týsdagur 23. mars 2004síða 4

6 Nr. 57 - 23. mars 2004 Nr. 57 - 23. mars 2004 7 Borgarstjórin í Bíggjar Sóknar Kommunu heldur, at nú Sørvágs og Bíggjar Sóknar Kommunur verða lagdar saman, er natúrligt, at næsta stigið verður at arbeiða fyri eini samanlegging av øllum kommununum í Vágum KOMMUNU- SAMANLEGGING Edvard Joensen Vágar: Tað natúrliga eigur at vera at arbeitt verður fyri eini stórari felags komm- unu í Vágum, heldur borg- arstjórin í Bíggjar Sóknar Kommunu, Jógvan Páll Joensen. Við einum greiðum meiriluta søgdu borgararnir í Bíggjar Sóknar Kommunu leygardagin ja til at leggja kommununa saman við Sørvágs Kommunu. Á vegleiðandi fókaat- kvøðuni, sum varð hildin í Bø, har fólk úr Bø og Gása- dali høvdu valrætt, vóru 89,6 prosent á vali. Av teimum atkvøddu 39, ella 65 prosent, fyri samanlegg- ing, og 21, sum svara til 35 prosent av teimum, sum greiddu atkvøðu, vóru í móti samanleggin við Sør- vágs Kommunu. Jógvan Páll Joensen, borgarstjóri í Bíggja Sókn- ar Kommunu, fegnast um úrslitið. Hann sigur, at hóast einki ítøkiligt er undirskrivað enn, er alt, sum bendir á, at bygdarráð- ini bæði í Bø og Sørvági, fara at gera av at leggja kommunurnar saman á nýggjárinum. Nýggja kommunan fer at eita Sørvágs Kommuna eftir firðinum, sum allar tríggjar bygdirnar í nýggju kommununi liggja við. Fyribils sáttmáli Arbeitt hevur verið við at leggja kommunurnar sam- an, men endaliga avgerðin er ikki tikin enn. Millum annað hevur verið bíðað eftir, hvat borgararnir hildu um málið. Nú er tað so fingið greitt upp á pláss, sigur Jógvan Páll Joensen, so nú er bara at fara víðari. Hann sær bara fyrimunir við at leggja saman og vísir á, at eitt nú tað praktiska, sum gerast skal í bygdun- um, verður nógv lættari at avgreiða, um talan er um eina stóra kommunu. – Bara slíkt sum at fáa grivið rennur ella lagt kað- al. Okkurt smávegis veg- arbeiði og so framvegis, máttu vit biða fólk til. Tað slepst undan í eini stórari kommunu, sum framman- undan hevur fólk til slíkt, sigur hann. Eisini dagliga umsitingin verður nógv lættari, tí Sør- vágs Kommuna hevur skrivstovu, sum eisini fer at tka sær av málum, sum hava við Bø og Gásadal at gera, vísir Jógvan Páll Joensen á. Slíkar umstøður hevði Bíggjar Sóknar Kommuna ikki, sigur hann. Hann heldur ikki, at fólki í Bø nýtist at óttast fyri, at eitt nú barnaansingin dettur niður ímillum, hóast lagt verður saman við Sørvági. – Tað er nevnt í sáttmál- anum, vit hava gjørt, at barnaansingin heldur fram í Bø. Og nú, kommunuskriv- stovan flytir út av skúlaloft- inum,verður tað so mikið rúmligari í Gamla Skúla, vísir hann á. Skúlabørnini ganga longu sum er í skúla í Sørvági, og tað riggar væl við flutningi ímillum. At skattaprosentið í ver- andi fíggjarári er nakað hægri í Sørvági, enn tað er í Bø, heldur hann heldur ikki vera nakran stóran trupulleika, tí tekin eru til at tað fer at javna seg út, eftir sum skuldin hjá Sør- vágs kommunu verður nið- urgoldin. Ein eind Jógvan Páll Joensen dylur ikki fyri, at hann kundi hugsað sær Vágar sum eina kommunu. Og tað eigur nú at vera næsta stigið, farið verður undir, heldur hann. – Tíðin er farin frá øllum hesum smáu kommunalu eindunum, sigur hann. Skulu vit gera okkum nak- rar tankar um at hava nakra ávirkan á politisku gongd- ina í landinum, eiga vit at taka við uppgávum, sum annars liggja sentralt. Og tað klárar ein lítil kommuna ikki. – Vit stýra ongum polit- iskum málum. Tað einasta, vit í slíkum smáum komm- unum gera, er at taka tekn- iskar avgerðir um byggi- loyvi og rennugrevstur. Og tað er ov lítið. Vit mugu fáa ordiligan politikk inn í kommunala arbeiðið, sigur Jógvan Páll Joensen, borg- arstjóri í Bíggjar Sóknar Kommunu. Verandi