mánadagur 16. juli 2012síða 15

15 Mánadagur 16. juli 2012 · Nr. 81 Sosialurin Hugskot og viðmerkingar – send sms til 225000 Ítróttarblaðið vestanstevnuróðurin Í summar hevur tað ikki stemmað so væl í kappingini millum 8-mannaførini og 10-mannaførini hjá bátunum, sum umboða tey trý róðrar­feløgini í Havn og á Argjum, sum tað so mangan hevur gjørt. Men í mannfólkakappingunum í 6-mannaførunum og 5-manna­før­ unum stendur eingin teimum kurl. Lómur av Argjum tryggjaði sær leygarfdagin FM heitið í kappingini millum 6-mannaførini við monnum, Drek­in og Jallurin stríðast í sera tættari og spennandi uppgerð um FM heitið í kappingini millum 5-manna­førini við dreingjum, og í master kappingini millum 10-manna­førini er Havnarbáturin su­ve­ren­ur. Á kvinnusíðuni eru úrslitini í ár ikki so glæsilig hjá teimum í Argja Róðrar­felag, Róðrarfelagnum Knørri og Havnar Róðrarfelag, sum tey mangan hava verið. Undantøkini eru tó Jallurin í barnaróðrinum við gentum Hern­ ing­u­r og Gongurólvur í master kapp­ingini millum 6-mannaførini við kvinnum. Eftir at Jallurin hevði vunnið fýra tær fyrstu ferðirnar í barna­ róðri­num fyri gentur, troðkaði Hulda av Tvøroyri á Fjarðastevnu seg eitt vet framum bláa bátin, men í Sandavági var eingin ivi. Jallurin vann trivaligan sigur, og harvið er kósin væl og virðiliga sett ímóti FM heiti­num. Herningur vann fyrsta FM masterróðurin fyri 6-mannafør við kvinnum, sum var á Fjarðastevnu. Leygar­dagin luttók Herningur ikki í hesi kappingini, og nú var Lómur hjá Argja Róðrarfelag bestur. Menninir Lómur hevur verið fremstur allar seks ferðirnar í summar. Sann­ førandi avrikini hava verið merkis­ verd, tí 6-mannafarið av Argjum við monnum hevur ongantíð áður vunnið ein tann einasta róður. Riddarin hevur verið trúgvasti og drúgvasti kappingarneytin, og aftur leygardagin vóru teir úr Mið­ vági argasti mótstøðubáturin. Men Riddarin megnaði einki at gera við Lóm, sum var tað mesta av einari báts­longd frammanfyri bátin úr Miðvági. Munurin var mest sum tann sami, sum hann var á Fjarða­ stevnu næstsíðsta leygardag. Merkivert var tað, at Páll Fangi styrkti so nógv um sína støðu á bronsuplássinum. Á Fjarðastevnu var fjarstøðan frá fremsta plásinum og aftur til Páll Fanga meiri enn átta sekund, og leygardagin var hon minni enn fýra sekund. Dreingirnir FM stríðið í kappingini millum 5-mannaførini við dreingum stendur bara millum Jallin hjá Róðrar­felagnum Knørri og Drekan hjá Havnar Róðrarfelag. Jallurin vann tríggjar tær fyrstu ferðirnar, og harvið tóktist hann liggja tryggur á FM kósini. Knørra­ dreingirnir hava framvegis sjálvir møguleikan at tryggja sær FM heitið, men nú eru teir í ógvulga tættari kapping við Drekan hjá Havnar Róðrarfelag. Við sigrum tríggjar tær seinastu ferðirnar eru Dreka dreingirnir vornir stóra vón­ in hjá Havnar Róðrarfelag í ár - og í framtíðini! Sigurin í Sandavági var so nógv tann dyggasti og tryggasti, sum Drekin hevur vunnið á Jallinum. Með­an tað undanfarnu ferðirnar hev­ur verið lítil og eingin munur, so var Drekin leygardagin fýra sekund ella meiri enn eina bátslongd framman­fyri Jallin. Tann av hesum báðum høvuðs­ staðarbátunum, sum verðúr fremri á Ólavsøku, verður FM vinnari. Eftir róðurin á Vestanstevnu kann ikki annað sigast, enn at tað er Drekin, sum er FM favorittur. Dreingirnir á Jallinum vunnu FM fyri fyrstu ferð í fjør. Í hesi kappingini hevur Havnar Róðrarfelag vunnið FM ellivu ferðir – tríggjar ferðir við Drekanum og átta ferðir við Sílinum. Smærru bátarnir í høvuðsstaðnum stinnastir Kappróður Á mannfólkasíðuni eru FM heitini í 5-mannaførum og 6-mannaførum á veg til róðrarfeløgini í høvuðsstaðnum, sum annars ikki hava staðið seg so væl, sum tey plaga at gera