mikudagur 18. juli 2012síða 15

15 Mikudagur 18. juli 2012 · Nr. 82 Sosialurin Hugskot og viðmerkingar – send sms til 225000 Hagtøl hjá Doubleclick í juni mánaði í ár vístu, at Facebook er mest vitjaða heimasíðan í heiminum. Facebook strikar 20.000 vangamyndir á Facebook hvønn dag orsaka av ymsum orsøkum. USA er landið við flest Facebook brúkarum. Í mai vóru tey 157 milliónir. Síðani koma India, Brasil, Indonesia og Meksiko. Rógvi Nybo Túnatos vilja summi kalla tað. Onnur halda tað mest minna um smágrenj, tvætl og humbukk. Til tíðir gongur tað hart fyri seg, og ikki altíð í einum líka sámuligum tóna. Tað er tó ein sannroynd, at stór­ur og vaksandi partur av kjaki­num, sum gongur fyri seg millum fólk, í dag er at síggja á Facebook. H­etta hevur nakrar heilt ser­ligar avbjóðingar við sær fyri Landsbókasavnið, sum eitt nú hevur til uppgávu at skjalfesta tað samskifti, sum er millum fólk. Í nógv ár hevur Landsbókasavnið goymt dagbløðini, og tað ger tað í dag møguligt hjá fólki við áhuga og sum arbeiða við gransking, at hyggja eftir, hvussu kjakið hevur verið í ein­um ávísum tíðarskeiði, hvussu tónalagið hevur ver­ ið, og hvat kjakið hevur snúð seg um. Men í dag gongur tað mesta av samskiftinum í sam­felag­num fyri seg í tal­ gildu miðlunum. Face­book, Twitt­er, heimasíður, bloggar og so framvegis gerast ein støðugt meira týðandi partur av almenna kjakinum, og tí hev­ur hetta eisini áhuga hjá Lands­bókasavninum at fáa goymt. Men tað er alt annað enn lætt. Nógvir spurningar Erhard Jacobsen er leiðari á Land­s­bókasavninum. Hann ásann­ar, at tey í dag stan­da við einari kollossalari upp­ gávu, tá tað snýr seg um at klára at fylgja við og skjal­ festa tað almenna kjakið í Før­oyu­m til eftirtíðina. - Tað eru nógvir spurn­ing­ ar, sum vit mugu fáa greiðu á í sambandi við Facebook. Spurningurin er, hvat hevur áhuga, og hvat er atkomiligt. Sumt av kjakinum er alment at­komi­ligt, men tað er eisini nógv, sum ikki er alment. Eisini er spurningurin, hvat Face­book er fyri ein sjangra. Tað kann verða ringt at fáa greiðu á. Sumt av prátinum á Facebook minnir kanska mest um túnatos. Og hevur tað nakran týdning at goyma eisini, sigur Erhard Jacobsen spyrj­andi. Krevur nógva orku Tað finnast møguleikar fyri at fáa skjalfest samskiftið á Face­book. Erhard Jacobsen greið­ir eisini frá, at tey á Lands­bókasavninum ar­ beiða við at seta skipanir upp, sum kunnu nýtast til at skjal­festa nógv av tí talgilda sam­skifti­num, sum fer fram. Men tað krevur nógva orku í arbeiðsmegi og peningaliga, og krevur eisini vælvilja frá stóru leikarunum á sam­ skiftis­markn­aðinum. - Vit mugu dúgva upp á vælvilja frá stórum organi­ sa­tión­um, so sum Facbook og Google. Tær goyma sjálv­ ar ein stóran part av tí, sum verð­ur skrivað og sagt á teirra síðum, men tá liggur til­farið spjatt nógvastaðni, og eingin hevur veruliga ábyrgd av hesum, vísur Er­ hard Jacobsen á. Hann sigur tó, at Lands­ bóka­savnið hevur lógar­ skyl­du til at fáa skjalfest alt tað talgilda samskifti, sum hevur áhuga, og at hetta tí er ein týdningarmikil uppgáva, sum má og skal loysast. Loysn má finnast skjótt Sambært leiðaranum á Lands­bóka­savninum er ein av teimum mongu møgu­ leiku­num við Facebook at fáa tikið ein úrskurð av øll­ um tí samskiftinum, sum er á føroyskum í eitt ávíst tíðar­skeið, fyri á tann hátt at kunna skjalfesta, hvat fólk kjak­ast um, hvussu málið er og so framvegis. Fyri framtíðina hevur tað stór­an týdning at fáa gjørt hetta arbeiði skjótt, soleiðis at tú í framtíðini fær hugt aft­ur og granskað samfelagið í dag. Um onkur í framtíðini fer at hyggja aftur í tíðina og kanna samskiftið tá í tíð­ ini, og vinkulin er upp á tað meira elitera samskiftið, sum gongur fyri seg í eitt nú bløðunum, so er vandi fyri at missa ein stóran part, um mann skal úttala seg um for­ tíðina. - So missur tú alt tað meira fólksliga aspektið av kjaki­num. Tí hevur tað eisini týdn­ing at fáa goymt henda part­in. Annars kann mann koma út fyri, at mann úttalar seg um ting, mann slett ikki hev­ur dekning fyri, ella sum ikki passa, vísur Erhard Jacob­sen á. Tá vit spyrja hann, um tað tí verður arbeitt við nøkrum ítøki­ligum loysnum, sigur E­r­ hard Jacobsen, at tað verð­ur arbeitt við at seta skipan­ ir upp, men ásannar sam­ stund­is at arbeiðið møguliga ikki verður nóg høgt raðfest, sum er. - Hetta arbeiðið skal ger­ ast, og tað skal gerast skjótt, staðfestir Erhard Jacbob­sen, leiðari á Lands­bóka­savni­ num. rogvi@sos.fo Kjakið skal skjalfestast skráseting Tað hevur stóran týdning fyri eftirtíðina, at tað fólksliga kjakið á facebook eisini verður skjalfest. – Vit arbeiða við at fáa sett upp skipanir, sum kunnu skráseta nakað av hesum kjakinum. Tað skal gerast, og tað skal gerast skjótt, sigur Erhard Jacobsen, leiðari á Landsbókasavninum