fríggjadagur 20. juli 2012síða 11

11 Fríggjadagur 20. juli 2012 · Nr. 83 Sosialurin Hugskot og viðmerkingar – send sms til 225000 nøvn Sunnudagin 22. juli verður Jens Péturson 90 ár. Jens, ið er ættaður av Nesi í Vági, fór longu í 1945 til Íslands at arbeiða og fall hann sera væl til har. Seinni fór hann aftur til Føroyar og fann sær konu úr Hovi, Maria. Stutt eftir fluttu tey til Íslands og settu búgv í Kópavogi. Fyri fáum árum síðani fluttu tey í eina íbúð í Hafnarfyri. Maria doyði fyri nøkrum árum síð­ ani. Hóast sín høga aldur er Jens sjáldsama væl fyri. Tað kemst ivaleyst av, at hann hev­ur livað eitt sunt og virk­ ið lív líka til dagin í dag. Tað munnu vera fáir dagar, at hann ikki vitjar svimjihylin og svimur ein langan tein, ja, fleiri hundra metrar. Trúfesti, lítillæti, spak­ lyndi og hjálpsemi hevur eyð­kent Jens alt lívið. So­ leiðis kenna vit eisini hann á Sjómansheiminum Ørkin í Reykjavík, har hann hevur verið við frá byrjan. Tað er ikki smávegis arbeiði Jens hevur lagt í Sjómansheimið øll hesi mongu árini og uttan løn. Saman við Jóhan Olsen, sjómanstrúboðara og øðrum stríddist Jens í mong ár, fyri at Sjómansheimið kundi verða veruleiki. Sum kunnugt tók tað langa tíð, frá tí byrjað varð, til Sjómansheimið varð vígt og tikið í nýtslu 1991. Jens varð valdur í fyrsta stýrið fyri Sjómansheimið og sat hann sum formaður í fleiri ár. Seinni legði hann frá sær sum formaður, men hevur hann sitið í stýrinum líka til í vár, tá hann ynskti at leggja frá sær. Fáorðaður, sakligur og góður í ráðum hevur hann verið fyri okkum í stýrinum øll hesi árini. Jens er ein gudrøkin mað­ ur. Tú hevur ikki tosað leingi við hann, so gert tú varugur við, at hesin maður er øðrvísi enn fólk flest. Hansara eyð­ mjúka sinnalag og verumáti er so sjáldsamt nú á døgum, at ein løta saman við honum, er ein minnilig løta. Hóast hann er eyðmjúkur og lítil­ látin skammast hann ikki við gleði­boðskapin um sín Frels­ara, Jesus Kristus. Øll hesi mongu árini hevur hann vitja umborð á skip, ser­liga føroysk, við andaligum til­ fari og í tí stilla lagt eftir seg ein vitnisburð um sín Harra. Á møtunum, ið eru á Sjómansheiminum hvørja viku, hevur hann havt sítt fasta pláss, og sum oftast tekur hann orðið til ein vitnisburð. Óteljandi túrar hevur hann koyrt ferða­fólk, serliga føroyingar, mill­um Sjó­mans­heimið og Flog­vøll­ in. Enn vitjar Jens reglu­ liga inn á gólvið á Sjómans­ heiminum og hann er ikki bangin fyri at taka eina hond í við onkrum. Djarvur hevur hann verið sum fáur. Fólk øtaðust, tá ið hann fyri bert 5 árum síðani gekk uppi á tekini á Sjómansheiminum, sum jú er rættuliga høgt, og málaði. Tað er sjónligt, at Sjómansheimið er hjartabarn hansara, sum hann er góður við og vil tað besta. Jens vitjaði í Føroyum fyri umleið einum mánaða síðani og tá hevði stýrið fyri Sjómansheimið boðið honum til eina máltíð við Gjógv. Hetta var Jens glaður og takksamur fyri. Nú Jens var í Føroyum vildi hann eisini sleppa til Mykines at síggja staðið, har íslendska flogfarið datt niður. Hetta tí at sonur hansar var við tí flogfarinum, men kom hann frá vanlukkuni við lívinum við skaða í rygginum Góði Jens! Vit eru mong her í Føroyum, ið hava tað gleði, at lært teg at kenna, og tað eru vit sera takksom fyri. Vit ynskja tær hjartaliga tillukku á 90 ára degnum og Guds ríku signing framyvir. Takk fyri títt trúfesti øll hesi mongu árini og tað tú hevur lagt eftir teg til gleði og signing fyri mong. Stýrið fyri Hotel Ørkin, Føroyska Sjómansheimið í Reykjavík Jens Péturson 90 ár Rannvá Ragnarsdóttir er sett í starv sum stjóri fyri Brúkaraumboðið. Rannvá er løgfrøðingur og hevur eftirútbúgving sum dómarafulltrúi og mediator. TØKK Jens Péturson situr fremst til høgru á myndini. Myndin er frá fundi í stýrinum. Prógv 29. juni 2012 hava Anja Petersen og Amanda Lamhauge Hansen lokið prógv sum farmakonomar á Tjaldurs Apoteki. Útbúgvingin er tikin lutvíst á Tjaldurs Apoteki og á Pharmakon (Hillerød, Danmark). Prógv 21. juni fekk Pætur Mikal Holm, Tvøroyri, prógv sum Bachelor í fysioterapi við UC Syd­dan­mark, Esbjerg. Prógv Í juni mánað fekk Emil Jespersen Tvør­oyri prógv sum skipsførari á Marstal naviga­tións­skúla.