mánadagur 10. september 2012síða 16

Mánadagur 10. september 2012 · Nr. 105 16 Sosialurin Hugskot og viðmerkingar – send sms til 225000 Ítróttarblaðið A-landsliðið týskland - føroyar 3-0 Tróndur Arge – Hannover 1 Gunnar Nielsen ★★★★★★ Gunnar Nielsen er aftur. Tað fingu vit staðfest í Hannover. Longu tíð­ liga í dystinum ger hann eina bjarg­ ing í heimsflokki. Í fyrra hálv­leiki mundi hann lena seg upp ímóti seks stjørnum. Orsøkin til at hann fær fimm er, at útspørkini og mál­ spørkini ikki vóru so neyv, sum tey kunnu verða. Umframt, at hann ikki fekk nevan á einar tvær ferðir tá hann kom út í samband við innlegg og hornaspørk. Dagsins leikari sam­ an við øðrum miðverjanum. 2 Jónas Tór Næs ★★★★★★ Spældi ein góðan dyst í sera truplum umstøðum. Hann stóð yvirfyri nøkrum av heimsins bestu vong leik­araum. Lága tyngdarpunktið og knappuvendingarnar gjørdu, at hann fleiri ferðir megnaði at verja væl fyri, tá aðrir ikki megnaðu tað sama. 4 Rógvi Baldvinsson ★★★★★★ Fekk gult kort longu tíðliga í dystinum og trupulleikar vóru í samskiftinum millum hann og teir á miðvøllinum í fyrra hálvleiki. Hevði onkrar minni hepnar avleveringar, men kom annars góðkent frá dystunum. 5 Odmar Færø ★★★★★★ Spældi ein branddyst í miðverjuni og átti fleiri ferðir avgerandi fótin ella høvdið á, tá týskararnir blivu steðgaðir. Nógvu tímarnir í Yndi síggjast aftur og Mesut Ozil hevði ongan annan møguleika enn at býta um troyggju við múrin í verjuni. Teir vóru bestu menn á vøllinum fyri hvør sítt lið. Tað var lítið og einki, sum skilti hann frá Gunnari til at verða dagsinsleikari. 3 Pól Jóhannus Justinussen ★★★★★★ Kom ikki til sín rætt, sum í onkrum av hinum landsdystinum. Slapp sjáld­an at brúka sína rástyrkju í verj­uni, tí tað vóru kviku týskarnir ov skjótir til. Datt heldur ikki niður í millum, men eitt nú málspørkini sóu ikki út til at verða sparkaði eftir honum og har hevði hann kunna gjørt munin. 7 Fróði Benjaminsen ★★★★★★ Hevði ein av sínum slakastu dyst­ inum í nýggjari tíð, men mótstøðan gjørdi tað eisini óhugnaliga torført at gera nakað. Fróði hevur mangan verði drúgvur á miðvøllinum og vunn­ið nógvar bóltar, men týski spælistílurin gjørdi tað torført hjá honum at gera nakað. Royndi at stýra og tosa við eitt nú verjuna. 8 Hallur Hansson ★★★★★★ Ongin ivi er um evnini hjá mið­vall­ ar­anum, sum nú fer til AaB í bestu donsku deildini at royna seg, men í Hannover riggaði ikki alt. Hann hevði ein góða møguelika tíðliga í dystinum, men sum dysturin gekk, so var týska mótstøðan ov sterk fyri unga miðvallarin. Misti bóltin í ótrýstari støðu til 3-0 málið, og sum heild gekk illa at fáa flutt bóltin til ein av viðleikarunum. Hann er eina risa roynd ríkari og kemur heilt víst at verða ein lyklaleikari á lands­lið­ num við tíðini, men fær bara 2 av seks stjørnum hesaferð. 10 Christian L. Holst ★★★★★★ Var triðjbesti maðurin hjá okkum. Bóltførleikin og evni til at taka rættar avgerðir komu til sjóndar á AWD leikvøllinum fríggjakvøldið. Arbeiðssamur, men tóktist sera troyttur móti endanum. Hevði eina skotroynd, har hann kundi havt bíða í tvey sekund og so vóru vit í eini betri støðu við fleiri spæli­møguleikum. Tryggjaði eisini Phillip Lahm eitt gult kort við góð­ ari dribbling í fyrra hálvleiki. 9 Símun Samuelsen ★★★★★★ Ferðin ger, at Símun altíð er eitt vandamikið vápn hjá okkum. Í fyrra hálvleiki var hann um reppið at gerast leysur móti málinum tvær ferðir, men avleveringar komu antin ikki fram ella lógu ikki heilt neyvt. Bóltførleikin, styrkin og orkan er ikki tann sama, sum tá hann spældi í Íslandi. Kundi havt spælt Jóan Símun leysan í skjótálopi í seinna hálvleiki, men tók eitt trek afturat. 