mánadagur 3. september 2012síða 15

15 Mánadagur 3. september 2012 · Nr. 102 Sosialurin Hugskot og viðmerkingar – send sms til 225000 Ítróttarblaðið effo-deildin 22. umfar Sundalagsmenn sigraðu Eftir steðgin fekk EB/Streymur vind­in við sær. Málið frá Gert og iva­leyst nøkur borgarlig orð frá Heðini Askham høvdu við sær, at menninir við Margáir aftur trúu á egn­um mátt. Tað gekk tó ein løta áðrenn trýstið frá EB/Streymi á HB gjørdist so mikið støðugt, at eitt mál lá í luftini. Sum seinni hálvleikur leið fekk EB/Streymur spælt seg fram til fleiri frálíkar royndir, men áðrenn veruligur vandi var á ferð, hevði HB møguleikan at punktera dystin. Christian Restorff Mouritsen skeyt tó framvið málinum, tá hann gjørd­ ist leysur við René Tórgarð, og so er tað, sum verturin á HB-heimasíðuni sigur: »Vit kláraðu ikki at binda fyri posan, og sum so ofta fyrr við Margáir, so verður man revs­aður«. Hetta var júst tað sum hendi. Egil á Bø kom á vøllin í 78. minutti og EB/Streymur fór at spæla við langum bóltum fram móti Arnbirni, Sorini og innskifta Egili. Rógvi Holm ásannaði á Rás2 eftir dystin, at tað gjørdist ov strævið. – Tað var trupult at skalla bólt­ arnar burtur, tá vit spældu í móti vindinum, og tað gjørdist eyka trupult við tað, at vit stóðu so djúpt, segði miðverjin hjá HB. Í 82. minutti var nærvið og mátti Teitur Gestsson vísa síni evnir, tá Egil stútaði eitt innlegg frá Gert móti málinum. Minuttin eftir var hann prísgivin, tá Levi Hansssen legði innfyri úr vinstru og Egil var hægstur, 2-2! Nakrar minuttir seinni var Egil aftur á rætta staðnum. Hesaferð aftaná at Hans Pauli Samuelsen hevði roynt seg, og málverjin Teitur lat ein retur. Egil var knappur, høgdi til og tryggjaði EB/Streymi sigurin, 3-2! – Hetta er ótrúliga deiligt. Og hetta er tí, at eg hangi í enn, tí eg eri ikki heilt ungur longur. Menn eru ágrýtnir og ganga høgt upp í hetta. Vit hava eitt gott vinarlag í hóp­inum, so her er stuttligt at vera, gjørdi Egil á Bø greitt í 3. hálvleiki á Rás2. Frálíkt undirhald Aftrat málunum bjóðaði dysturin sum heild frálíkt undirhald. Fimm mál, eitt skot á stongina frá Fróða Benjaminsen, ein stútara á tvør­ træið frá Arnbjørn Hansen, frálíkar bjargingar og heilt hampiligt spæl eftir umstøðunum. Hjá EB/Streymi var hugaligt at síggja Egil á Bø á vøllinum aftur – og ikki minni áhugavert at síggja Hans Paula Samuelsen í skapandi leikluti á miðvøllinum, meðan Niels Pauli Danielsen í stóran mun røkti plássið í borðinum, har Hans Pauli annars plagar at virka. Hinvegin er tað minni hugaligt hjá HB at staðfesta, at teir endaligt eru avsettir í oddastríðnum. Vann HB, so var støðan ein heilt onn­ur, men nú er tað júst sum heima­síðu­ vert­urin hjá HB skrivar: »Vit høvdu alt, men fingu einki og tað er tað«. rolant@sosialurin.fo vegnum Hava munin Fimm ferðir í ár hava EB/Streymur og HB dystast. Fyrsti dysturin endaði við javnleiki 2-2 við Margáir. Næsti dysturin endaði við teptrum 0-1 sigri til EB/Streym í Gundadali. Síðani komu málríku semifinalurnar í steypakappingini, sum endaðu 4-1 til EB/Streym og 5-2 til HB, og dysturin í gjár endaði 3-2 til EB/Streym Mynd: Sofus D. Johannesen