mánadagur 9. juli 2012síða 22

Mánadagur 9. juli 2012 · Nr. 78 22 Sosialurin Hugskot og viðmerkingar – send sms til 225000 Ítróttarblaðið Pætur Albinus Teir hava í einstøkum førum sein­ astu árini spælt tvímansleik í tennis saman, men tað hevur ikki gingið serliga væl. Tað var ikki upp­runa­ liga ætlanin, at teir skuldu spæla saman í Wimbledon Open, sum er ein Grand Slam-kapping og verður mett at vera tann allarstørsta tennis-kappingin av øllum. Jonathan Marray hevði fing­ið eitt sokallað wild-card til kapp­ ingina í tvímansleiki, og av tí at hann gjørdist ov seinur at greiða pappírini saman við einum øðrum leikara til tvímansleikin, valdi hann at spyrja danska vinmann sín, Frederik Løche Nielsen, sum játtaði. Og tað var ikki býtt, má sigast. Struku allan vegin Hóast teir als ikki vóru styrkismettir og bara vórðu fagnaðir at yvirhøvur spæla seg víðari úr fyrsta umfari, so gjørdist skjótt greitt, at hetta skuldi vera nakað heilt serligt. Ávegis til tindarnar feldu teir eitt nú kroatisku servukanónini, Ivo Karlovic, og fyri hvønn dyst, sum fór, gjørdist bilsnið bara enn størri. Teir feldu ein favoritt og annan eftir. Í hálvfinaluni stóð tvíburðaparið úr Florida í Amerika, Bob og Mike Bryan, hinumeðin netið. Hetta parið verður mett sum eitt av heimsins bestu pørum nakrantíð og sambært úrslitunum eru teir eisini tað. Dansk-bretska parið gjørdi ikki mætari enn at vinna dystin 3-1 í settum. Í finaluni hittu teir svensk- rumenska parinum Robert Lindstedt og Horia Tecau, sum undan­farnu tvey árini eisini hevur verið í finaluni og tapt báðar. Teir fingu so eisini sítt triðja finalutap í trý ár, tí at knógva einum flúgv­ andi Frederik Løchte Nielsen og Jonathan Marray megnaðu teir ikki. Dansk-bretska parið vann finaluna 3-2 í settum, tó greitt 6-3 í síðsta og avgerandi setti. Frederik Løchte Nielsen er úr Lyngby og hevur vunnið slakar tríggjar milliónir krónur higartil á yrkisleiðini. Nú kann hann so legga 1,2 milliónir krónur afturat hesi inntøkuni. Somuleiðis hevur hann gjørt eitt stórt lop á styrkislistanum innan tvímansleik, har hann er lyftur frá einum 111. plássi til 24. pláss. Søguligur sigur Við sigrinum megnaðu bæði Jonathan Marray og Frederik Løchte Nielsen at skriva søgu. Hetta var fyrstu ferð síðani 1936, at ein breti var við í Wimbledon-finaluni í tvímansleiki síðan 1936. Hetta sama árið vann legendariski Fred Perry sítt triðja Wimbledon á rað. Frederik Løchte Nielsen er fyrsti danski finaluluttakarin í Wimbledon síðani hansara egni abbi, Kurt Nielsen, var í tveimum finalum í 1950-unum. Frederik gjørdist nú somuleiðis fyrsti danski vinnarin í Wimbledon nakrantíð. Hóast Frederik Løchte Nielsen og Jonathan Marray báðir liggja niðanfyri nummar 200 á heims­ styrkislistanum í einmans­leiki, so er hetta framvegis tað, teir í framtíðini fara at hugsavna seg um. Williams og Federer vunnu Flestu eyguni í kappingini vóru sum vant vend mótvegis einmansleiki, har tað ikki gjørdist til nakað serliga óvæntað. Hjá kvinnunum vann Serena Williams sína fimtu Wimbledon við 2-1-sigri á Agieszka Radwanska úr Póllandi. Hjá monn­ unum vóru bretar á gosi um at skotski Andy Murray hevði spælt seg í finaluna, men hann megnaði tó ikki at knógva helst besta leik­ aranum í søguni, Roger Federer. 