støða er eisini viðvirkandi til, at tað út- búna fókið fer aðrastaðni, har størri møguleikar og avbjóðingar eru at fáa, vísir hann á. Jógvan Páll Joensen sig- ur, at hann er fyri at leggja størri uppgávur út til kommunurnar. So fáast fólk eisini at støðast. Fólk, sum kunnu átaka sær at røkja hesar uppgávurnar. Tað fer so aftur at skapa meira lív á økjunum, tí tað vísir seg ofta, at tað eru hesi fólkini við teimum góðu útbúgvingunum, sum hava tey góðu hugskotini, sigur hann. Næsta stig er ein kommuna í Vágum Nú skal tað umsitingarliga í samband við ætlaðu kommunu- samanleggingina avgreiðast, sigur borgarstjórin í Sørvági KOMMUNUSAMANLEGGING Edvard Joensen Vágar: Nú er tað praktiska eftir, áðrenn endaligur sáttmáli kann undirskrivast, segði borgarstjórin í Sørvági, Eivin Jacobsen, eftir fólkaatkvøðuna í Bíggjar Sóknar Kommunu leygardagin. Hann væntar ongar trupulleikar av at fáa samtykt samanleggingina í báðum bygdarráðunum. Fyribils avtala er gjørd, og okkurt smávegis er, sum eftir er at avtala. Men ikki nakað, sum fer at kollrenna ta avtalu, sum fyriliggur, væntar Eivin Jacobsen. Um samanleggin til eina stóra felags kommunu í Vágum sigur Eivin Jacob- sen, at nakað ítøkiligt um tað fyriliggur ikki. Einki slíkt hevur verið viðgjørt í kommunalum samanhangi í Vágum, sigur hann. Men persónliga er hann fúsur at fara undir at kanna teir fyrimunir og vansar, sum kunnu standast av tí. Hann sigur, at tað er greitt, at Sørvágs Bygdarráð fer at viðgera eitt slíkt upp- skot, um tað kemur. Men nú skulu bygd- arráðslimir taka tað eitt sindur róligt enn eina løtu, heldur hann. Tí stutt er til kommunuval, sum verður í heyst, og klókast er helst at bíða til eftir tað valið, og so lata tey, sum tá skulu stýra, taka tær endaligu avgerðirnar, heldur borgar- stjórin í Sørvági. Nú skal tað praktiska avgreiðast Eivin Jacobsen, borgarstjóri í Sørvág Kommunu, var eisini staddur í valhølinum í Bø, tá úrslitið av fókaatkvøðuni varð kunngjørt leygarkvøldið Mynd: Edvard Joensen Tað var stórur áhugi fyri uppteljingini eftir fókaatkvøðuna, sum var í Gamla Skúla í Bø leygardagin Mynd: Edvard Joensen Ein stór kommuna, har allar Vágar eru við, er tað einasta rætta, heldur borgarstórin í Bíggjar Sóknar Kommunu, sum eftirlýsir ordiligum politikki í kommunalum samanhangi Mynd: Edvard Joensen Hóast vártíð er, er meginparturin av upsanum, sum trolararnir fáa, smáur og hevur lítlan prís. - Tí liggja fleiri trolarar í bestu vártíð nú á hvítum fiski, sigur Ragnar Olsen FISKIVINNA Vilmund Jacobsen vilmund@sosialurin.fo Á landingarmiðstøðini hjá Beta í Saltangará vænta tey, at í minsta lagi fimm skip koma inn at landa hesa vikuna. Tann fyrsti verður helst Vesturland, sum roynir við gørnum. Seinni í vikuni koma so eisini Stelkur og Bakur og Trastur og Skarv- ur. Ragnar Olsen sigur, at tað er ikki óhugsandi, at onnur skip eisini verða landaði á Beta, sum vikan líður. Í síðstu viku landaði Beta eisini nøkur skip, og mill- um hesi var Váðasteinur, sum er á hesi myndini. Smáur upsi Ragnar sigur annars, at lítið er at fáa av stórum og góðum upsa, sum hevur ein hampiligan prís. – Ein 50-75% av veiðini hjá skipunum er upsi 4, sum liggur rundan um tríggjar krónur fyri kilo. Hann sigur, at einar 4-5 krónur fáast fyri kilo av upsa 1, men tað er so for- svinnandi lítið av hesum fiski uppí í veiðini. – Eg veit ikki, um vit yvirhøvur kunnu tosa um prosentir av upsa 1, tá ið 50-75% av veiðini er upsi 4. Hvítur fiskur Ragnar sigur, at nógvir trolarar royna eftir hvítum fiski, tí upsafiskiskapurin gevur so lítið. Heldur ikki, nú vártíð er, og fiskurin gýtir, er nakar bati at tosa um í støddini á upsa. – Skipini royna at fáa fatur á tí frægara