mikudagur 15. august 2012síða 10

Mikudagur 15. august 2012 · Nr. 94 10 Sosialurin Hugskot og viðmerkingar – send sms til 225000 Roknskapur hjá løgmanni Eirikur Lindenskov Tá P/F KRK-Holding, sum Kaj Leo Johannesen átti saman við Kára Danielsen og Róa Egholm, fór á húsagang 1. mars fjør, var tað við sera stór­um tapi. Sanbært uppgerð, sum Páll Nielsen, advokatur, gjørdi, var ognin góðar 65.000 krón­ ur, meðan fráboðaðu krøv­ ini vóru góðar 21 milliónir krónur. Felagið átti tvey hús í R. C. Effersøsgøtu í Havn, sum eru tinglisin sum ogn hjá BankNordik, sam­ bært upp­lýs­ingum frá Um­ hvørvisstovuni, tann 14. juni 2010. Í brævi, sum bústjórin Páll Nielsen hevur sent Taks 25. mars í 2010, mælir hann til, at húsini verða seld fyri hægsta boð, sum er ávika­ vist 3,5 milliónir krónur og 4,5 milliónir krónur –  ella til­samans átta milliónir krónur. – Sum nú er, so er tinglýsti veðrætturin í hvørjum av hesum ognunum 20 milliónir krónur og skuldin, sum liggur aftan fyri hendan veðrætt er væl oman fyri givnu boðini, sigur Páll Nielsen í bræv­ inum. 7. mars í fjør sendir Páll Nielsen uppgerðina, sum nevnd er omanfyri, til Taks. – Eg viðhefti uppgerð yvir ogn og skuld og skal samstundis upplýsa, at felagið ikki eigur ognir, sum kunnu dekka víðari viðgerð av málinum, og tí verður felagið nú strikað sambært grein 143 í konkurslógini. Sostattt verður neyðugt hjá tykkum at avskriva áogn tykkara sum tap upp á skuldarar, sigur Páll Nielsen, advokatur. Sambært telduposti til Taks frá Páll Nielsen, advo­ kati, dagfestur 21. januar 2010, sigur hann seg hava tosað við BankNordik um veðrættin, sum BankNordik hevur í húsunum hjá KRK-Holding upp á 20.000.000 krónur. – Skuldin aftan fyri henda veðrætt er umleið 21.000.000 krónur, og eftir samrøðu mína við bankan eru vit samd­ir um, at í fríari sølu eru ikki útlit til, at bankin fær dekkað sín veðrætt, og tí tekur bankin undir við, at undir­ritaði sum avtøkustjóri heiti á Føroya Fútarætt um at lýsa ognirnar á almennari upp­boðssølu. Hægsta boð upp á ogn­ irnar var, sambært brævi frá Páll Nielsen til Taks, 8.000.000 krónur, og bankin hev­ur keypt húsini. Soleiðis hevur bankin minkað um tapið við at keypa ognirnar. Restina – góðar 13 milliónir krónur – má bankin avskriva sum tap. Farex ongar pengar Dóttirfelagið hjá P/F KRK- Holding, P/F Farex, fór undir trotabúarviðgerð í oktober í 2008, og varð felagið endaliga likviderað tann 5. mai í 2009. Eins og við móður­felag­ num, so var heldur einki at heinta hjá kravánarum í hes­um felag. Í brævi til Taks skriv­ar Djóni Thomasen, advo­katur, soleiðis: – Tá eingin kreditorur hev­ur verið sinnaður at seta trygd fyri, at búgvið verður tikið undir konkursviðgerð, havi eg boðað skiftirættinum frá, at búgvið kann verða endað uttan víðari. Soleiðis er hetta felag eis­ ini tikið av sambært somu grein 143 í konkurslógini, sum snýr seg um feløg, sum BankNordik misti 13 milliónir upp á KRK-Holding HÚSAGANGUR BankNordik átti 21 milliónir krónur til góðar hjá P/F KRK-Holding, sum fór á húsagang í marsmánaði í fjør. Við at keypa bæðin húsini hjá felagnum avmarkaði bankin tapið til 13 milliónir krónur Eirikur Lindenskov Lesarabrævið á Vága­portal­ inum, har sagt varð, at feløg, sum Kaj Leo Johannesen, løg­maður, og Jørgen Niclasen, eiga ella hava átt, skyld­aðu landinum pengar sum mvg, fekk bein at ganga á, eftir at løgmaður fyrst á Vága­portal­inum 30. mai og so í Sosial­inum 1. juni av­ sannaði páhaldið. Við hesum gjørdi løg­ maður seg sekan í fjala sann­ leikan, tí tað er prógv­að, at fleiri feløg, sum løg­maður varðaði av, hava givið land­ inum tap við ógolgdnum MVG og partafelagsskatti. Gamaní er talan ikki um risa upphæddir, sum so­leiðis gera