fríggjadagur 24. august 2012síða 8

Fríggjadagur 24. august 2012 · Nr. 98 8 Sosialurin Hugskot og viðmerkingar – send sms til 225000 Nevnd viðger koyripengar POLITIKKUR Ein trýmannanevnd viðger í løtuni, um tað er rímiligt, at landsstýrisfólk fáa upp í 164.000 krónur skattafrítt árliga í koyripengum. – Ætlanin er at fáa eitt kjak í tinginum um hetta til heystar, sigur løgmaður Rólant Waag Dam »Tað hevur verið funnist at lønarviðurskiftunum hjá lands­stýrisfólkunum. Eg haldi, at skipanin skal broyt­ ast. Í løtuni endurskoðar ein óheft nevnd viðurskiftini, og ætlanin er at leggja uppskot til nýggjar reglur fyri løg­ tingið í hesi tingsetuni«. Soleiðis segði løgmaður, Kaj Leo Holm Johannesen, í ólav­ søkurøðu síni ólavsøku­-dag 29. juli. Løgmaður sipaði til, at fjølmiðlarnir – í stóran mun Sosialurin – í januarmánaði í ár varpaði ljós á og fanst at ógvusligu samsýningunum, landsstýrisfólk fáa fyri at flyta seg heimani frá og til arbeiðis. Tey, sum fáa mest, fáa 164.000 skattafríar krónur árliga. Síðani legði Javnaðar­ flokkurin fram uppskot um at avtaka koyripengarnar, ella kostnaðarendurgjaldið, sum tað rópast, til lands­ stýrisfólk og heitti á for­ mansskapin í løgtinginum um at viðgera kostnaðar­ endurgjaldið til løgtings­ lim­irnar eisini. Hetta var av ongum, men á ólavsøku boð­aði løgmaður frá, at kostn­aðarendurgjaldið til lands­stýrisfólk verður endur­ skoðað í løtuni. Men hetta er einki nýtt í tí. Í 2003 varð samtykt, at løg­ maður hvørt valskeið setur eina trýmannanevnd at við­ gera spurningin um sam­ sýning og eftirløn lands­ stýrismanna. Nevndin skal millum annað gera eitt til­ mæli – og sum er liggja tvey tilmæli til løgmann, sum undanfarnar nevndir hava gjørt. Hesi eru gjørd út frá fylgjandi arbeiðssetningi: »Nevndin skal í tilmæli sínum hava atlit at lønar­ lagnum í landinum yvirhøv­ ur, og teirri tign og ábyrgd, sum liggja í størvunum. Nevndin skal eisini, við mun­ inum á lønarlagi í huga, javnmeta við, hvussu sam­ svar­an­di størv verða lønt í granna­londum okkara. Nevnd­in kann herumframt hava atlit at øðrum við­ komandi viðurskiftum«. Broyttar tíðir Kaj Leo Holm Johannesen endurtekur fyri Sosialinum, at tað er kostnaðarendurgjaldið til landsstýrisfólkini, sum nevndin í stóran mun arb­ eiðir við. – Tað hevur verið nógv at hoyra um koyripengarnir til landsstýrisfólk. Sam­ferðslu­ kervið er eisini broytt mun­ andi við tunlum og øðrum, síðani kostnaðarendurgjaldið kom í gildi, og nú endurskoða vit hesa skipanina, sigur løg­ maður. Hann leggur aftrat, at hann ynskir at fáa tilmælið frá nevndini til heystar, soleiðis at tað ber til at taka eitt orðaskifti um hetta tá. rolant@sosialurin.fo Johan Dahl Kostnaðar- endurgjald 163.703,80 Karsten Hansen Kostnaðar- endurgjald 163.703,80 Bjørn Kalsø Kostnaðar- endurgjald 163.703,80 Jákup Mikkelsen Kostnaðar- endurgjald 163.703,80