fríggjadagur 13. juli 2012síða 98

vika 16 l 16. apríl 2012 50 G! Vikutema Amster­ dam Klezmer Band (NL) Eitt tað stuttligasta og uttan iva lívligasta ískoytið til G-skránna í ár, man vera teir víðagitnu Amsterdam Klezmer Band. Kendi hollendski ummælarin, Stan Rijven, sigur soleiðis um bólk­in: “Blanda ein skamt av klezmer við eitt klípi av ska, koyr síðani eitt skot av Balkan og ein vet av gypsy, krydda við eini súpuskeið av jazzi og rívan av punki, koyr síðani alt í blendarin, og voilá, tú hevur uppskriftina uppá Amst­er­ dam Klezmer Band. Teirra feita vørumerkta útgáva av klezmer balkan grabbar um hvítanýruni á øllum sum hoyra teir. Tá blásararnir, kontrabassurin, harmonikan og áslátturin ganga saman í pulserandi grøvan, ið er full av listlærdari, um enn ráari orku, so fáa teir veruliga áhoyraran at sveitta.” Amsterdam Klezmer Band verða á skránni seint leygarkvöld, men fara harumframt at hava eina verkstovu hósdagin áðrenn festivalurin byrjar fyri teimum, sum hava áhuga fyri klezmer tónleiki. Hymns from Nineveh (DK) Sambært Gaffa vóru tey ”Besti nýggi bólkurin í Danmark í 2011”. Ummælarin hjá Politikken segði um teirra Roskilde 2011 framførslu, at ”Hymns from Nineveh gik på scenen og skabte en af de Ros- kilde-koncerter, man lever og ånder for”. Við árslok útnevndi Gaffa sjálvnevndu fløguna hjá Hymns From Nineveh sum hina bestu yvirhøvur í Danmark í fjør. Sjálvur kallar bólkurin tónleikin fyri andakts fólkapopp. Kristna bakgrundin hjá Jonas H. Petersen hoyrist aftur í sorgblíðu lögunum, ið snúgva seg um trúgv, vónloysi, longsul, trongd, gleði og sorg. Aftrat sær á pallinum hevur sangarin Jonas H. Petersen sjey fólk, sum fullgerða livandi fram­ førslurnar. Tað riggar so mikið væl, at ummælarin á enska tón­ leikaritinum Mojo segði seg darra av ovfarakæti eftir at hava hoyrt bólkin á SPOT festivalinum í fjør. Ein av størstu poppstjørnunum í Svøríki júst nú, Veronica Maggio, er eitt av høvuðsnøvnunum á G! í ár. Í februar í ár vann hon vann tríggj­ar Grammy: "Ársins poppnavn" - "Ársins komponistur" og "Ársins tekst­høv- und­ur". Hon var nominerað til ikki færri enn sjey av slagnum. Í August í fjør vann hon tvær Rock­ bjarnir: "Ársins kvinnuligi live-artistur" og "Ársins svenska lag". Stutt eftir vann hon tríggjar Gaffa virðislønir: "Ársins svenski soloartistur" - "Ársins svenska útgáva" og "Ársins svenska hitt". Í Føroyum hava vit hoyrt mest til løgini "Måndagsbarn" og "Jag Kommer", tað seinna er av hennara triðju fløgu, Satan i Gatan, sum kom út í fjør. Hendan útgávan var millum mest seldu fløgur í Svøríki í fjør, og hevur higartil selt meira enn dupult platin. Veronica Maggio leggur sína mildu, gentusligu rødd omanyvir tann eitt sindur garagukenda poppin, ið førir saman eyðmjúkar gittarar og trumm­ ur, motownsligar strúkarar og glint­ andi elektronisk ljóðprýði. Stutt sagt kann tónleikurin, Veronica spælir, helst kallast lætt íoyrafallandi poppur við dýbd í. Veronica Maggio (SE) Retro Stefson (IS) Arnar Eggert, ein av fremstu tón­ leika­ummælarum í íslandi, sigur soleiðis um Retro Stefson: ”Retro Stefson hevur leingi verið besti livebólkur í Íslandi... tey eru før fyri at vinda mannamúgvur við túsundtals fólkum um fingurin.” Bólkurin spældi sína fyrstu ko­ nsert í 2006, tá limirnir vóru 14, 15 og 16 ára gamlir. Síðani er bólk­ urin vorðin ein hin best um-tókti bólkurin í Íslandi. Fyri einum árið síðani fluttu lim­ irnir í bólkinumtil Berlin. Ímeðan bólkurin hevur hildið til í Berlin, hava tey spælt yvir 100 konsertir í Týsklandi, Hollandi, Belgia, Dan­ mørk, Noregi, Eysturríki, Sveits, Kroatia og Onglandi. Retro Stefson er ovurhonds orkumikil alternativur rokkur við íblandaðum afrikanskum rytmum, funk elementum og hvørjum av sínum Í summar kanst tú fáa ein smakk av Retro-Stefson-veitsluni, tá ið bólkurin vitjar G! Festival hóskvøld. Black Crow King Handan Nick Cave íblásta navnið Black Crow King, goymir seg ein heimur av gotiskum rúmklangi, skit­num guitara og groovutum rokki nakað í tráð við gamalt The Cure og Grinderman. Á odda fyri bólk­in­um