eisini vinna á heimavølli, segði Mikkjal Thomassen eftir javnleikin í Belfast. Hann legði serligan dent á, at teir høvdu fyrireikað seg væl undan fyrra dystinum, og at teir høvdu lagt ein tak­ tikk, sum skuldi fáa Linfield til at royna seg við inn­legg­um og haðani leggja upp ímill­um. Hetta eydnaðist, og tað er helst framvegis eitt loyndarmál hjá gestunum, sum – hóast teir fingu nakrar góðar mál­møguleikar umvegis júst innlegg – ikki fingið nakað burturúr, og tað er tískil ikki óhugs­andi, at ein taktikkur hes­um líkum verður at síggja týs­kvøldið. Hann er tó púra greiður yvir, at tað verður ein torfør uppgáva, og at teir skulu spæla upp til sítt allarbesta, um teir skulu spæla seg víðari. – Tað verður framvegis ein ótrúliga trupul uppgáva. Vit spæla ímóti einum liði, sum hev­ur hægri støði enn okkara, so tað er eingin ivi um, at vit veru­ liga skulu spæla upp til okk­ara allarbesta, um vit skulu hava nakran møguleika, sigur Mikkjal Thomassen við heima­síðuna hjá B36. albinus@sosialurin.fo Venjarin hjá Linfield, David Jeffrey, var alt annað enn nøgd­ ur eftir 0-0-javnleikin ímóti B36 heima á Windsor Park. – Hetta var eitt frustrerandi kvøld og vit eru vónbrotnir, men vit eru framvegis væl við. Aftaná at vit settu okkum á dystum, settu vit dagsskránna fyri tað mesta í fyrra hálvleiki. Vit skaptu nakrar góðar mál­møguleikar og fingu eitt brots­spark. Høvdu vit gagn­nýtt tað, so hevði verið væl vorðið. Eg helt, at vit vóru greitt omaná, men málmaður teirra hevði fleiri framúr góðar bjargingar og teir vardu sum heild væl. Eg var bangin fyri at teir fóru at fáa eitt mál hóast vit trýstu, tí tað er ikki óvanligt at teir tá fáa eitt heppið mál. Um vit vunnu dystin 3-0, so meti eg, at øll høvdu hildið tað verið eitt uppiborið úrslit, gremur David Jeffrey seg á heimasíðuni hjá felagnum. – Men sannleikin er, at vit ikki fingu bóltin í málið, og hetta hóast alt ikki er tað ring­ asta úrslitið, sum vit kundu fáa. Leikararnar hava nú sæð sínar mótstøðumenn, teir vita hvat bíðar fyri framman og mín sannføring er, at hetta er ein dystur, vit væl kunnu vinna, sigur David Jeffrey, sum sjálv­ ur hevur spælt í nógv ár sum spælari í júst Linfield. Hann er ein valdsmikil og virdur venjari, sum ferð eftir ferð í samrøðum peikar á, at leikararnir vita, hvat hann krev­ ur av teimum. Tað er ein sigur. Hann hevur tó nakrar skað­ar at taka sær av. Tað hevði hann eisini í fyrra dystinum heima í Belfast, men nú er ein skaði komin afturat. Umframt at miðvallari Michael Gault, miðvallari Philip Lowry og málmaður Alan Blayney framvegis eru skadd­ir, er verjuleikari Albert Watson nú eisini vorðin skadd­ur og kemur ikki við til Før­oya. albinus@sosialurin.fo Sannførdur um okkara møguleikar Linfield-venjarin: Mugu spæla okkara allarbesta Mikkjal Thomassen: Mynd: Álvur Haraldsen