mikudagur 11. juli 2012síða 16

Mikudagur 11. juli 2012 · Nr. 79 16 Sosialurin Hugskot og viðmerkingar – send sms til 225000 Gulir vesta Lúka, mála og rudda. Tað er dagligdagurin hjá Hjørti Ellingsgaard Rasmussen og Eyðun Poulsen í tvær vikur. – Hetta er strævið lív, og vit mugu arbeiða hart, sigur Eyðun við einum smíli. Hann er 15 ára gamal og býr á Argjum. – Vit arbeiða ikki ordiliga alla tíð. Tað er eisini tíð til at slappa eitt sindur av og sparka fótbólt ella gera okk­ urt annað, sigur 15 ára gamli Hjørtur. – Ja, tað er ein góð bland­ ing millum arbeiði og av­ slapp­an, sigur Eyðun. Keypa tríhjólaðan bil Talan er um fyrstu ferð í ’Ung í Arbeiði’ hjá báðum dreingjunum. – Eg søkti eisini í fjør, men fekk tað ikki. Tá bleiv eg nokk so skuffaður, sigur Eyðun, sum umframt Ung í Arbeiði eisini arbeiðir í FK. – Tað er altíð gott at tjena sær nøkur oyru eyka. Familj­ an fer at ferðast í vetur, so tá vil eg gjarna hava nakað av lummapeningi, sigur Eyð­ un. – Eg royndi eisini at søkja í fjør, men fekk tað heldur ikki. Tað tók eg ikki so tungt, tí so fekk eg bara tað meira í feriu, sigur Hjørtur. – Men eg eri ordiliga glað­ ur fyri at hava fingið tað í ár. Eg ætli at brúka pengarnar upp á ein kulan tríhjólaðan bil, sum eg havi sæð onkran koyra her í býnum, sigur Hjørtur flennandi. – At mála er nokk betur Sambært Hjørti og Eyðun so arbeiða teir nógv og hart. – Um kvøldini tá eg komi heim, eri eg ordiliga móður. Men tað er kanska bara eitt tekin, um at man hevur gjørt nakað til nyttu, sigur Hjørtur við einum smíli. – Hóast tað er strævið, so dámar mær væl, at man kemur í eina rutinu. Hevði eg ikki verið her, hevði eg nokk bara sovið til út á seinnapartin, hóast eg ikki hevði havt hug til tað, sigur Eyðun avgjørdur. Uppgávurnar hjá teimum ungu variera nakað, og teir báðir ungu dreingirnir eru ei heldur í iva, hvat teimum dámar best. – Tað er at mála. Teir fyrstu tríggjar dagarnar gjørdu vit ikki annað enn at lúka, og tað gjørdist kanska í so keði­ligt, sigur Hjørtur smá­flennandi. – Vit ætlaðu at mála longu tann næsta dagin, men tá var mál­inga­útgerðin ikki komin, og triðja dagin regnaði tað, so tað var einki annað at gera enn at lúka, sigur Eyðun. – Men eg gevi Hjørti rætt í, at tað er væl stuttligari at mála enn at lúka. Tað besta: Pengarnir Tey ungu fáa fyri at arbeiða í tvær vikur 6500 krónir. Tað er ikki so lítið hjá einum ungum at fáa. – Tað besta við at arbeiða her er pengarnir. Eg havi nokk ongantíð fingið so nógvar pengar í løn, sigur Hjørtur. – Eitt annað, sum er ordiliga gott, er at síggja, at man hevur gjørt ein mun, sigur Eyðun. – Ja, sigur Hjørtur, vit skuldu lúka eina grúsgøtu undir Fjalli, sum við tíðini var vorðin til meira gras enn grús. Uppgávan sá eitt sindur møtimikil út, men vit gjørdu tað, og nú er gøtan vøkur og góð aftur, sigur Hjørtur stoltur. – Eg eri eisini ordiliga glaður fyri, at vit hava fing­ið ein so góðan bólka­ leið­ara, sum er okkum ein góð fyrimynd. Hann er eitt sindur strangur, men tað skal hann jú vera, sigur Eyðun flennandi, með­an Hjørt­ur nikkar sam­tykkj­ andi. Næsta ár – ikki so tíðliga upp Er tað upp til dreingirnar at avgera, so átti ein broyting at verðið framd næsta ár. – Man burdi byrja nakað seinni um dagin. Kl 7 er í so tíðliga at fara upp, heldur Hjørtur skemtiliga fyri. – Fer man seinni til ar­ beiðis, fær man eisini seinni frí, so eg haldi, at tað er fínt at byrja tíðliga. Men kanska eitt sindur minni av lúking, sigur Eyðun við einum smíli, áðrenn teir báðir ungu dreing­irnir taka pensilin í hond og aftur fara í holt við at mála. – Vit stríðast fyri pengarnar Hjørti Ellingsgaard Rasmussen og Eyðun Poulsen Óli Jákup Jacobsen Bartal Augustinussen er hjálp­arsamskipari í ’Ung í Arbeiði’. – Hesa vikuna havi eg staðið við róðrið, tí høv­ uðs­samskiparin, Petur Há­berg, hevur verið burt­ ur­staddur, sigur Bartal. Ringt orð á sær ’Ung í Arbeiði’ byrjaði longu fyrst í 90unum. – Hetta var eitt nýtt átak og hevði nógvar trupul­leikar at stríðast við í byrj­anini. Tað gekk ikki leingi, áðrenn verkætlanin hevði fingið ringt orð á seg, sigur Bartal. – Summi fóru enntá at kalla tað ’Tung í Arbeiði’, tí tey hildu, at tey ungu gjørdu ov lítið til nyttu. Fyri níggju árum síðan kom ein drastisk vending í átakið. – Í 2003 kom ’Ung í Arbeiði’ undir Marga­rin­ fabrikkina og varð um­ skipað heilt frá grund­ini av. Tað var Bogi Andrea­ sen, núverandi vara­borg­ ar­stjóri, sum stóð fyri um­skip­an­ini. Átakið fekk nú eitt nógv meira peda­ gog­iskt út­gangs­støði. Endamálið ikki arbeiðið sjálvt Við umleggingini í 2003 broytt­ist eisini endamálið við ’Ung í Arbeiði’. – Frá at einans hava snúð seg um at fáa nøkur buss­skýli málað og nak­ rar garð­ar lúkaðar, snýr tað seg í dag nógv meira um at geva teim­um ungu ein møguleika at venja seg til at koma út á ar­beiðs­ marknaðin. – Vit vita, at tað ikki kemur eins nógv burturúr hjá teimum ungu, sum um man hevði professionelt fólk. Men sum sagt, pro­ duk­tivitetur er ikki enda­ málið. Um tey líka leggja seg niður á grasið at sóla sær eina løtu er ikki so farligt. Hetta er hóast alt Síðstu vikuna hava havnaborgarar sæð ung í gulum vestum mála, rudda og lúka á ymsum støðum runt í Havnini. Hetta eru ungdómar millum 14 og 16 ár, sum eru ’Ung í Arbeiði’, og skulu tey í tvær vikur hampa um okkara høvuðsstað.