upsanum, sum hevur betri prís, men sum skilst, er lítið av hesum fiskinum uppi í veiðini. Tí liggja fleiri trolarar og fiska hvítan fisk, nú vártíð er, sigur Ragnar Olsen. Fleiri landingar á Beta hesa vikuna Línubáturin, Váðasteinur, landaði á Beta í síðstu viku, tá ið hendan myndin varð tikin. Hesa vikuna vænta tey á landingarmiðstøðini í minsta lagi 5 skip, harav Vesturland ætlandi landar í dag Mynd: Vilmund Jacobsen Ein togendi bjargaði bilinum úti á pierin- um í Saltangará, tá ið førarin av óvart kom at traðka á speedaran heldur enn bremsuna. Bæði framhjólini fóru út av bryggjukant- inum FERÐSLA Vilmund Jacobsen vilmund@sosialurin.fo Mánakvøldið í síðstu viku kundi enn ein álvarslig van- lukka verið hend á havna- lagnum í Saltangará. Hend- ingin fór fram úti á pierin- um, tá ið ein bilur við trim- um ungum kvinnum mundi farið á sjógv millum tvey skip. Annað skipið var sandbáturin hjá Niclasi Højgaard. 18, 17 og 17 Førarin á bilinum, Maria í Grund, sum er 18 ára gom- ul, fekk koyrikortið fyrst í hesum árinum. Við síðuna av henni sat 17 ára gamla systirin, Marna. Aftanfyri í bilinum, sum bert hevur tvær hurðar, sat 17 ára gamla vinkona teirra, Jonna. Allar búgva tær í Søldar- firði. Hendingin fór fram, tá ið Maria av óvart kom at traðka á speedaran heldur enn bremsuna. Bæði fram- hjólini á bilinum fóru út um bryggjukantin, sum tískil hekk á »búkinum«. So heppið var tað, at annað hjólið kom at hvíla á end- anum hjá sandbátinum, og pápi Mariu og Marnu, Sámal Petur í Grund, sigur, at soleiðis, sum hann hevur skilt álvarsligu støðuna, var endin avgerandi fyri, at bil- urin ikki fór í havið. Mamma Jonny, Sigrid Gaardbo, sigur, at dóttirin ringdi beint eftir hending- ina og segði, hvat var hent. – Seinni hava vit hugsað um, hvat kundi verið hent, og tað er ein óhugnaligur tanki, sigur hon. Álvarslig støða Sigrid sigur, at genturnar vóru ræddar, men samstun- dis høvdu tær – ungdómin- um so líkt – hug at smírast at, hvussu gekst at koma út úr bilinum, meðan hann enn hekk hálvur út av bryggjuni. Hon sigur eftir dóttrini, at allar tríggjar genturnar noyddust at grulva úr bil- inum. Sosialurin hevur skilt, at støðan tóktist so álvarslig, at genturnar tordu illa at røra seg í bilinum, til hjálp var komin á staðið. Ein maður var á bryggj- uni, og skjótt komu fólk, sum vóru umborð á skipun- um, eisini til hjálpar. Tað eydnaðist í øllum góðum at fáa tær tríggjar genturnar út úr bilinum og uppá bryggjuna í tryggleik- an. Sámal Petur sigur, at Maria, sum siglir við Næra- bergi, hevur koyrt stutt og bilurin, genturnar koyrdu í, hevur automatisk gear. – Vit kunnu bara vera fegin um, at alt endaði væl, sigur pápin at teimum tveimum gentunum. Ein hending Hendingin næst síðsta mánakvøld er eitt prógv um, hvat kann henda, tá ið illa vil til. Tíbetur hendi eingin vanlukka, men tað kundi verið so skjótt, tá ið bilurin var so nær við at koppa út at og í bláan sjógv. Seinastu mánaðirnar eru fleiri bilar endaðir á sjón- um, og fólk standa spyrj- andi, hví slíkt hendir. Í Havn eru tveir bilar farnir á sjógv. Í øðrum førinum doyði ein maður, og á oljubryggjuni í Saltangará fór ein bilur út av við faðiri og soni, har sonurin læt lív. Hendingin, sum rakti tær tríggjar genturnar, Mariu, Marnu og Jonnu, var eitt hendiligt óhapp, sum tíbet- ur ikki førdi til eina álvars- liga vanlukku. Men tað var um reppið. Tríggjar ungar gentur mundu endað á blámanum Tað var her úti á pierinum, at ein bilur við trimum ungum gentum mundi farið í havið. Bæði framhjólini fóru út um bryggjukantin, men ein endi á sandbátinum, sum lá við bryggjuna, gjørdi, at bilurin ikki koppaði út av og fór í bláan sjógv Mynd: Vilmund Jacobsen C M Y K 7 6