mikudagur 22. august 2012síða 8

Mikudagur 22. august 2012 · Nr. 97 8 Sosialurin Hugskot og viðmerkingar – send sms til 225000 Ein dreymur vorðin veruleiki Fótbóltsskúli Tað má metast sum ein rættilig kollvelting, at Tórshavnar kommunuskúli hetta skúlaárið, ið júst er byrjað, er farið undir ein fótbólts­ skúla. Hugskotseigarin, U17 landsliðsvenjarin, Áki Johansen, trúði ikki, at hetta fór at lata seg gera, men fegnast nú stórliga Leo Poulsen Tað er venjarin hjá U17 lands­ liðnum, Áki Johansen, sum er upprunin nýggja fótbólts­ flokkin, sum nú er ein veru­ leiki í Tórshavnar kommunu­ skúla. – Tað eru royndirnar í altjóða fótbólti nú í nøkur ár sum gera, at eg síggi, at vit ikki flyta okkum nóg skjótt í Føroyum í mun til uttanlands. Í mínum starvi sum U17 lands­liðsvenjari havi eg vitjað nógv feløg uttanlands og har fingið hugskotið til ein fótbóltsskúla, sigur Áki Johan­sen. Hann hevu altíð hildið, at hetta var ein gongd leið, og hevur bjóðað skúlunum í Føroyum at taka av hesi av­ bjóðingini. – Eg hevði ikki roknað við, at nakar fór at taka við av­ bjóðingini, men kom so at tosa við skúlastjóran í Kom­ munuskúlanum. Hann tók meg upp á orðið og fekk stáplað ein fótbóltsflokk upp á beini eftir ongari tíð, so at siga, sigur Áki Johansen. Nú er tað so veruleiki, at ein veruligur fótbóltsskúli er settur á stovn, ein flokkur, sum hevur fótbólt á tíma­ talvuni. – Dreingirnir koma úr so at siga øllum landinum, og tað merkir, at summir skulu longu vera á fótum klokkan seks um morgunin fyri at koyra til Havnar. Havnar­ dreingir hava tað so tað lættari. Dagurin byrjar so við trimum vanligum undirvís­ ingartímum, og síðani verður tveir tímar fótbóltsvenjing, áðrenn farið verður aftur til vanliga undirvísing eftir døg­ urða, sigur Áki Johan­sen. Ovfarin Talan er um fyrsta fót­bólts­ skúla nakrantíð í Føroyum, og talan er tí eisini um eina royndarverkætlan. – Dreingirnir eru ikki valdir út sum so. Av tí at talan er um eitt royndarár hava vit latið boðini farið út til venjarar hjá dreingjum í hesum aldursbólkinum, og teir hava so latið boðskapin farið víðari til dreingirnar. So hava eini 24-25 dreingir sent inn umsókn um at verða við, og allir, sum hava søkt, eru slopnir við, sigur Áki Johan­ sen. Tað hevur tí ikki verið talan um nakra úttøku í ár. – Vóru umsóknirnar einar 50, so hevði verið neyðugt at valt út, men soleiðis hevur so ikki veirð hesaferð, sigur Áki Johansen. Hann eigur ikki bara hug­ skotið, men er eisini bein­ leiðis tengdur at verkætl­an­ ini. – Eg havi altíð pástaðið tað, at skúlarnir ikki fóru at megna at fáa slíka verkætlan upp at standa, so tá hon nú er veruleiki, skal tað ikki stranda á við venjarum, so eg havi átikið mær tann leiklut, at venja dreingirnar eina ferð um vikuna, sigur Áki Johan­ sen. Talan er um eina rættiliga spennandi núhugsan í Før­oy­ um. – Eg vóni, at vit til deils fáa betri næmingar, dreingir, sum likamliga eru væl fyri. Eg veit at fleiri av dreingj­ unum hava ambitiónir um at sleppa uttanlands at royna seg, og vit vóna, at hetta fyrireikar teir væl betri til eitt uttanlands ævintýr, sigur Áki Johansen. Frískir Hann heldur, at tað ofta hevur veirð ein trupulleiki, at dreingir, sum royna seg uttanlands, koma heim aftur skaddir. – Vit vóna, at hetta kann fyrireika teir eitt sindur betri til tað, sum stendur fyri fram­man, sigur Áki Johan­ sen. Hetta er júst árgangurin, sum Áki Johansen arbeiðir við sum U17 landsliðs­venj­ari. – Nú er ikki talan um ein úttiknan bólk, men tað eru sjálvandi dreingir, ið brenna fyri fótbólti, sum melda seg til eina slíka verkætlan, so