mikudagur 22. august 2012síða 9

9 Mikudagur 22. august 2012 · Nr. 97 Sosialurin Hugskot og viðmerkingar – send sms til 225000 Leo Poulsen Fótbóltsskúlin hevur fingið besta venjaran gjørligt, sigur U17 landsliðsvenjarin, og Jan Dam hevur drúgvar royndir. – Eg havi verið niðri í Danmark nú í nøkur ár, og havi verið so heppin at hava verið við í ungdómsarbeiði hjá Keypmannahavn í ár­ ganginum 1997-98, júst sum hesir dreingirnir eru. So tað hóskar ógvuliga væl saman, at eg kann geva nakað til teir, sum eg havi lært, sigur Jan Dam. Hann sigur, at hann ikki hevur havt nakað við verk­ ætlanina at gera sum so, men hevur fingið starv sum lærari í Kommunuskúlanum, og tann vegin er komin við í verkætlanina. – Eg søkti og fekk starv sum lærari, og tá so Hanus Joensen greiddi frá, at teir arbeiddu við einari verkætlan um ein fótbóltsflokk, og at hann helt, at eg var rætti persónurin at taka mær av tí, passaði tað væl, sigur Jan Dam. Hann er fegin um avbjóð­ ingina. – Tað merkir, at eg fái nakað nýtt at arbeiða við. Eg fái eyka motivering, at fara til arbeiðis, tí eitt av mínum stóru frítíðar ítrivum er fótbóltur, og nú er tað eisini mítt arbeiði, so tað er ógvu­ liga motiverandi, sigur Jan Dam. Vónandi afturvendandi Tað hevur fleiri fyrimunir, at skújlin nú hevur ein fót­ bóltsflokk. – Fyrimunurin er tann, at hugsa vit um at menna spæl­ arar og at gerast betur, so haldi eg hetta er tað rætta, tí at hyggja vit at londunum rundan um okkum er hetta partur av gerandisdegnum, at fótbóltur er á tímatalvuni, sigur Jan Dam Møguleikin verður hjá leikarunum at nema við bólt nógv fleiri ferðir um vikuna. – Og tað er vónandi nakað, sum fer at síggjast aftur upp á longri sikt, sigur Jan Dam. Fleiri at næmingunum koma langvegis frá, og skulu ógvuliga tíðliga upp á morgni, fyri at kunna møta til tíðina í skúlanum í Havn. – Tað sigur alt um áhugan. Hesi dreingir hava gingið í skúla í átta ár og siga nú farvæl við barnavinir fyri at vera við í hesari verkætlanini, tað eru dreingir, ið veruliga vilja fótbólt, sigur Jan Dam. Og hann hevði einki havt ímóti, at hesin fótbóltsskúlin gjørdist eitt afturvendandi tiltak. – Vónandi tað. Vit vilja, sum lærarar og venjarar, gera alt fyri, at hetta er komið fyri at vera. Og eg ivist ikki í, at nógvir dreingir, sum í dag ganga í 8. Flokki hugsa, at hetta er nakað, teir vilja verða við til næsta ár, sigur Jan Dam, venjari hjá fót­ bóltsflokkinum í Tórshavnar kommunuskúla. Royndir frá FCK til dreingirnar FÓTBÓLTSSKÚLI Tað verður ógvuliga passandi Jan Dam, sum kemur at standa fyri dagligu venjingini hjá teimum 25 næmingunum í fótbóltsflokkinum í Tórshavnar kommunuskúla Jan Dam er ein fongur fyri fótbóltsskúlan hjá Tórshavnar kommunuskúla, eru bæði skúlastjórin og U17 landsliðsvenjarin samdir um Mynd: Álvur Haraldsen Hetta er ein gamal tanki FÓTBÓLTSSKÚLI Tað var ein vælnøgdur skúlastjóri, sum í gjáramorgunin var við til at skjóta eina nýggja og spennandi verkætlan um ein fótbóltsflokk í gongd, sum hetta fyrsta árið verður ein royndarverkætlan Leo Poulsen Hanus Joensen, skúlastjóri í Kommunuskúlanum, var skjótur at lofta hugskotinum um ein fótbóltsflokk. ­– Hugskotið kom frá græs­ rótunum innan fótbóltin, og vit hava bara loftað hesum hugskotinnum og sett hetta tilboðið saman soleiðis, at fótbólturin verður í fokus. Fólkaskúlatilboðið eru so annars smb. lógum lands­ins, sigur Hanus Joensen. Fótbóltsparturin av verk­ ætlanini er sera fegin um, at hesin fótbóltsflokkur er fing­ in á beinini, og eisini skúla­ stjórin er positivur. – Jú, eg haldi, at øll kring hetta eru positiv. Fólk eru áhugað og glað fyri, at hetta er komið upp at standa. Hetta er jú ein heilt gamal tanki, sum hevur verið mill­ um fótbóltsáhugað, og vit hava so bara gjørt eitt tilboð burtur úr hesum. Talan er um eitt royndarár, sigur Hanus Joensen. Skúlastjórin vónar, at verkætlanin fer at ganga væl, og hevur heldur ikki orsøk til at vænta annað. – Vit hava verið ógvu­liga heppin at fáa venjarar, ser­ stakliga Jan Dam, sum hevur verið menningarvenjari í FCK nú í nøkur ár. Hann er nýliga heimkomin og er dagførdur í so máta, og síðani hava vit fingið tilsøgn frá venjarum kring landið at hjálpa til við hesi verkætl­an­ ini. Tað gleðir okkum nógv og gevur okkum góðar vónir um, at hetta fer at hepnast, sigur Hanus Joensen. Draga sama veg Tímatalvan er sett saman part­vís út frá egnum tonk­ um, men eisini við at skeita at líknandi flokkum uttan­ lands. – Hesir dreingirnir møta nakað fyrr, um hálvgum átta tíðina, og eru allar dagar í skújla inntil klokkan 15, so tað er strævið hjá teimum, men teir eru ógvuliga hug­ aðir, sigur Hanus Joensen. Fótbólturin er sjálvandi tað, sum dregu hjá dreingj­ unum. – Okkara vón er so, at tað ídni og nærlagni, sum teir hava í fótbóltinum, eisini verður flutt yvir í skúlan. Og tað eru teir námsfrøðiligu tankarnar, vit gleða okkum nógv til, og at hvørt treytar hitt, sigur Hanus Joensen. Hann vónar og væntar, at hesi bæði far at draga sama veg. – Tað vanliga er, at ítrivini hava hug at draga frá skúla­ num. Fótbóltsspælar­ar­nir, sum brúka so nógva tíð til fótbóltin, at vit sum skúla­ fólk halda, at tað er í meira lagi, so tað gerst eitt sindur av einum tvídrátti í tí. Í hesum tilboðnum er tað lagt í eitt, og vónin er, at tað skal menna bæði, sigur Hanus Joensen. Úr øllum landinum Tórshavnar Kommunuskúli er ein skúli í Tórshavnar kom­munu, eins og heitið sigur, men kortini koma næm­ingar úr at kalla øllum Føroyum. – Ja, eg dugi ikki heilt at siga hví tað er. Tað eru tey fótbóltsfólkini, sum standa aftan fyri hetta, sum hava latið tað seyrað út til feløgini og teir venjarar, sum eru í hesi deildini, og soleiðis er hesin hópurin samansettur, sigur Hanus Joensen. Hanus Joensen, skúlastjóri í Kommunuskúlanum, hevur framman undan ein tónleikaflokk, og nú eisini ein fótbóltsflokk