fríggjadagur 20. juli 2012síða 20

Fríggjadagur 20. juli 2012 · Nr. 83 20 Sosialurin Hugskot og viðmerkingar – send sms til 225000 Ítróttur Pætur Albinus Alt meðan føroyskir súkklu­fjepp­ arar saman við restini av heiminum fylgja við Brad­ley Wiggins, Cadel Evans og øllum hinum í Tour de France, sleppa teir nú at uppliva súkklingina heilt tætt við Torkili Veyhe, Gud­mundi Joensen og hin­ um í Effo Kring Før­oy­ar. Føroya størsta súkklukapping fer nevniliga av bakkastokki í dag og heldur fram alt vikuskiftið. Skipanin nakað broytt Skipanin er nakað hin sama sum hini árini, men tó eru smá­vegis broytingar gjørdar. Roynt hevur altíð verið at koyra á so nógvum oyggjum sum tilber. Í ár er einki undan­tak, men ístaðin fyri at koyra fimm etpaur í fimm dag­ar, verður í ár koyrt fýra etap­ur uppá tríggjar dagar. Eitt vikuskifti á tamb. Hart, men eins fyri allar. Tann súkkla­ri, ið er best fyri, og hev­ur frískast bein, tá aftur verð­ur farið uppá hjólhestin, tá stóra takið skal takast, tá enda­spurt­urin skal traðkast verð­ur vinnari av ársins kapp­ing funnin. Í ár verður byrjað í Vágu­num, nevniliga í Sør­vági. Hetta verður fríggja­dag­in 20. juli. Byrjað verð­ur við Effostøðina í Sør­vági. Kappingin endar sun­nu­dagin 22. juli, og fina­l­ an verður aftur í ár í Gunda­dali, har Effostøðin í Gundadali verður karmur stóra endaspurtin. Suðuroyggin upp og niður Vanliga byrjar ein slík kapp­ing við fleiri teinum við einum prologi, einum stutt­um einkultstarti. Ong­ in pro­logu­r verður í ár, men byrj­ að verð­ur við landa-veg­koyring, og gongur leiðin úr Sørvági, gjøgnum undirsjóartunnilin, norð­ ur gjøgnum Sundalagið, yvir um brúnna við Streym­in, gjøgnum tunnilin, út gjøg­num Skálafjørðin, til Runa­vík, har vent verður um rundkoyringina uttan fyri gamla Sjómansheimið. Leið­in gongur síðan mál, og tað er við Effostøðina í Saltangará. Teinurin er góðar 80 km lang­ur. Leygardagin skulu súkkl­ar­ar stríðast niðan úr Øra­vík, niðan úr Fámjin, um Hovs­egg o.s.fr. Leiðin gongur av Tvør­oyri til Fámjin, har vent verður á keiini. Leiðin gong­ ur síðan um Hovsegg, til Pork­eris, gjøgnum Vág og víð­ari til Lopra. Vent verður í Lopra, og leiðing gongur síðan aftur á mál, ið er við Effo­støðina í Vági. Teinurin er umleið 60 km. Ein stríggin sunnudagur Sunnudagin eru tvær kapp­ing­ar á skránni. Sunnu­morg­un­in skulu súkkl­ar­ar koyra kapp móti klok­k­ u­ni. Einkult­start­ur er tá á skránni, og er hesin ein­kult­start­ur góðar 17 km lang­ur. Leiðing gongur av Vagli-num í høvuðsstaðnum, út eftir Strond, eftir Ring­veg­num, og út á Norðasta Horn, har vent verður. Síðan verður koyrt somu leið á mál, har kvinn­ur og menn heilt vist gleðast um aftur at síggja stand­myndina av Rasmus Effer­søe. Vaglið er málið. Seinnapartin skulu súkkl­ar­ ar aftur kappast. Hesa ferð í enn einari landa­veg­súkklu­kapp­ing, ella felagsstarti, sum tað eisini verður kallað. Her verður ikki, sum van­ligt er, koyrt frá býi til bý, ella bygd til bygd. Koyrt verður inni í