eg rokni heilt vist við, at onkur av teimum verður at síggja á landsliðnum, sigur Áki Johan­sen. Ofta verður havt á máli, at næmingarnir eru troyttir, tá teir koma úr skúlanum út á seinnapartin, og tí kanska ikki hava ta optimalu orkuna, tá fótbóltsvenjing stendur á skránni út á kvøldið. – Tað er heilt vist ein tanki við hesum fótbóltsskúlanum. Her venja dreingirnir klokk­ an 10 um morgunin, og eru tí likamliga væl fyri, og hartiler skipað soleiðis fyri, at dreing­ irnir gera síni skúlating, áðrenn teir fara heim úr skúla, sigur Áki Johansen. Tað merkir, at dreingirnir kunnu slappa av, tá teir koma heim, og soleiðis vera væl fyri, tá teir fara at venja við sínum egna felag um kvøld­ ið. Fegin Talan verður tí um ein fyri­ mun, bæði fyri dreingirnar, men eisini fyri tey feløg, teir leika í. – Skúlin hevur eisini lagt stóran dent á, at dreingirnir skulu luttaka aktivt í tí felag, har teir koma frá, so eg trúgvi heilt vist, at feløgini eisini fáa stóra gleði av tí, sigur Áki Johansen. U17 landsliðsvenjarin gleð­ ir seg ómetaliga nógv at fara í holt við hesa spennandi verkætlanina. – Kenslurnar er ógvuliga stórar. Eg hevði ikki trúð, at tað fór at bera til, so at síggja, at dreingirnir eru úti og venja, er stórt. Eg haldi eisini, at vit skulu fegnast um, at teir hava fingið Jan Dam til venjara, tí hann hevur drúgv­ ar royndir í fyrstaliðs fótbólti í Føroyum og á landsliðnum. Hartil hevur hann arbeitt í menningardeildini hjá FCK í fleiri ár, so dreingirnir hava fingið tann besta venjaran, teir kunnu fáa, sigur Áki Johansen. Skúlin byrjaði í gjár, og sæð verður í spenningi fram ímóti, hvussu árið fer. – Tað er at fegnast um hjá øllum, sum hava áhuga fyri fótbólti, sigur Áki Johansen, U17 landsliðsvenjari og upp­ havsmaður at verkætlanini. Hugskotseigarin til fótbóltsskúlan, sum nú er vorðin veruleiki, Áki Johansen, U17 landsliðsvenjari, fegnast um verkætlanina Mynd: Álvur Haraldsen Leggur nógv fyri Fótbóltsskúli Levi Jøkladal er ein av teimum 25 dreingj­ unum, sum nú gongur í fót­ bólts­flokki­num, og hann kemur allan tann langa veg úr Fuglafirði, fyri at vera við Leo Poulsen – Eg helt, at tað ljóðaði spennandi. Vit hava góð­ ar venjarar og vit fáa út­ búgving samstundis, so tá eg fekk møguleikan at vera við, tók eg av, sigur Levi Jøkladal. Hann heldur, at sjálvt um tað er strævið, so ræður bara um at koma inn í rútmuna, so venist hann við at koyra langa vegin úr Fuglafirði til Havnar. Tað var ikki heilt av tilvild, at fuglfirðingurin fekk frænir av nýggja fótbóltsflokkinum. – Eg var og vandi við U17 landsliðnum, tá venj­ arin segði mær um hend­ an flokkin, so eg fekk ein faldara við, og meldaði meg so til, sigur Levi Jøkladal. Hóast talan er um fyrsta skúladag, teknar tað til at blíva so, sum U17 landsliðsleikarin hevði væntað. – Ja, hetta hevur verið spennandi, og eg gleði meg til at vera við, sigur Levi Jøkladal. Tímatalvan fer at síggja soleiðis út, at van­ lig skúlagongd verður um morgunin, síðani verður vant fyrrapart og so aftur skúlagongd eftir døgurða. – Tað haldi eg er fínasta slag, og vit fáa matpakka aftaná. So tað passar væl til, sigur Levi Jøkladal. Hóast ætlanin er at koyra ímillum hvønn dag, so kemur hann kort­ ini ikki í neyð, skuldi tað onkran dag ikki verið koyrandi. – Eg havi familju, sum eg kann fara til, skuldi tað blivið illveður. Men annars fari eg at koyra ímillum hvønn morgun og hvørt kvøld, sigur Levi Jøkladal, sum gleðir seg til hetta royndar­ árið. Levi Jøkladal er ein av teimum 25 dreingjunum, sum verður partur av spennandi royndarverkætlan við einum fótbóltsflokki