mánadagur 27. august 2012síða 24

Mánadagur 27. august 2012 · Nr. 99 24 Sosialurin Hugskot og viðmerkingar – send sms til 225000 Kjak Nøvn Næstsíðsta fríggjadag andaðist Rhoda Rubeksen í Havn, 84 ára gomul. Mikudagin varð hon borin úr Havn­ar kirkju, har Ann Dahl Hansen hevði jarðarferðina. Vit endurgeva her úr jarðarferðartaluni hjá presti: »Nú vit eru komin saman at siga Rhodu farvæl, so hyggja vit við takk­ semi aftur á tíðina, hon fekk náði og loyvi at liva, og vit hyggja við vón upp til himmals og biðja Guð um troyst og styr­ki í sorgini. Rhoda Rubeksen, fødd Árting, var bor­in í heim í Havn 15. juni 1928. Hon var dóttir Jóannes og Andreu Árting. Rhoda og tey vóru fýra systkin: Trygvi, Sólrun, Rhoda og Ásvør, um­ framt Harda sum Andrea og Jóannes tóku til sín sum tvey ára gamla. Fyrstu barnaárini búði Rhoda har, sum skipasmiðjan er nú (í Celluni, red.), og seinni flutti hon niðan á Heygs­breyt. Í Rabarbukvarterinum var sum vera man gott at vaksa upp, og har vóru nógv børn og tí altíð lív í. Marius og Rhoda komu at kennast og gjørdust góð sum 16 ára gomul. Tey giftust 1. desembur 1956 og fluttu í nýggj hús á Traðarvegnum sama dag sum tey giftust. Tey bæði vóru sera tøtt knýtt og fylgdust gjøgn­ um lívið í viðgongd og mótgond. Sá man Rhodu, so sá man eisini Marius. Í 2006, sama árið sum tey høvdu kunn­ að hildið gullbrúdleyp doyði Marius, hetta tók Rhoda sera tungt, og hon ken­di tað, sum um hon hevði mist ein part av sær sjálvari. Rhoda og Marius fingu trý børn: Bjarni, sum var fødur í 1959, men sum doyði bara tvey ára gamal. Hetta tók teim­um sum vera man sera dygt, og tey, sum kendu Rhodu, vita at siga, at tað nærum ikki var dagur, uttan hon á ein ella annan hátt tosaði um lítla Bjar­na. Árið eftir fingu tey enn ein son, sum tey eisini kallaðu Bjarni. Í 1968 fingu tey Guðrun. Ommubørnini eru fýra í tali: Robert rebekka, Marius og Sandra, og tey var Rhoda sera góð við. Gestablídnið hevur altíð verið stórt í heiminum, og nógv fólk eru kom­in á gott gjøgnum árini. Serligt vinar­lag hevur síðan ungdómsárini ver­ið við Beggu og John Justinussen. Rhoda setti heim, mann og børn í fyrstu røð. Henni dámdi væl at hug­ na um heimið. Tey sum kendu Rhodu vistu altíð, hvar tey høvdu hana. Hon var ógvuliga bersøgin, og segði altíð sína erligu meining. Har var eing­in slingur í valsinum. Hon var væl inni í samfelagsviðurskiftum, hevði eitt gott minni og dugdi sera væl at greiða frá. Prátingarsom var hon eisini, og dámdi væl at tosa um familju­við­ur­skiftir og ætt, og so var hon loysingarfólk um ein háls og havn­a­rfólk við stóra H. Sum ung arbeidd Rhoda í handl­ inum Tubbak á Áarvegnum. Nøkur ár ar­beiddi hon eisini í Sjúkrakassanum. Tá ið børnini vóru lítil, var hon heima hjá teimum, men seinni fór hon út­aft­ ur at arbeiða, og hon arbeiddi fleiri ár í handlinum Daniella á Áarvegnum. Rhoda hevði altíð stóran áhuga fyri ítrótti og serliga fimleiki. Í 1946 fór hon til Danmarkar á ítróttarskúla, har hon lærdi til fimleikarlærarindu, og hon lærdi eisini dans. Heimafturkomin fór Rhoda í gongd við at hava gentufimleik fyri Havn­ar Fimleikarfelag. Í samband við sølustevnuna í 1952 var Rhoda bið­in um at hava fimleikaframsýning, og hon helt tá, at tað kundi verið stutt­ligt at havt dansiframsýning í staðin fyri fimleikaframsýning. Hon skipaði eitt lið við gentum, sum vóru 16-17 ára gamlar, og hon lærdi tær ymsar gamlar dansir frá 17-18 og 1900'talinum, sum tær so sýndu fram á