mánadagur 27. august 2012síða 17

17 Mánadagur 27. august 2012 · Nr. 99 Sosialurin Hugskot og viðmerkingar – send sms til 225000 Ítróttarblaðið steypafinalan kvinnur kom nakað mál, fór KÍ at fáa tað, tí bæði Maria og Rannvá høvdu havt royndir, men Bjarta Johansen í B36- málinum vardi væl fyri. Tá eitt lítið korter var eftir, kom sigursmálið. KÍ fekk hornaspark í vinstru síðu, sum Elsa Maria Simonsen sendi innfyri, har Bjarta fór skeiv av bóltinum og tað síðani bleiv eitt sindur av trunkaspæli inni í B36-brotsteiginum, har tað endaði við, at Sofía Purkhús aftur var á blettinum og fekk prikað bóltin inn til 2-1. Hetta var kanska ikki tað mest eleganta málið, tú ímyndar tær í eini steypafinalu, men tað var fult uppiborið og myndaði gongdina í dystinum, tí øll sótu bara og bíðaðu eftir, at KÍ fór at fáa hol á. Og hóast B36 royndi seg við onkrum smávegis broytingum ímóti endanum, sást við hálvum eyga, at orkan slett ikki var til at hótta KÍ, ið restina av dystinum hevði fult tamarhald á og kundi binda um heilan fingur, so tíggjundi steypasigurin kundi koma til høldar. Tí bleiv tað enn eina ferð Malena Josephsen, ið slapp at taka ímóti steypinum, ið er tað tíggj­unda, og hetta undirstrikar enn eitt framúr kappingarár hjá KÍ-kvinn­ unum, ið eisini fara at taka tólvta meistaraheitið á rað, nú lands­ kapp­ingin hjá kvinnunum endar í næstum. B36, sum ikki rakk á mál hesa ferð, kappast við AB um at gerast næstfremst, so har eru enn av­gerandi dystir eftir at spæla. hilmarjan@sosialurin.fo Spælarin, sum meira enn nakar annar avgjørdi steypafinaluna hjá kvinnunum hesa ferð, var framherjin, Sofía Purkhús, sum fyri tað nógva lá eitt sindur úti í høgru síðu og annars ikki spardi seg, tá teir longu renni­ túr­ar­nir skuldu takast. – Tað er altíð stuttligt at vinna, og vit eru sjálvandi glaðar fyri at fáa steypið, og hesa ferð var tað eitt sindur ótrygt at byrja við. Men tá vit so komu upp á 2-1, gav tað okkum meira orku, segði tvífaldi mál­ skjúttin, ið fegnaðist um, at tað lukkaðist. – Og so var tað eisini fínasta slag at fáa bæði málini. Í fyrra førinum sendi Rannvá innfyri, so eg bara skuldi nerta við hann, og í seinna førinum kom mál­ið eftir trunkaspæl, har tað akkurát eydnaðist hjá mær at fáa bibb­irnar á bóltin, so hann fór inn. – Tað bleiv akkurát, sum eg hevði væntað, bæði spennandi og alt tað. Men eg føldi alla tíðina, at vit kundu vinna hetta, tí vit høvdu so nógvar kjansir, at tað var bara ein spurningur um tíð, segði liðskiparin hjá KÍ, Malena Josephsen. – Vit høvdu stýr á tí, og hóast tær lógu og lúrdu, var eg ikki so bangin fyri, at B36 skuldi koma afturíaftur. Um umstríddu støðuna eitt korter inn í dystin, segði hon soleiðis: – Eg stóð væl fyri og sá tað øgiliga væl. Tað kann gott vera, at hasin bólturin var innanfyri, men eg haldi ikki, at hann var tað. Og tað hevði heldur einki broytt, tí so høvdu vit bara spent okkum enn meira út, segði Malena Josephsen. hilmarjan@sosialurin.fo – Tað er altíð øgiliga keðiligt at tapa eina finalu, men eg haldi, at vit gjørdu tað, sum vit kundu. Vit kunnu vera stoltar av okkum sjálvum, staðfesti liðskiparin hjá B36, Anja Weyhe, tá steypafinalan var av og tað stóð greitt, at tað ikki rakk til sigurs hesa ferð. – Orkan hjá okkum gekk undan ímóti endanum, og tað var nokk fremsta orsøkin til, at vit ikki kláraðu tað. Nú mugu vit so bara royna at vinna tað, sum eftir er av landskappingini. Anja Weyhe ásannaði, at hon ikki sjálv sá støðuna, tá B36 longu eftir eitt korter skuldi fingið mál: – Nei, tað sá eg ikki sjálv, tí eg fari vanliga ikki fram við, tá vit hava hornaspørk. Onnur siga, at bólturin var innanfyri, men vit kunnu ikki brúka tað til so nógv, tí tað bleiv so ikki dømt mál, segði hon. – Tað, sum gjørdi, at vit taptu, var 2-1 málið hjá teimum, tí tað knekkaði okkum. Og yvirhøvur høvdu vit trupult við at skapa nakrar kjansir í seinna hálvleiki. hilmarjan@sosialurin.fo Bleiv sum væntað Gjørdu okkara besta Inn við bibbunum Myndir: Álvur Haraldsen KÍ - B36 2-1 (1-1) 1-0: Sofía Purkhús, 13. 1-1: Unnur Danielsen, 36. 2-1: Sofía Purkhús, 77. Dómari: Elsa Andreasen Linjudómarar: Bent Tommy Linklett & Jan Hermansen KÍ: Randi Wardum – Una Joensen, Malena Josephsen, Ragna Pataway (Bára Skaale Klakstein, 58.), Katrina Akursmørk – Elsa Maria Simonsen, Rannvá B. Andreasen, Sigrid Jacobsen – Sofía Purkhús, Ása Thomsen, Maria Thomsen (Eyðvør Klakstein, 90.) Venjari: Aleksander Djordjevic B36: Bjarta Johansen – Kristianna Balle, Anja Weyhe, Rakul M. Johannesen, Sigrid Petersen – Brynja Høj, Unnur Danielsen, Anna Malena Højgaard, Birita Mortansdóttir (Helena Johannesen, 68.), Margit Magnusdóttir – Vár Næs Venjari: Jacob Thomsen