mánadagur 16. juli 2012síða 23

23 Mánadagur 16. juli 2012 · Nr. 81 Sosialurin Hugskot og viðmerkingar – send sms til 225000 Er málið um Fámará dømi um tað, sum kann fáa tað serføroyska fram í føroyinginum? Durita Brattaberg mentunarhúsleiðari á Hamar í Noregi, tann 14. juli 2012 Tað er í besta fall áhugavert at fylgja við, hvat hendir i málinum um festið í Fámará. Í ringasta fall er tadð grátuligt. Eg havi bæði nærleika og fjar­leika til málið: • Nærleika, tí bæði omma, abbi og foreldrini hjá mær hava verið festarar, • Nærleika, tá eg havi slitið upp fleiri støddir av bæði gummistilum og ar­ beiðsklæðum i Fámará í umleið 25 ár. • Fjarleika, tá eg eri útiseti og kann tískil velja at sleppa undan at taka støðu til tað, sum verður skriv­að og sagt um málið. Tann, sum nú heldur, at eg her skal taka støðu til, hvør best er egnaður keypari av fest­inum í Fámará fer skeivur. Beint nú kennist tað nógv meira umráðandi at gera viðmerkingar til, hvussu fjøl­miðlar og sosialar mediur beint nú fungera í Føroyum. Tað er undir alt lágmark. Eg øtist. Eg øtist og eg vaml­ ist. Og tankin um, at tað helst er gerandisdagurin hja nógv­ um, at tey verða úthongd al­ ment, kann ikki annað enn gera, at tað rennur kalt niður eftir rygginum. Akkurat nú – í hesum døgum, er talan um mál sum eg kenni til, meðan eina aðraferð er tað helst onkur annar, sum stendur fyri skotum. Har eg eri uppvaksin og í mínum dagliga yrki er van­ ligur fólkaskikkur galdandi. Virðingin fyri hvør øðrum er eisini grundleggjandi. Um­ framt hetta, er toleransan fyri at øll fólk eru ymisk, rættiliga stór og at tað er loyvt at hava ymiskar meiningar er rættiliga gerandis. Tað merk­ ir samstundis, at tað ber til at diskutera uttan at verða óhøviskur. Tað, sum í løtuni fer fram á facebookviðmerkingum á portal.fo er óvirðiligt. Óvirði­ligt, mest fyri tann sum skrivað verður um, men eis­ini óvirðiligt fyri tann, sum skrivar ósensurerað um slatur og sleyg, sum lítið ella onki hald er í. Undarligt at stað­festa, at tit, sum við­merkja á portal.fo, ikki hugsa um, at tit seta fullt navn undir eitt so negativt og óvirði­ligt orða­skifti. Óvirði­ligt, tí úrslitið er meiri slatur og sleyg, (ein ringrás, sum eg ikki skilji, at tit vilja indenti­fiserast við), negativt, tí tit byggja onki upp, tit bara bróta niður. Tað er áhugavert at síggja myndir av tykkum til vinstru fyri tekstin, tit skriva, og tað er hugstoytt at hugsa um, at tit eru foreldur, ommur og abbar, sum leggja so ringt í beinið á teimum, tit eru avvarðandi at. Hvat fyri samfelag er tað tit vænta at fáa burturúr? Eisini er tad áhuga­vert at portal.fo hevur ein ábyrgdarredaktør, hvørja ábyrgd hevur hann? Tað er undarligt at vera áskoðari og síggja, at ong­ in tekur til mótmælis. Hvør orsøkin er, eri eg í iva um, men tey sum velja at fyri­ halda seg still, kunnu helst hugsa um tað eina løtu. Ímeðan, kann eg hugsa um ta mongd av fólki, sum hava sitið væl rundan um borðini hjá ommu og abba mínum og foreldrunum i ¾ øld. Kanska eru facebook brúk­ arar, sum gera viðmerkingar á portal.fo eitt egið fólkaslag, og eg øtist við tankan um, at helst er hetta fólkaslagið í vøkstri, og tey trívast helst best millum sínar líkar. Virkisfýsni, áræði, tolni, út­haldni, styrki og ábyrgd – tað skal til hjá teimum, sum leggja rygg til at bróta upp úr nýggjum. Tey hava ein dreym um at skapa nakað nýtt og sjáldan ella ongantíð eru tað lættir vinningar, sum dríva verkið. Slík fólk eru í øllum