mánadagur 16. juli 2012síða 21

21 Mánadagur 16. juli 2012 · Nr. 81 Sosialurin Hugskot og viðmerkingar – send sms til 225000 Ítróttarblaðið Sjey føroyskir dartspælarar luttóku um vikuskiftið í Lolland Open 2012, har teir vunnu silvur- og bronsuheiðursmerki Pætur Albinus Størsta gularótin hjá dartspælarum í Føroyum er óivað stóru vinningarnir í at sleppa at luttaka í stórari kapping í Danmark eftir lokna kappingarárið í Føroyum. Farna kappingarár vardi frá septembur í 2011 til mei í ár, og seks teir bestu í hesum 10 umførunum hetta tíðarskeiðið vunnu sær ferðing, uppihald og luttøkugjald til Lolland Open 2012. Umleið 40 dartspælarar vóru við í føroysku kappingunum og kappingin um teir seks pakkarnar var hørð. Tá ið avtornaði sluppu sjey spælarar við, og vóru teir Bárður Olsen (106 stig) Jan Midjord (93 stig) Petur Thomsen (90 stig) Heri Kallsoy (89 stig) Remy G. Hansen (82 stig) Naldo (77 stig) og Oddfinn Hansen (74 stig). Remy fekk silvur Nakrir av føroyingunum luttóku í kappingini +35, sum minnir um eina oldboys-kapping. Nevnast skal, at fleiri av bestu donsku leikarunum vóru við í hesi kappingini, soleiðis at tað als ikki var ein løtt kapping. Tveir føroyingar spældu seg víðari úr bólkaspælinum. Ein av royndastu føroysku dartspælarunum, Remy G. Hansen, legði bragdliga fyri í kappingini. Hann hitti Bárði Olsen í fjórðingsfinaluni, og so var eitt føroyskt hálvfinalupláss longu tryggjað. Hetta tryggjaði Remy G. Hansen sær, og eftir eitt frálíkt avrik megnaði hann at spæla seg í finaluna. Í finaluni løgdu báðir spælararnir væl frá landi við at kasta ein 180 (hægsta stigatalið fyri tríggjar pílar, red.) men danski Torben Skov gjørdist ein ov stórur biti at gloypa hjá Remy G. Hansen, sum tó kundi taka til takkar við einum frálíkum silvurheiðursmerki. Bronsu í tvímansleiki Í sjálvari høvuðskappingini, einmansleiki fyri allar aldursbólkar, komu seks av føroyingunum víðari úr bólkaspælinum. Tríggir teirra, harímillum Remy G. Hansen og Bárður Olsen, spældu seg eisini víðari úr fyrsta umfari í endaspælinum, men longri enn tað kom eingin. Seinnapartin leygardagin varð kappast í tvímansleiki, har tveir og tveir spælarar luttóku sum lið. Fýra "føroysk" pør vóru við. Aftur hesaferð vóru tað teir báðir Bárður Olsen og Remy G. Hansen, sum bitu frá sær. Teir spældu seg heilt fram til hálvfinaluna, har teir taptu og tóku til takkar við einum bronsuheiðursmerki. Dart vindur upp á seg Tað hevur verið ein vaksandi áhugi fyri dart í Føroyum seinasta árið, sum helst eisini hevur kastað hesi góðu úrslitini av sær í Danmark. Í Runavík, á Toftum og í Vágunum eru ætlanir um at fáa eitt felag. Flestu spælararnir eru í Havnar Dartfelag, men í ár hava eisini kappingar verið í Klaksvík og í Fuglafirði. Spælararnir siga seg ikki vera nøgdar við umstøðurnar í Havn, har teir tó við vælvild hava skipað fyri kappingum í hølum hjá Articon og Effo. Teir arbeiða miðvíst við ætlan um eitt varandi høli, soleiðis at venjingin verður tikin meiri í álvara og at menna ungdómsdeildirnar. albinus@sosialurin.fo Dartspælarar bitu frá sær í Danmark Christian Lamhauge Holst byrjaði inni og vann í fyrsta dystinum í nýgg­ja kappingarárinum, með­an René Shaki Joensen sat á bonki­ num hjá Brøndby, sum heima tapti fyri OB. Um vikuskiftið byrjaði danska lands­kapp­ingin aftur. Silkeborg og føroyski landsliðsframherjin, Chris­ tian Lamhauge Holst, vóru á vitjan í Esbjerg. Silkeborg vann dystin 3-2. Før­oysk landsliðsframherjin spældi fyrstu 78 minuttirnar. Á Brøndby stadium tók Brøndby móti OB, sum vann 1-0. René Shaki Joen­sen sat á bonkinum allan dystin. Í Brøndby kenna tey seg snýtt fyri eitt stig, tí dómarin valdi at kolldøma eitt mál, ið Brøndby við­halds­fólk og leikarar ikki meta skuldi kolldømast. Fult til Lam­hauge – einki til René