mun í øllum tap­unum, sum onnur hava fingið av hesum feløgum, har talan er um tvísiffraðar millióna­ upphæddir í tapi. Løgmaður setir spurning við dóm Tað er ikki óvanligt, at parta­feløg fara á heysin. Og tað kunnu vera fleiri orsøkir til, at virki ikki klára at røkja sínar skyldur og tí fara av knór­anum. Tá slík feløg enda í skrifti­rættinum, so verður ein bústjóri settur, sum skal syrgja fyri at fáa yvirlit yvir skyldur og ogn hjá felag­ num, so kravánarar fáa sum frægast burturúr. Av tí at Sosialurin átti góð­ar 100.000 krónur til góð­ar í einum av feløg­unum, sum løgmaður átti í og var nevndar­foramður í, fekk Sosialurin frá Skifti­rætt­ inum innlit í búroknskapin, og her kundu vit staðfesta, at samlaða tapið hjá krav­ án­arum var um 1,5 milliónir krónur. Av hesum var stað­ festa tapið hjá TAKS 200.000 krónur. Henda upphædd kemur fram í búroknskapinum, sum altso ikki er ein meting, men staðfest og góðkent í rætt­inum. Kortini sigur løgmaður á Facebook fríggjadagin: – Tølini eru so lítil, at eg enn ikki havi fingið endaliga staðfest, um tað var nakað millumverandi yvirhøvur. Soleiðis setir løgmaður spurnartekin við búrokn­ skapin, sum er góðkendur í rætt­inum, heldur enn at við­ ganga, at hann duldi sann­ leikan um, at feløg, hann hev­ur varðað av, hava givið land­inum tap. Ikki pengar til bústjóra Sosialurin hevur biðið um innlit í búroknskapirnar fyri hini feløgini, móðir­fel­ agið KRK-Holding, Farex, Kaldbaks Seafood og Trans- Farex Invest. Hjá Skifti­ rætt­inum kundu vit sum kunn­ugt ikki fáa hetta inn­ lit. Løgmaður noktaði at út­flýggja okkum tøl, men frá taks fingu vit umsíðir inn­lit. Men talan er ikki um bú­roknskapir, tí hesi feløg vóru so illa fyri, at pengar vóru ikki til at seta ein bú­ stjóra at gjøgnumganga skjøl­ini. Tað vil við øðrum orðum siga, hóast feløgini – sum løgmaður hevur víst á á Face­book – hava útflutt fyri tvær milliardir, havt 50 fólk í arbeiði, goldið 80 milliónir í farmagjøldum og 50 milliónum í rentum til før­osykar bankar og 10 tals milliónir í MVG, so vóru eingi virði í felagnum, ikki ein gong nakrar túsund krón­ur til ein bústjóra. Tá feløg eru komin so illa fyri, so verða tey vanliga upp­loyst eftir gerin 143 í konkurslógini, sum er um »selskab uden midler«. Tá verða feløgini bara strikað, og eingin kravánari fær so mikið sum eina krónu av tí, hann hevur til góðar. Eingin upp­gerð verður gjørd yvir kredit­orar, og tí er tað eingin myndugleiki, sum veit, hvussu stór tap feløgini í veruleikanum hava givið øðrum. Tann ein­ asti, sum veit tað, er leiðsl­ an í felagnum, í hesum føri Kaj Leo Johannesen, sum nevndar­formaður, og stjór­ ar­nir í feløgunum. Leiðslan hevur altíð ábyrgd Tað er ikki vanligt, at feløg við so stórum virk­semi koma soleiðis á ørmundar­ hús. Tað er sjálvandi leiðslan í felagnum, sum hevur ábyrgdina av at tryggja, at partafelagið hevur ein for­ svarligan rakstur. Og tað er eisini nevndin undir leiðslu av nevndar­formanni, sum leggur rætningslinjurnar, sum stjórnin í felagnum skal fylgja, og tað er nevndin, sum hevur ábyrgdina av, at tøk­ur kapitalur er til taks í mun til rakstur felagsins. Tað er hesa ábyrgd, vit fleiri ferðir hava víst á – yvir fyri løgmanni – at hann hev­ur havt. Kortini blívur hann við at misteinkiliggera tað, vit hava víst á – og sigur seg framvegis ivast í, um feløgini í heila tikið skylda Taks pengar, ella um Taks skyldar likvideraðu feløg­ unum nakað, hóast hetta er staðfest við dómi. Innlitið, sum vit nú hava fingið frá Taks, í viðurskifti í nevndu feløgum, vísir, at tapini hava verið sera stór av hesum húsagangum, og at nógvar milliónir hava verið millum virði og skyldur. eirikur@sosialurin.fo TAKS misti 290.000 krónur