londum, og serliga í smáum, sum í Føroyum, er brúk fyri slóðbrótarum. Oftast kemst á mál hjá slóðbrótarunum, men sjálvsagt eru dømir um, at ikki kemst á mál. Tíverri, er mín fyribils niðurstøða, at Føroyar kann vera landið, har alt ov fá ynskja hvør øðrum at eydnast, men tað er mín sann eisini landið, sum ikki letur fólk miseydnast. Hvat kemur burturúr, har tað ikki ber til at eydnast og ikki ber til at miseydnast, kundi verið eitt annað evni at varpa ljós á. Eg skal minnast til at við­ merkja, at eg sjálv ongantíð havi havt facebook profil. Eri sostatt ikki á facebook, so vinarliga, um tú hevur við­merking, so skriva hana ikki har. Ódámligt at reingja sannleikan Marin Katrina Frýdal býráðslimur fyri Tjóðveldi forkvinna í teknisku nevnd Lýsingarátakið fyri Bussleiðina Eg ætlaði mær ikki aftur í blekkhúsið hvat viðvíkur hes­um máli, men tá ið Ann­ finn Brekkstein reingir veru­leikan fyri borgarunum, verði eg noydd at koma við eini viðmerking. Málið um lýsingarátakið fyri Bussleiðini hevur verið fyri í teknisku nevnd heilar tríggjar ferðir í ár, 15. mars, 26. mars og aftur 19. apríl, og í gerðabókini er ikki ein einasta við­merking frá sam­ bandsmann­inum, sum ann­ ars hevur verið fastur lim­ur í teknisku nevnd hetta síðsta hálva árið; ja hann hev­ur enntá eisini tikið undir við, at kommunan fer undir sam­ ráðingar við lýs­ingar­fyri­tøk­ una um hetta átakið. Ein nógv betri Bussleið Eisini er tað bæði skeivt og villleiðandi at siga, at Buss­ leiðin kostaði 8 mió. kr. áðr­ enn ókeypis skipanin var sett í gildi, fyri síðani at kosta 22 mió. kr. í dag. For­ treyt­in fyri at gera saman­ ber­ingar er at talan eisini er um sambæriligheit. Eitt er at kommunan nú er nógv størri í vavi, enn hon var áður. Nýggj­ar bygd­ir og býling­ar eru lagst aft­ur­at, og tí eru bæði fleiri og longri teinar at koyra. Annað er, at olju­prísirnir eru fer­faldaðir, eins og allir aðrir takstir, ið knýttir eru at sátt­málanum um Buss­leiðina eru farnir upp. Fyrr vóru tvey rakstrar­ støð, ein fyri Buss­leiðina og ein fyri skúla­barna­koyr­ ingina. Hetta er nú lagt sam­an í eitt rasktrarstað, sum er Bussleiðin. Í verandi upp­hædd á fíggjarlógini eru eisini eingangs útreiðslur til ymiska tøkni í bussunum, útbún­aður á endastøðum og steðgi­plássum, lýsingar v.m. Og síðani og ikki minst, so er Bussleiðin vorðin nógv ment, bæði hvat viðvíkur títtleika og tænastu, og hetta kostar sjálvsagt. Síðani vil eg leggja afturat, at tað, sum kom inn við ferðaseðlum, áðrenn ókeypis busskoyring varð sett í gildi, vóru uml. 3½ mió. kr. árliga. Umsitingarútreiðslan av hesari bilettinntøku var somikið stór, at nettoinn­tøk­ an tódnaði munandi. Hetta verða míni síðstu orð til Annfinn um hetta málið. Men góði Annfinn, sjálvt um vit eru politiskt ósamd, fari eg at heita á teg til eina aðru ferð at halda teg til fakta í málinum, bæði hvat viðvíkur politiskum nið­ur­ støðum, ið feldar eru í gerða­ bók, og at tølini, tú borðreiðir við, eru tey røttu. Alt annað er at reingja veru­leikan fyri borgarunum, og tað hevur borgarin ikki uppiborið. Tá ið sjálvirkandi fólka­ telji­skipanin hevur virkað í eina tíð, soleiðis at álítandi hagtøl um Bussleiðina fyri­ liggja, verður farið undir at eftir­meta og bøta um Buss­ leiðina, soleiðis at hon kann tæna borgarunum enn betri. Tað er undarligt at vera áskoðari og síggja, at ong­in tekur til mótmælis For­treyt­in fyri at gera saman­ber­ingar er at talan eisini er um sam­ bæri­ligheit Kjak