mánadagur 10. september 2012síða 13

13 Mánadagur 10. september 2012 · Nr. 105 Sosialurin Hugskot og viðmerkingar – send sms til 225000 Ítróttarblaðið A-landsliðið týskland - føroyar 3-0 Hilmar Jan Hansen – Hannover – Tað var ótrúliga gott at koma væl í gongd. Eg fekk eina góða bjarging beinanvegin, og tað hjálpti til, so eg føldi, at eg var ordiliga væl við, segði hann eftir dystin, har hann millum annað diskaði upp við einari heilt stórari bjarging og fleiri aftrat, ið ikki stóðu langt aftan­ fyri. Føroyski landsliðsmálverjin segði, at teir undan dystinum høvdu tosað um, at týskararnir óivað fóru at leypa á beinan­ vegin. – Tað gjørdu teir ikki bara frá byrjan, men allan dyst­in. Tað var imponerandi, at teir bara kundu blíva við og við, sigur Gunnar, sum var væl nøgd­ur, nú hetta var hansara fyrsti heili dystur í hálvtannað ár: – Eg veit, at fleiri feløg hyggja at einum dysti sum hes­um, so hjá mær ráddi bara um at gera tað gott, og eg haldi eisini, at avrikið var í lagi. Eg royni jú at finna mær eitt nýtt felag, so vónandi hevur onkur lagt merki til mín. Fekk rós frá Boateng Eftir dystin helt fyrrverandi lið­felagin frá Manchester City, Jerome Boateng, beina kós yvir til Gunnar, so teir fingu heilsa upp á hvønnannan, og tað end­ aði eisini við, at teir skiftu um troyggju. – Gunnar spældi øgiliga væl og hevði onkrar heimsklassa bjargingar, so hann fekk hildið Føroyum inni í dystinum, sigur Boateng, sum síðani hevur skift ensku Premier League út við týsku Bundesliguna, tí hann spælir nú í Bayern München. – Hetta er ein torførur dyst­ ur hjá Føroyum, tí vit eru eitt sterkt lið, men spælararnir hjá tykkum arbeiddu øgiliga væl. Eg havi ikki sjálvur vant so nógv saman við Gunnari, tí hann var so nógv skaddur ta tíð­ina, tá vit báðir vóru í City, men nú sá eg so, hvussu góður hann í veruleikanum er. hilmarjan@sosialurin.fo Hilmar Jan Hansen – Hannover Tá tjúgu minuttir vóru farnir av seinna hálvleiki, kom Hjalgrím Elttør á vøllin, eins og hann gjørdi tað 10 ár frammanundan. Men hó­ ast hann hesa ferð fekk nakrar min­ uttir fleiri enn síðst, kom ongantíð nakar líka stórur kjansur aftur hesa ferð. – Tá eg fekk at vita, at eg ikki skuldi byrja inni, so vónaði eg, at eg kundi koma inn seinni í dystinum, og tað kom eg so. Men tá vóru vit longu aftanfyri 2-0, so eg royndi ikki at hugsa so nógv um tað akk­ urát ta løtuna, sigur Hjalgrím, ið kom inn fyri Símun Samuelsen og bleiv framrættaður miðvallari, með­an Christian Lamhauge Holst fór út í vinstru síðu. – Her ráddi bara um at arbeiða hart inni á miðvøllinum, tí teir vóru øgiliga bólttryggir, so vit runnu fyri tað nógva aftaná. Tað var øgiliga trupult hjá okkum at koma fram eftir vøllinum, tí teir eru so tekniskt góðir spælarar. Ta einu ferðina var um reppið, at 29 ára gamli klaksvíkingurin slapp at uppliva eitt »dejavu«, men einki spurdist burturúr allíkavæl, tá hann rann seg í góða støðu úti í vinstru síðu, men uttan at avgerandi send­ ingin nakrantíð kom. – Eg vónaði sjálvandi, at okkurt skuldi spyrjast burturúr, men tað bleiv tíverri ikki til nakað skot á stongina og inn, sigur Hjalgrím, ið ann­ars ikki var nøgdur við, at fyrsti dyst­urin í hesi undankappingini skuldi enda við einum 3-0 tapi. – Eingin er nøgdur við at tapa, og av tí at okkurt av málunum bleiv í so bíligt, vildi eg heldur verið nøgdur, um vit taptu minni. Men vit kunnu allíkavæl vera nøgdir við innsatsin í hesum dystinum, sum var á útivølli ímóti kanska klárt besta liðinum í bólkinum. hilmarjan@sosialurin.fo Hilmar Jan Hansen – Hannover Tann av útispælarunum á føroyska liðnum, sum fríggjakvøldið mundi standa sterkastur í myndini, var uttan iva Oddmar Færø, sum spældi ein branddyst í miðverjuni. Men sjálvur hevur hann ikki so góðan hug at tosa um tað: – Eg haldi, at Gunnar var heilt framúr og hevði nakrar heimsklassa bjargingar. Vit vóru sum so undir trýsti allan dystin, og 3-0 er so tað. At tað ikki blivu fleiri mál, var ikki so heilt galið, helt Odmar eftir dystin. – Teir eru tekniskt so heilt ótrúliga væl fyri, at hvør einasta sending liggur, har sum hon skal, og teir gera bara alt rætt. Vit máttu bara royna at fylgja við og vita, um vit kundu fáa gjørt sum mest rætt. Miðverjin heldur, at í álopspartinum var ikki nógv hjá Føroyum at gera, tí spælararnir vóru noyddir at renna so nógv aftan á týskarunum, at tá tað kanska kundu komið onkrir møguleikar burturúr, var eingin orka til at taka av, hóast plássið var til tað. – Vit høvdu allir avtalað, at vit skuldu geva okkum 100 prosent og einki lata liggja eftir, og tað haldi eg, at vit eisini gjørdu, segði Odmar Færø. hilmarjan@sosialurin.fo Teir koyrdu runt við okkum Gunnar Nielsen skiftir um troyggju við fyrrverandi liðfelaga sín, Jérôme Boateng, eftir dystin Mynd: Hilmar Jan Hansen Gunnar rós frá Boateng Fótbóltur Gunnar Nielsen, sum fekk kjansin í føroyska málinum, tók av, og hann má nú av álvara sigast at vera komin fyri seg, eftir at hava verið skaddur í hálvtannað ár Hjalgrím Elttør roynir at fylgja bóltinum, so tað ikki skal eydnast týska liðformanninum, Philipp Lahm, at snýta seg Mynd: Hilmar Jan Hansen 10 ár seinni… Fótbóltur Hjalgrím Elttør kom ta einu ferðina fríggjakvøldið í eina rættiliga fría støðu, men av tí at hann ongantíð fekk bóltin, spurdist einki »dejavu« burturúr í Hannover