høvuðsstaðnum, og koyrt verður fimm stór um­før og síðan fimm smá, har byrjað verður við Effo­støð­ina, ella Fast handil­in í Gunda­dali. Leiðing gongur fyrst niðan eftir Gunda­dals­vegn­um, eftir Ring­ vegnum, Yviri við Strond, niðan gjøgnum Jónas Broncksgøtu, framvið SMS, og niðan til Effostøðina í Gundadali. Hesin teinur er umleið seks km, og skal koyr­ast fimm ferðir. Síðan skulu fimm smá umfør koyrast. Tá verður koyrt runt um Stadion­økið, tvs. niðan gjøg­num Gundadalsvegin, eftir Ring­vegnum, oman gjøgnum R. C. Effersøesgøtu, og so inn aft­ur á Gundadalsvegin. Hes­in teinur er um 2 km langur og skal sum sagt koyrast fimm ferðir. Teinurin er ikki langur, men harður, og er eisini takt­iskt og tekninsk harður, eftir­sum avgerðin saktans kann fella á strekkinum R. C. Effer­søes­gøtu og um svingið inn á Gundadalsvegin. Torkil Veyhe favorittur Ein av favorittuum at vinna kapp­ ingina í ár er uttan iva Torkil Veyhe, sum hevur havt eitt gott kappingarár higartil. Torkil koyrir í næstbestu deild­ini í Danmark, í B bólki­num, og har vann hann sær her­fyri eitt triðjapláss. Vegna seinu til­meld­ ingarfreistina, so enn er ilt at siga hvør annar kann bjóða Torkil av. Onkur dani verð­ur við, og íslendingar eisi­ni, men ein sum heilt vist fer at bjóða Torkil av er tann altíð so vælkoyrandi Guð­mund­ur Joensen. Báðir eru teir sterkir tá kappast verð­ ur í einkultstarti, og eftir­sum einkultstarturin sunnu­morg­un­in ikki er so langur, so fellur avgerðin nokk ikki í einkultstartinum. Heldur fell­ur avgerðin millum teir báð­ar høvdingarnar í Suður­oyn­ni, og allarhelst verður tað niðan úr Fámjin, at slagið fer at standa. Unglingar, motionistar, kvinnur og menn Í Effo Kring Føroyar 2012 sleppa unglingar og mo­tion­ist­ar eisini at royna seg. Og sum vanligt er koyra tey ein stytt­ri tein. Sunnudagurin verður eins fyri øll, men fríggjadagin, tvs. Vág­ar- og Eysturoyarteinurin verð­ur nakað styttri. Tá byrja unglingar, kvinnur og motionistar í Kollafirði. Byrj­að verður við Kirkjuna í Kolla­firði. Í Suðuroynni skulu ung­ling­ar, kvinnur og motion­ist­ar eisini koyra ein styttri tein. Øll byrja á Tvøroyri, men ístaðin fyri at koyra til Fámjin, gongur leiðin hjá kvinnum, unglingum og motionistum beina leið nið­an á Hovsegg. Síðan gjøg­ num Porkeri, til Vág, til Lopra at venda, og so á mál við Effostøðina í Vági. Umframt at finna vinn­ar­an í ársins Kring Før­oy­ar kapping, skal eisini sterk­as­ta liðið finnast. Kappingin verð­ur aftur í ár ein liðkapping. Fleiri lið hava tilmeldað seg, og spennandi verður eisi­ni at fylgja við hvat lið er sterkasta liðið. Tað skulu í minsta lagi tríggir súkklarar manna eitt lið, og tað er tíðin hjá nummar eitt og tvey, sum telja í hvørjari kapping. albinus@sosialurin.fo Nú byrjar føroyska súkklubrakið Súkkling Frá í dag og restina av vikuskiftunum skulu føroyskir, danskir og íslendskir súkklarar kýta seg til tað allar síðsta fyri at prógva hvør er stinnasti súkklarin í føroysku fjøllunum. Nú byrjar Effo Kring Føroyar!