mánadagur 10. september 2012síða 18

Mánadagur 10. september 2012 · Nr. 105 18 Sosialurin Hugskot og viðmerkingar – send sms til 225000 Ítróttarblaðið 1. deild menn Jóannes Hansen Leygardagin varð tað endaliga staðfest, sum leingi hevur verið greitt. 07 Vestur flytir upp í bestu deildina, og vágaliðið ger tað við manér. Tvey umfør undan kapp­ ingar­enda eru bæði uppflytingin og gullið komið til høldar. Hetta er triðja ferðin, at 07 Vestur hevur vunnið næstbestu deild­ina og harvið uppflyting. Fyrru ferðirnar vóru í 2008 og í 2010. Báðu ferðirnar var steðgurin í fremstu røð eitt ár. At flyta millum næst­bestu og bestu deildina hevur verið lagið, síðani teir har vesturi valdu at kasta saman. Í 1994 flutti FS Vágar upp í bestu deildina, og 1995 var higartil besta árið í nýggjari tíð hjá vágamonnum. Tá endaði FS Vágar á sætta plássi í bestu deildini. Øll árini síðani hava FS Vágar og FS Vágar 2004 og síðani 07 Vestur ferðast ímillum tvær tær bestu deildirnar. Tað var ikki fyrrenn í síðstu viku, at uppflytingin í hesum umfarinum varð veruleiki. Tí sigur tað seg sjálvt, at felagið ikki enn hevur almanna kunngjørt, hvørjar ætlanir eru at brynja seg til næsta kappingarár. Men liðformaðurin, toppskjúttin og mest royndi 07 Vestur spælarin, 31 ára gamli Tór-Ingar Akselsen, er ikki í iva, hvør vegur er tann besti at fara: – Vit eiga fyrst og fremst at dúva upp á teir, sum eru uppvaksnir her vesturi. At hava nógvar fremm­ andar á liðnum hevur ikki víst seg at vera haldgóð loysn. Tað sigur seg eisini sjálvt, at áhugin millum teir ungu spælararnar og eisini við­ haldsfólkini verður størri, tá ið tað eru okkara egnu, sum spæla. Men heldur tú, at tit eru nóg væl fyri at standa tykkum í bestu deild­ ini við fólkinum, sum nú hevur vunn­ið 1. deild? – Eg haldi, at vit hava eitt gott lið. Trupulleikin er, at hópurin ikki er so breiður. Ungu menninir fara at mennast uppaftur meiri, men ivaleyst verður neyðugt við onkrum einstøkum stuðli aðra staðni frá. Eitt nú er tað óvist, hvussu tað verð­ur við málverjanum, greiðir Tór-Ingar Akselsen frá. Einki at ivast í 07 Vestur hevur verið besta liðið í næst­bestu deildini í ár. Tað siga tøl­ini, og leygardagin var heldur eing­in ivi. Á Svangaskarði vunnu vága­menn 4-1 á teimum næstbestu hjá B68. Merkisvert var tað, at øll fýra 07 Vestur málini vórðu skorað upp á langskot, og at tað vóru veteran­ arnir á liðnum – Jovan Panic og Tór- Ingar Akselsen – sum skoraðu tvær ferðir í part. Tað tykist vera eitt sindur ymiskt, hvussu dómararnir skráseta mál. Tvey tey síðstu málini í hesum dystinum eru skrásett sum sjálvmál, tí bólturin tók í verju­ spælara og broytti kós. Framvegis spennandi Tað er framvegis spenningur um, um tað verður AB ella Skála, sum skal flyta upp saman við 07 Vestur. AB er á næstfremsta plássinum, og AB vann leygardagin 