6 Daniel Udsen ★★★★★★ Var nokk tann leikarin, ið kom ring­ ast frá síni uppgávu. Megnaði ikki at røkka sama stiginum, sum í dyst­ inum móti Íslandi. Misti fleiri ferðir sín mann, tá miðvallarnir runnu aftur um okkara verju. Fekk lítið burtur úr við bóltinum, men spældi seg upp stutt fyri hálvleik og vann okkum eitt gott horna. Bleiv skiftur út í hálvleikinum. 11 Jóan Símun Edmundsson ★★★★★★ Hevði ótrúliga ringar arbeiðs­um­ støður, men hevur fyrr staðið seg betri undir líknandi umstøðum. Virk­aði ikki topptunaður og ágrýtin nokk. Var torført hjá honum vinna nakað í luftinum móti næstan tveir metra høga Per Mertesacker. Spældi seg upp í seinna hálvleiki og byrjaði at steðga týska uppspælinum við ágrýtnum rennignum og taklingum, umframt at fáa fatur á bóltinum fleiri ferðir og spæla hann víðari. Kann meiri enn hann vísti, men vónandi ger spælitíðin í Federicia munin. 14 Súni Olsen (➤45.) ★★★★★★ Kom inn fyri Daniel Udsen á høgra kant. Er ikki kantspælari, men hevur góðar avlevering og inn­ legg, sum helst var ætlanin at hann skuldi gera sær dalt av. Fekk tó sjáld­ an bóltin í góðum støðum og datt av tí sama eitt sindur niður í millum. Skjeyt eitt vánaligt hornaspark, sum setti gongd í málið til 2-0. 17 Hjalgrím Elttør (➤65.) ★★★★★★ Kom inn, men megnaði ongantíð at seta dám á dystin. Spældi fram­ rættaður á miðvøllinum og hevði eina renning, sum hevði endað við einum góðum møguleika, um Jóan Símun hevði spælt hann rætt. 18 Klæmint Olsen (➤85.) Kom inn fyri Jóan Símun fimm min­uttir fyri tíð í álopinum. Var ágrýtin og bjóðaði av í luftini og gjørdi tað hann kundi. Lars Olsen ★★★★★★ Tað var ikki hissini uppgáva, ið Lars Olsen byrjaði HM undankappingina við. Tað er ilt at ímynda sær nakað annað landslið, sum vit hava spælt ímóti, ið hevur verið so nær elit­uni í heiminum, sum Týskland hesa­ ferð. Lars Olsen var sjálvur liðskipari, tá Danmark vann EM gull í Svøríki móti týsku yvirmaktini. Tí var tað ikki so upphissandi at hoyra hann bara tosa um at minimera tap, og hvussu torfør uppgávan var. Hann skuldi sagt, at hetta var okkara møguleiki at vísa okkum móti teimum bestu í heiminum og eins í 92, so hevði han ongar plan­ir um at leggja kongin. Okkurt líkn­ andi hevði ljóðað betri og kanska eisini fylt leikararnar við meiri trúgv upp á seg sjálvar. Tað er væl skiljandi, at Lars Olsen líka skal venja seg við leiklutin sum føroyskur landsliðsvenjari, men føroyskur landsliðsfótbóltur er kom­in forbí, at altíð skula greiða frá hvussu góðir hinir eru í mun til okk­um. Taktista uppleggið minti nógv um tað í Íslandi. Bara Gunnar Nielsen var nýggjur í uppstillingi. Eftir avrikinum at døma, so var tað ein góða avgerð at trúgva upp á Gunnar, sjálvt um hann ikki hevur dystar­venjing. Harvið ikki sagt, at Jákup Mikkelsen ikki kundi verið ein eins røtt avgerð at tikið. Tvær ferðir í fyrra hálvleiki eru vit um at fáa mál móti okkum eftir at vit hava havt deyðbóltsstøður í teirra hálvu. Uppsetingin bleiv ikki broytt í hálvleikinum og tað endaði við, at Týskland skoraði eftir eitt hornaspark hjá okkum. Avrikið hjá nýggja landsliðs­venj­ aranum í fyrsta dystinum, var beint undir miðal, sum var spældir undir óhugna­liga tor­førum umtøðum, um­framt at eitt nú miðverjan var spildur­nýggj. Leikarametingar... Gunnar Nielsen djúpt konsentreraður undir dystinum í Hannover fríggjakvøldið, har hann hevði fleiri góðar bjargingar – og enntá onkra í heimsklassa Mynd: Hilmar Jan Hansen Føroysku spælararnir takkaðu eftir dystin sínum fantastisku fjepparum fyri stuðulin Mynd: Hilmar Jan Hansen