30 ára gamli Federer úr Sveis vann finaluna 3-1 og vann harvið sín sjeyndu Wimbledon. Hann endur­ vinnur somuleiðis ovasta plássið á heimsstyrkislistanum. albinus@sosialurin.fo Danskari vann Wimbledon Tennis Fyri fyrstu ferð í søguni hevur ein danskari vunnið Wimbledon Open í tennis. Frederik Løchte Nielsen er slóðarin, sum saman við enska Jonathan Marray vann kappingina í tvímansleiki Føroyski U21-landsliðsleikarin, René S. Joensen, hevur skapt yvirskriftir í Danmark eftir at hann um vikuskiftið skeyt eitt mál og legði upp til eitt mál í 2-1-sigrinum hjá fremsta Brøndby-liðnum ímóti HB Køge. Tað gongur við rúkandi ferð hjá 19 ára gamla René S. Joensen, sum spælir við danska felagnum Brøndby IF. Ímóti kappingársenda herfyri fekk hann sínar fyrstu minuttir í Superliguni, og sunnudagin var hann í byrjunaruppstillingini í einum venjingardysti ímóti HB Køge á Brøndby Stadion. Brøndby byrjaði við sterkasta liðnum, og boðar tað frá góðum hjá René. Eftir dystin hevur hann eisini enn fleiri grundir til at vera væl nøgdur, tí hann var heilt greitt dagsins maður og fekk allar yvirskriftirnar. Eitt mál og eitt upplegg Hóast Brøndby legði væl frá landi og alt fyri eitt skapti eitt stórt trýst á málið hjá HB Køge, so var tað eftir eitt einmansavrik frá Lee Rochester Sørensen, at HB Køge legði seg á odda stutt fyri hálvleik. Í seinna hálvleiki svaraði Brøndby tó skjótt aftur, og var tað eftir eitt frálíkt innlegg frá René S. Joensen, at Nicolaj Agger fekk stýrt bóltin í málið til 1-1. Tá ið ein tími var leiktur, skoraði René S. Joensen sjálvur sigursmálið. Mong vildu vera við, at Nicolaj Agger átti brotsspark, men tað legði dómarin líka í. Ein, sum eiheldur legði nakað í tað, var René, sum við einum dundurskoti frá brotsteigarmarkinum sendi bóltin í mál til 2-1, sum eisini gjørdist endaliga úrslitið. Góðar 20 minuttir fyri leiklok mátti René lata seg útskifta vegna krampa, men tað tók ikki frá honum, at hann gjørdist dagsins hetja hjá Brøndby og hevur fingið fleiri miðlar í Danmark at útnevna hann sum dagsins leikara. Gott 1400 áskoðarar vóru møttir til venjingardystin á Brøndby Stadion, sum var hin seinasti áðrenn Superligan fer í gongd aftur. Brøndby spælir sín fyrsta dyst í nýggja kappingarárinum nú sunnudagin. Teir hitta OB á heimavølli. albinus@sosialurin.fo Pætur Albinus Legan byrjar í kvøld og heldur áfram í eina viku. Vant verður í ítróttarhøllini í Vestmanna, men um veðrið verður til vildar, eru góðir møguleikar at hava fysiskar venjingar uttan­dura. Leygardagin 14. Juli verður skipað fyri kapping fyri bólkarnar U-13, U-15 og U-17. Um­framt luttakararnar á leguni, eru onnur áhugað hjartaliga vælkomin at taka lut, siga fyriskipararnir. Bestu leikararnir Átta leikarar koma úr hvørj­um landi og eru teir í aldr­inum 10 - 16 ára gamlir. Hetta er fjórða árið á rað, at Badminton­ Europe stuðlar londunum í Út­norði við legum fyri bestu ungdómsleikararnar, og soleiðis virkar fyri at menna badmintonítróttina í útjaðara­ økjum. Legan var fyrstu ferð hildin í Reykjavík í 2009, síðani í Klaksvík árið eftir og í fjør var hon í Illulissat í Grønlandi. Eftir røttum átti Ísland túr aftur í ár, men íslendska badmintonsambandi sá seg ikki ført fyri at átaka sær uppgávuna, tí tey eisini skulu við til OL í London. Tí bjóðaðu føroyingar seg til at halda leguna í Føroyum, og verður hon í Vestmanna, har VÍF- badminton er vertur. Badminton Komandi vikuna eru Føroyar vertur fyri norðuratlantisku leguni fyri frægastu ungdómsspælararnar innan badminton úr Grønlandi, Íslandi og Føroyum Vestmanna karmur um millumtjóða legu René sigursharri hjá Brøndby