fríggjadagur 13. juli 2012síða 17

17 Fríggjadagur 13. juli 2012 · Nr. 80 Sosialurin Hugskot og viðmerkingar – send sms til 225000 Ítróttur evropa league Kódnaðu í hitanum Fótbóltur EB/Streymur klipti ermurnar av leikbúnum sínum, og gjørdu annars tað, teir vóru mentir. Men yvir fýra hálvleikir vóru armenar betri í trimum, og tískil kom Gandzasar uppiborið víðari Rólant Waag Dam Tað sá so gott út, men tað endaði akkurát so keðiligt sum tað kundi. EB/Streymur kom til Armenia við einari 3-1 leiðslu, men FC Gandzasar gjørdi tey bæði neyðugu málini og tryggjaðu sær víðari luttøku í Euro League. Sigurin á heimavølli í farnu viku kendi søtur. Tá EB/Streymur kom á odda 3-0 í fyrra hálvleiki, ja so var tað næstan ov gott til at vera satt. Og tað var tað. Í Gundadali gjørdu Gandzasar akkurát tað, teir skuldu – skoraðu avgerandi málið á útivølli. Eitt mál, sum í gjár var orsøkin til, at EB/Streymur hevur spælt altjóða fótbólt fyri seinastu ferð í ár. Truplar umstøður Longu áðrenn dystin vóru um­ støðurnar hjá EB/Streymi truplar. Ferðalagið úr Sundalagnum kom til Armenia mánadagin, men ikki fyrr enn mikukvøldið, kvøldið fyri dystin, kom viðførið. Tá so viðførið umsíðir kom fram, sýtti armenska heimaliðið fyri at spæla í reyðu blusum sínum. Hetta høvdu teir nevniliga ikki góðar royndir við í Gundadali, so teir spældu í sínum bláu búnum, sum aftur hevði við sær, at EB/Streymur mátti spæla í sínum ljósareyðu búnum. Trupul­ leikin við hesum var, at ljósareyðu búnarnir hava langar ermar, so saksurin mátti upp í leikin, tá tað ikki var ráðiligt at spæla við long­ um ermum í ógvusliga hitanum í Armenia. Og sum steinur oman á byrðu tók afturvendandi vøddaskaðin hjá Arnbjørn Hansen ilt fyri seg, so­leiðis at trupulleikarnir við bak­ lærinum høvdu við sær, at vanda­ mikli kollfirðingurin, ið spældi ein branddyst í Gundadali, mátti byrja dystin á beinkinum og einans fekk fýra teir síðstu minuttirnar, sum dómarin hevði lagt aftrat. Aftrat honum vóru hvørki Egil á Bø, Marni Djurhuus og Pætur Dam Jacobsen við, so berandi bulurin á liðnum var vekk. Fult uppiborið Tá alt hetta er sagt, skal eingin ivi vera um, at tað var fult uppiborið, at Gandzasar spældi seg víðari. Hyggja vit at dystunum báðum sum fýra hálvleikir, so var Gandzasar betri í trimum teirra. Tað var bara fyrra hálvleik í Gundadali, at EB/ Streymur var omaná. Sunda­lags­ menn kundu enn tá fingið okkurt mál aftrat teimum trimum, teir fingu, men tað kundu armenar sann­iliga eisini í gjár. Hildu tætt í ein tíma EB/Streymur megnaði annars at halda tørn allan fyrra hálvleik, sum endaði málleysur. Eitt korter inn í seinna hálvleik stóð tað framvegis á jøvnum, men so gjørdist armenska trýstið tó ov stórt, og fekk Gandzasar tvey mál. EB/Streymur var undir stórum trýsti dystin á tamb, og til dømis í fyrra hálvleiki bjarg­aði Jonhard Frederiksberg á mál­strikuni. Kjansirnir hjá EB/Streymi vóru ógvuliga avmarkaðir, tí sunda­lags­ menn høvdu úr at gera við at verja borg. Men tað gekk tíverri ikki. EB/Streyma-leikarar kunnu tó ugga seg við, at teir annað árið á rað hava vunnið føroyskum felags­ fótbólti stig. Í fjør vunnu teir tvey stig við sínum báðum javnleikum, og í ár komu so trý stig aftrat á før­oysku kontoina við sigrinum í farnu viku. rolant@sosialurin.fo Gandzasar - EB/Streymur 2-0 (0-0) Yerevan Republican Stadium, 12. juli kl. 19.00 0-1: H. Avagyan, 67. 0-2: Diego Lomba, 72. EB/Streymur: René Tórgarð – Jonhard Frederiksberg, Árni Grunnveit Olsen, Gert Åge Hansen, Leif Niclasen (Arnbjørn Hansen, 90.) – Hans Pauli Samuelsen, Niels Pauli Danielsen (Brian Olsen, 74.), Sorin Anghel, Pauli G. Hansen, Arnar Dam (Johannes Hansen, 80.) – Levi Hanssen. Gul kort: Árni Grunnveit Olsen, Sorin Anghel, Gert Åge Hansen, Hans Pauli Samuelsen. Gandzasar: Arsen Beglaryan – Artur Avagyan, Goran Obradovic, Diego Lomba, Dejan Vukomonovic (Andranik Sargsyan (65.) – Beniamin Manucharyan (Regilio Seedorf, 51.), Sergis Nasibyan (Hayrapet Avagyan, 61.), Noah Kasule – Yamadou Keita, Gustavo Correia, Armen Tatinsyan. Gult kort: Armen Tatintsyan. Dómari: Pavel Saliy, Kasakstan Flotti 3-1 sigurin í Gundadali, kódnaði í hitanum í Armenia Savnsmynd: Álvur Haraldsen Um 100 fjepparar høvdu leitað sær til Margáir í Streymnesi í gjár, dysturin millum Gandzasar og EB/Streym varð vístur á tveimum stórskíggjum. Spenningurin var øgiligur, men tá teir seinastu fýra minuttirnir av yvirtíðini vóru av, vóru tað nakrir vónbrotnir fjepparar, sum fóru heim til nátturða. Lagið var annars gott í hálv­ leikinum, tá støðan fram­vegis var málleys. Tá varð dúgliga prátað, meðan fleiri litrar av kaffi fóru niðurum. Eftir dystin gjørdist tað friðarligt við Margáir, glóðin, sum var tendrað í ein góðan tíma, var sløkt eins og mongu sigarettirnar í stubbarørinum uttanfyri hús­ið, og fjeppararnir vóru eins vón­ brotnir og leikararnir í Armenia. Hjá leikarunum eigur tað tó at vera ein uggi, at stuðulin heima í Føroyum var so stórur til ein dyst sum henda, har umleið 100 fjepparar savnaðust at stuðla teimum. Stórt vónbrot