fríggjadagur 7. september 2012síða 26

Fríggjadagur 7. september 2012 · Nr. 104 26 Sosialurin Hugskot og viðmerkingar – send sms til 225000 Ítróttur A-landsliðið upptakt Hilmar Jan Hansen – Hannover Bogi Løkin, ið hevur 18 A-lands­ dystir á baki fyri Føroyar, noyddist at geva avboð til dystin í Týsklandi, tí hann meiddi sær knæið so illa í dystinum ímóti TB um vikuskiftið, at hann neyvan spælir meira fótbólt í ár. Eitt sindur av spenningi var í um, hvør mundi fara at fáa plássið hjá Boga, sum nú brádliga var tøkt. Tann hepni gjørdist 21 ára gamli Kaj Leo í Bartalsstovu, ið seinnu árini hevur bitið seg fastan á liðið hjá Víkingi, umframt at tað er blivið til seks U21-landsdystir, harav 1-1 javnleikurin ímóti Danmark er tann síðsti. Nú snýr tað seg um A-landsliðið, og hetta er tí ein heilt nýggj uppgáva. – Eg eri øgiliga spentur og takk­ samur fyri, at eg slapp við. Eg visti, at Bogi Løkin var skaddur og ikki kundi vera við, so eg royndi at gera mítt besta undir venjing, so eg fekk víst, at eg kundi koma við. Hetta er sjálvandi øgiliga keð­iligt fyri Boga, men nú eg eri her, má eg bara royna at gera mítt besta fyri meg og landsliðið, sigur Kaj Leo, sum saman við trimum øðr­um U21-lands­liðs­ spælarum hevur verið við til venj­ ingarnar hjá A-lands­lið­num. – Tað hevur givið okkum nógv, haldi eg, tí vit eru slopnir at síggja og royna, hvussu tað er at vera við A-landsliðnum. Nú er hetta fyrstu ferð fyri meg, men tað er heilt klárt, at tað hjálpir at koma inn nakrar dagar áðrenn. Sjálvur sigur hann seg ikki minn­ ast so nógv til dystin í 2002, tí tá var hann bara 11 ára gamal, men hann minnist skotið á stongina og at føroyingar spældu ein branddyst, hóast hann ikki hevur sæð dystin umaftur síðani tá. Hinvegin ásann­ ar hann, at hesa ferð er talan um aðra avbjóðing. – Um eg hevði komið inn, so hevði eg verið øgiliga glaður, og um eg ikki komi inn, men vit fáa eitt gott úrslit, so eri eg akkurát líka glaður. Hetta er fyrstu ferð, eg eri við, so eg skal ikki krevja nakað, men bara vit fáa eitt gott úrslit, so er tað nóg mikið fyri meg, sigur Kaj Leo í Bartalsstovu. hilmarjan@sosialurin.fo Fekk ytsta sessin Fótbóltur Tá tað gjørdist greitt, at Bogi Løkin var so mikið skaddur, at hann ikki kundi koma við A-landsliðnum til Týsklands, fekk Kaj Leo í Bartalsstovu kjansin Ungi Bartalsstovumaðurin úr Syðrugøtu, Kaj Leo, gleðir seg til dystin í kvøld, og um hann ikki fær møguleikan, so gera tað ikki so nógv, um bara úrslitið verður gott Mynd: Hilmar Jan Hilmar Jan Hansen – Hannover Sjey minuttir vóru eftir av dystinum í Hannover mikukvøldið 16. oktober í 2002, tá Jákup Mikkelsen sendi bóltin langt fram á vøllin, har John Petersen fekk forlongt eitt sindur, og so setti Hjalgrím Elttør ferð á. Tann tá 19 ára gamli klaksvíkingurin hevði munin á Jens Jeremias, og tá so heimsins besti málverji, Oliver Kahn kom út ímóti, lyfti Hjalgrím bóltin fram við Kahn – men ólukkutíð á uttaru síðu á stongini. – Hatta er sjálvandi ein løta, sum eg altíð fari at minnast. Eg var ungur og akkurát komin inn í lands­liðs­hitan, so sjálvandi var tað stórt at vera so nær við at tryggja Føroyum annað stigið. Men tað var nú spell, at tað ikki eydnaðist, tí hesin kjansurin hevur verið iva­ leysa nógv umrøddur síðani tá, sig­ ur Hjalgrím Elttør. – Fái eg møguleikan aftur hesa ferð, so vóni eg, at eg fái ein líknandi málkjans, so eg kann gera tað gott aftur. Tað vísir seg, at tá nógv hoyra um Hjalgrím Elttør, so hugsa tey fyrst og fremst um henda kjansin fyri 10 árum síðani og seta meg í samband við hann. Og sum eg skilji, eru tað øgiliga nógv, ið hava ilt av, at hasin bólturin ikki fór inn, so eg vóni, at eg kann gera tað gott aftur. Men eg havi við árunum lært meg at liva við hesum og at minnast tað sum eina positiva uppliving. Spøkir aftur nú Men Hjalgrím viðgongur sam­ stundis, at tað mangan hevur verið »droytt« at skula hoyra aftur og aftur um hasa ferðina, tá bólturin rakti stongina og ikki fór inn, heldur enn at hoyra um okkurt av teimum mongu málunum, hann altso hevur skotið millum ár og dag. – Serliga tey fyrstu árini hoyrdi eg nógv fyri hatta, til tað so aftur líkasum legði seg stilt aftur og eg ikki so ofta bleiv mintur á tað. Men nú vit aftur komu í bólk saman við Týsklandi, so spøkir hasin kjans­ urin aftur nú, sigur Hjalgrím, ið eisini sjálvur meira enn eina ferð hevur undrast á, hvat kundi komið burturúr, um hasin bólturin fór inn. – Fótbóltur er jú soleiðis, at um eg skoraði handa dagin, so er ikki til at siga, hvussu mín fótbóltskarriera hevði sæð út. Og tað fáa vit heldur ongantíð at vita, men eg kann tann dag í dag bara siga, at eg royndi at gera tað rætta, men tíverri fór bólt­ urin bara á stongina og ikki inn. Nú hann aftur er við í Hannover, tí Føroyar skulu spæla ímóti Týsk­ landi, ásannar hann, at týska liðið helst er sterkari nú, enn tað var tá. – Seinnu árini hevur týska lands­ liðið ment seg nógv og spælir betur fótbólt, so tað verður ikki lættari hjá okkum at fáa eitt gott úrslit. Eg vil siga tað soleiðis, at fáa vit sama úrslit sum síðst, so er tað gott, og megna vit so at fáa ein javnleik, er tað ein sensatión, sigur Hjalgrím Elttør. hilmarjan@sosialurin.fo Hjalgrím Elttør stendur við stongina, sum fyri 10 árum síðani bendi bóltinum burtur frá málinum, tá tann tá 19 ára gamli klaksvíkingurin annars hevði gjørt alt rætt og fingið bóltin fram við heimsins besta málmanni, Oliver Kahn… Mynd: Hilmar Jan Hansen Hevur hoyrt fyri tað Fótbóltur Líka síðani minniliga kvøldið í Hannover fyri skjótt 10 árum síðani, hevur Hjalgrím Elttør hoyrt fyri stóra kjansin, hann fekk ímóti endanum til at javna til 2-2