sølustevnuni. Rhoda hevði altíð ein serligan tokka til gomlu dansirnar, og hon helt, at tað var stórt spell at umstøðurnar ikki vóru betur hjá teimum tilkomnu at dansa. Hon setti sær fyri at gera nak­að við tað. Eitt kvøldið um heystið í 1970 gjør­ di Rhoda ikki mætari enn at ringja til Hotel Føroyar fyri at spyrja, um hon kun­di leiga høli á hotellinum, so hon kun­di skipa fyri undirvísing í dansi. Hon fekk játtandi svar. Rhoda fór at savna gomlu dans­ ir­nar, sum vóru dansaðir í Havn um aldar­skiftið. Hon tosaði við eldri fólk, sum høvdu dansað gomlu dansirnar, mammu sína, Maurentius Viðstein og Rikard Long. So setti hon lýsing í bløðini, at hon fór at hava dansiskeið í goml­um dans­ um hendan veturin. Framman­und­a­n høvdu Rhoda, Marius og Helga Klein savn­að dansitónleik, og Helga hjálpti eisini til við undirspælinum til undir­ vís­ing­ina. Tað vísti seg at vera góð undir­tøka, og nærum 200 fólk høvdu meld­að til. Eitt afturvendandi tiltak hesi árini vóru dansiframsýningarnar á Hálsi, har dansarar sýndu fram. Tey næstu árini hevði Rhoda eisini dansi­frá­læru aðrastaðni í landinum. Helga Klein og Marius vóru henni ein holl­ur stuðul øll hesi árini. 1972 var Dansifrøi stovnað sum bein­leiðis avleggari av dansifrálæruni hjá Rhodu. Tað var stovnað við tí enda­máli at varðveita og nøra um teir gomlu dansirnar. Seinnu árini var heilsan farin at bila, og hon andaðist næstsíðsta fríggja­dag, 17. august, eftir drúgva sjúkra­legu.« Rhodu Rubeksen til minnis Kanningin er sett í gongd av fólka­flokki­ num – Bjarna Djur­holm, tá hann var í Lands­ stýrinum. Løgið var at Skor­ hædd/Eystnes ikki var mett verd at taka við í kanningina, tí Skor­ hædd var longu fyri hálvari øld síðani mett besta pláss í Føroyum til flog­v­øll. Felagið hjá Gilla Trónd gjørdi sær ómak og kannaði fleiri flog­ vall­ar, har um­støðurnar eins og í Føroyum ikki vóru av teimum allar­ bestu. Aftaná hesar kann­ ingar helt Gilli framløgu á Svangaskarði og Hotell Før­oyum um metingar av støðunum, har talan hevði verið at gera flog­ vøll. Metingin av Skor­ hædd var, at einki gjørdi tað ómøguligt at gera flog­vøll har. Hin vegin vóru nógvir fyrimunir. Fjøllini rundan um Skor­hædd eru so mikið langt burtur, at tað ikki bilar. Vindurin er hampu­ liga javnur í mun til hini støðini. Lendið er hampuliga slætt, so arbeiði at gera flog­vøll verður ikki alt ov dýrt. Møguleiki er fyri kross­breyt, har tann stytt­ra kann vera um leið 2.000 metrar long og tann longra dupult so long. Góður møguleiki fyri kross­breyt á Svanga­ skarði er eindømi. Flogvøllurin er mitt í Før­oyum. Flogvøllurin er tætt við bestu havn í Før­ oyum, og tað má ikki undir­metast. Havnalag og flogvøllur stiðja und­ ir hvørt annað – synergi­ effekt. Flogvøllur á Skor­ hædd má metast fram­ ma­laga, tá talan er um alter­na­tivan flogvøll til Vága Floghavn. Tá mjør­ ki er á vesturætt og út­ synn­ingi í Vágum og kanska á Glyvursnesi, er al­oftast klárt á Skor­ hædd. Mjørki kann vera á Skorhædd á eysturætt, men tá er klárt í Vágum. Løgið at somu politik­ arar, sum siga tað vera al­neyðugt við alter­na­ tivum flogvølli, nú siga, at hesin flogvøllur ikki kem­ur í bræði, kanska um góð 40 ár. Frederik Hansen og Otto Krag gingu á Skor­ hædd fyri hálvari øld síða­ni, tí har var besta pláss til flogvøll. Flogvøllurin eigur at tak­ast í álvara og ikki vera politisk kastibløka hálva øld afturat. Flogvalla​ kanningin er løgin og illgrunakend Óli Mikkelsen, lækni