stendur Símun Skorastein úr Leir­ vík, ið afturat sær hevur brøðurnar Lamhauge úr Gøtu á trummum og bassi. Bólkurin bleiv nummar 2 í Sement kappingini fyrr í ár. Guðrið Hans­ dóttir Fólkatónleiksíblásti poptónleikurin hjá Guðrið Hansdóttir vinnur sær alsamt fleiri fjepparar. Guðrið hevur havt høvuðssæti í Íslandi seinasta árið ella so, har hon veruliga hevur bitið seg fast millum virdu artist­ arnar har yviri, samstundis sum hon hevur túrað dúgliga bæði í USA og Europa. Samanumtikið hevur henn­ ara yrkisleið neyvan fyrr havt so nógv flog sum júst nú. Guðrið Hansdóttir spælir á G! í samstarvi við fólkatón­leikara­stevn­ una. Hann, ið kanska fer at savna allarmest fólk á gøtusandi í summar, verður danski Tim Christensen, ið framførir leygarkvøldið á G! saman við bólki sínum The Damn Crystals. Tim slóg ígjøgnum sum 20 ára gamli oddamaðurin í Dizzy Mizz Lizzy í 1994, og hevur hildið sær ovast á donsku popp- og rocktindunum síð­ ani. Føroyingar kenna helst serliga væl friðarliga og vakra lagið ”Righ Next To The Right One” sum var eyðkennislag í sjónvarpsrøðini, Nicolaj og Julie. Eisini eru fleiri av løgunum bæði frá Dizzy tíðini og hansara soloplátum mestsum vorðin fólkaogn. Tim Christensen hevur sterkar røtur í tí klassiska og bretska rokkinum. Tú hoyrir ávirkanina frá Beatles, Led Zeppelin o.ø. Tónleikurin hjá Tim er popputur og trallutur uppá tann góða mátan hóast talan ofta er um nokkso harðan rocktónleik. Tim Christensen & The Damn Cry­ stals hava fingið framúr liveummæli í seinastuni, so lagt er upp til ársins rockbrak, leygarkvøldið á G! Tim Christensen and The Damn Crystals (DK) Amerikanski John Grant er kanska hitt kendasta navnið á G! í ár. Sambært tónleikatíðarritinum Mojo átti John Grant bestu útgávuna í 2010, yvirhøvur. Ummælarin hjá BBC skrivaði soleiðis á heimasíðuna hjá BBC: ”one of the most deeply satisfying debut albums of recent times”. Jón Tyril, ið leggur skránna hjá G! til rættis varð eisini rættiliga sannførdur fyrstu hann ferð hoyrdi John Grant, og skrivaði soleiðis um tað : ”John Grant blásti meg um koll frá fyrsta tóna. Bara røddin í sær sjálv­ um, var nóg mikið til at taka meg av fótum. Tað var sum at hoyra Frank Sinatra, so gott tamarhald var á, og so góða fyllu hevði røddin. Síðani var tað tekstirnar - tað hvassa og beiska skemtið, undirliggjandi øðin og blíða sorgin í sangunum, sum allir vóru húð­ leyst sjálvbiografiskir. Alt hetta borið fram við vøkrum melodium og eini av vakrastu røddunum eg nakrantíð havi hoyrt.” John Grant (US) Tjúkt og vælsvingandi reggae, dance­ hall og ragga er í brennideplinum seint fríggjakvøld, táið reyði kapteinurin trínir pallin. Kapten Röd vann í januar í ár tær báðar hægst mettu heiðurslønirnar á ársins P3 Guld galla í Svøríki: ”Årets artist 2011” og ”Guldmicken/Årets liveakt 2011”. Í juli 2011 kom næsta fløgan hjá Röd á marknaðin. Serliga lagið ”Ju mer dom spottar” var væl móttikið og var millum mest spældu løgini í svenskum útvarpi í 2011. Í Januar í ár vann Kapten Röd so tær báðar mest umráðandi virðislønirnar á stóra P3 Guld heiðurslønartiltakinum – ”Årets artist 2011” og ”Guldmicken/Årets liveakt 2011” Livebólkurin, ið Röd hevur við á G! er settur saman av elituni úr svenska reggae umhvørvinum so tað ræður um flætta sær dreadlocksirnar, ræsa sær fiskin og taka stóra ballpappírið fram tá tann reyði fær alt at danda og anda í takt. Kapten Röd (SE) Lív og levnaður í multi-ment­an­ar­liga keypmannahavnar-býar­part­inum, Nørrebro, hevur fyri kortum fingið hitt nærum perfekta ljóðsporið við Raske Penge, hvørs rapp um gerandislív flýtur omaná einum grundfesti av sólbakaðum Jamaica rútmum. Hesin dancehall eygnasteinurin hevur í seinastuni herjað bæði útvarp og netmiðlar við staklagnum "Rundt". Ein sangur, ið ómakaleyst ber fram djúptøkna heimspeki og stór hugskot, alt meðan hann í roynd og veru snýr seg um at fara at keypa inn í grannalagnum. Virkni danski dancehall-pallurin hevur sjálvdan ljóðað so feskur sum her. Raske Penge verður at hoyra og síggja í Grundini í ár. Raske Penge (DR)