2-0 í Runavík. Hóast leikliga yvirvág, so var tað striltið í 1. hálvleiki, sum endaði málleysur. Tíðliga í 2. hálvleiki setti Leivur H. Joensen hol á við stútara eftir horna­sparks­ inn­legg, og tá ið stórt korter var eftir, staðfesti Hørður M. Mohr AB sigurin. Hjá Skála var eingin slingur í valsinum. B71 vitjaði á Skála leygar­ dagin, og sandoyingar fóru suður aftur við 5-2 tapi.Stórt korter var farið, tá ið Ólavur Mikkelsen setti hol á við brotssparki, og so gekk tað skjótt. Tá ið teir fóru at hvíla seg, var støðan 3-0, og Skála var framm­an­fyri við fýra málum, áðrenn sandoyingar svaraðu aftur fyrru ferðina. HB hevur við einstakum undan­ taki leingi verið sera sannførandi, og tað hevur borið liðið fram á fjórða plássið. Leygarkvøldið eydnaðist tað EB/Streymi á heimavølli at vinna eitt stig frá HB, sum var væl mann­að og tvær ferðir var á odda. Úrslitið var 2-2. Víkingur og KÍ stríðast um fimta plássið. Leygardagin vitjaði KÍ í Leirvík, har heimaliðið vann 3-0, og harvið er Víkingur á fimta plássi. Tað resta tvey umfør, og tað er greitt, at NSÍ og B68 flyta niður. Heimafólkið verður álitið B68 - 07V 1-4 (1-1) 0-1: Jovan Radinovic-Panic 33. 1-1: sjálvmál 39. 1-2: Tór-Ingar Akselsen 48. 1-3: sjálvmál 56. 1-4: sjálvmál 63. NSÍ - AB 0-2 (0-0) 0-1: Leivur H. Joensen 53. 0-2: Hørður M. Mohr 71. EB/Str - HB 2-2 (1-2) 0-1: Kristin R. Mouritsen 3. 1-1: Jónstein Magnussen 5. 1-2: Tróndur Jensen 40. 2-2: Allan J. Hansen 55. Skála - B71 5-2 (3-0) 1-0: Ólavur Mikkelsen br 17. 2-0: Brian Jacobsen 22. 3-0: Karstin Justesen 35. 4-0: Brian Jacobsen 67. 4-1: Sverri Dalsgaard 74. 5-1: Karstin Justesen 77. 5-2: Marcus Klementsen 89. Víkingur - KÍ 3-0 (1-0) 1-0: Sverri Jacobsen 19. 2-0: Heðin Hansen 53. 3-0: Sverri Jacobsen br 86. Reytt kort: Gunnar Christiansen, KÍ, 68. (2 gul) 26. umfar leygardagin 15. september 07 Vestur - B71 AB - EB/Streymur KÍ - Skála HB - NSÍ Víkingur - B68 27. umfar leygardagin 22. september Skála - 07 Vestur B71 - AB B68 - HB EB/Streymur - Víkingur NSÍ - KÍ Fótbóltur Nú 07 Vestur skal gera enn eina roynd at standa seg í bestu deildini, heldur liðformaðurin tað vera skilabest, at tað fyrst og fremst verða teir, ið búgva har vesturi, sum eiga at manna liðið 1. Deild menn nr. lið dystir vunni javnt tapt + mál - mál +/- stig 1 07 Vestur 25 20 2 3 64 19 +45 62 2 AB 25 18 1 6 74 23 +51 55 3 Skála 25 16 6 3 57 25 +32 54 4 HB II 25 12 5 8 44 33 +11 41 5 Víkingur II 25 10 3 12 50 50 0 33 6 KÍ II 25 10 2 13 53 56 -3 32 7 B71 25 8 3 14 47 66 -19 27 8 EB/Streymur II 25 7 6 12 34 55 -21 27 9 NSÍ II 25 4 2 19 29 77 -48 14 10 B68 II 25 4 2 19 27 75 -48 14 07 Vestur hevur verið besta liðið í næst­bestu deildini í ár. Tað siga tøl­ini, og leygardagin var heldur eing­in ivi. Á Svangaskarði vunnu vága­menn 4-1 á teimum næstbestu hjá B68 Savnsmynd: Álvur Haraldsen