fríggjadagur 31. august 2012síða 40

nr. 101 · 31. august 2012 8 VIKUSKIFTI Um tú hugsar um steypafinaluna, hvat er tað fyrsta, sum kemur tær tykkum hugs? Heðin: Eg haldi vit spæla ein góðan dyst. Hugt í bakspeglið dugi eg ikki at síggja, at vit kundu gjørt nakað sum helst øðrvísi. Vit vóru so fyrireikaðir sum vit einaferð kundu. Eg haldi ikki, at Víkingur gjørdi nakað, sum vit ikki vóru fyrireikaðir uppá. Jógvan Martin: Fantastisk uppliving, rómur av Víkinga­fjepp­arum, havi ongantíð fingið so nógv klemm, fantastiskan góðan uppbakning av Eysturíbúgvum og so spældi mítt lið framúr góðan fótbólt. Eg eri megastoltur av mínum spælarum. Stórt rós eisini til EB/ Streyma liðið fyri eina ógloymandi finalu, tað vóru tvey góð lið, vit sóu leika. Var Víkingur rætti vinnarin? Heðin: Sjálvandi eru teir tað, tá teir vinna finaluna. Vunnu vit, so vóru vit teir røttu. Dysturin var púra opin. Jógvan Martin: Eg haldi, at eg kann siga ja. Serliga nú eg havi sæð dystin umaftur. Hví vann Víkingur finaluna? Heðin: Tað var tí, at vit ikki fingu lukkað dystin. Vit høvdu so øgiliga nógvar matchbóltar gjøgnum dystin. Í sjálvum dystinum høvdu vit tríggjar, og í brotssparkskappingini høvdu vit tveir. So onkursvegna vóru vit bara ikki góðir nokk á degnum. Jógvan Martin: Eg haldi, at vit vóru eina tonn betur fyri á degnum reint mentalt og fysiskt, og eg haldi, at viljin var størri hjá okkum. Haldi eisini, at teir brúktu meira orku enn vit, tí vit høvdu bóltin meira enn teir, og tí vóru teir ikki so skjótir í umstillingum. Hvat halda tit um karmarnar? Heðin: Tað var fantastiskt og tað var ein frægd at vera við til. Eg haldi eisini, at um hetta verður framtíðin, so kann steypakappingin menna seg til nakað ordiliga gott. Jógvan Martin: Teir vóru í topp. Hvussu royndist undirlagið? Heðin: Tað var í lagi. Eg sá allar hinar finalurnar, og tá lógu fleiri við krampa. Tað var eisini tað, sum hendi móti dystarenda hjá okkum og í yvirtíðini, men vøllurin er eitt sindur tungur við tað, at hann er nýggjur og ikki hevur sett seg enn. Jógvan Martin: Góður vøllur, men eitt sindur tungur at spæla á siga spælararnir. Kom nakað óvart á tykkum ella høvdu tit fyrireikað tínar mans rætt? Heðin: Nei. Eg haldi avgjørt, at vit høvdu fyrireikað okkum rætt. Upplegg okkara rakti á allar leikararnar, sum teir brúktu. Tað sama gjørdi seg galdandi fyri teirra útskiftingar, tí har raktu vit eisini rætt. Tað, sum teir gjørdu, vóru vit fullgreiðir um, at teir fóru at gera. So nei, har kom einki óvart á okkum. Jógvan Martin: Eg hevði roknað við, at Arnbjørn Hansen var í byrjunaruppstillingini, men vit høvdu eisini fyrireikað okkum til, at Niels Pauli Danielsen fór at byrja. Eg legði nógva orku í at fyrireika okkum serliga væl til dystin, og okkara heimaarbeiði bleiv gjørt heilt niður í smálutir Víkingur var rætti vinnarin av finaluni um løgmanssteypið. Tað halda bæði Jógvan Martin Olsen og Heðin Askham. Men hvat halda venjararnir báðir annars um finaluna? Hvat hendi, tá EB/Streymur skuldi taka brotsspark? Og hvørjar tankar gjørdi Jógvan Martin Olsen sær hesa løtuna? Víkingur var rætti vinnarin lagt til rættis: Rólant Waag Dam – Tað er einki at ivast í, at útvísingin av Pætur Dam Jacobsen var avgerandi, heldur Heðin Askham, venjari hjá EB/Streymi mynd: Álvur Haraldsen