mánadagur 10. september 2012síða 20

Mánadagur 10. september 2012 · Nr. 105 20 Sosialurin Hugskot og viðmerkingar – send sms til 225000 Ítróttarblaðið Pætur Albinus Føroyska talvlandsliðið hevur nú havt sín seinasta leik á hesum talv-OL. Á olympiaduni, sum var í Istanbul í Turkalandi, gjørdust Føroyar nummar 68 út av 157 londum. Hetta var seks pláss betri enn styrkismetingin hjá Føroyum, sum undan kappingini var eitt 74. pláss. Vunnu seinasta dystin Dysturin, sum tryggjaði Føroyum eitt pláss í betru helvtini av kappingini, var dysturin ímóti Myanmar sunnudagin. Dystin vunnu Føroyar 2½-1½. Hetta merkti, at Føroyar, sum fekk eina frálíka byrjan, men síðani fekk eitt ódnarveður av góðum mótstøðulondum, vann fýra av seinastu fimm dystunum og harvið fekk telvað seg í betru hálvuna, og megnaðu Føroyar at leggja næstan 100 lond aftur um seg. Helgi var bestur Tað var ikki óvæntað føroyski talv- kongurin, Helgi Dam Ziska, sum vann Føroyum flestu stigini. Helgi Dam Ziska (1. borð) var toppskjútti við 6½ stigi. John Rødgård (3. borð) fekk 6 stig, Rógvi Egilstoft Nielsen (5. borð) 4½ stig, John Arni Nilssen (2. borð) 4 stig og Jóan Hendrik Andreasen (4. borð) fekk 3½ stig. Armenia OL-gull Føroyar gjørdust ikki aftasta norðanlandið í OL. Føroyar megnaðu nevniliga at leggja Finnland aftur um seg. Fremstu londini vóru hesi: 1. Armenia 2. Russland 3. Ukraina 4. Kina 5. USA. Av norðurlondum var Svøríki fremst á 16. plássi, Danmark gjørdist nummar 18, Noreg nummar 45 - Magnus Carlsen, sum í løtuni verður mettur sum heimsins besti telvari, var ikki á norska liðnum hesaferð - Ísland endaði nummar 47, Føroyar sum nevnt nummar 68 og Finnland nummar 74. Úrslit: Føroyar - Sudan 2½-1½ Føroyar - Togo 4-0 Føroyar - Aserbadjan ½-3½ Føroyar - Georgia 1-3 Føroyar - Singapore 1-3 Føroyar - Ný Sæland 1½-2½ Føroyar Papa Ný Guinea 4-0 Føroyar - Hollendsku Anthillurnar 3½-½ Føroyar - Guatemala 2-2 Føroyar ICSC 2-2 Føroyar Myanmar 2 2½-1½ albinus@sosialurin.fo Telvaðu seg til minniligt úrslit talv ol Talv Føroyska talvlandsliðið hevur framt eitt megnaravrik í talv-OL í Istanbul, har teir endaðu í ovaru helvtini og meta tað vera besta úrslit teirra í OL nakrantíð Stak væl nøgdur Helgi Dam Ziska, sum er besti styrkis­metti føroyingurin við 2469 stigum og eisini tryggj­ aði Føroyum flest stig (6½ stig), er sum vera man væl nøgd­ur við avrikið. - Vit eru stak væl nøgdir. Mál­ið var at enda í ovaru hálvu, so nr. 68 er á góðari leið. Faktiskt var tað eitt deilt 52.-69. pláss, men har fing­u vit so eitt 68. pláss eftir mót­ støðu­stig, sigur Helgi og vísir okkum á eina torskilda skip­ an. Vit spurdu hann, um at og lið­felag­ar sínir vóru serliga gla­ðir fyri nakran ávísan sig­ ur, og ja: - Vit eru kanska fegnast um sigurin á Myanmar. Tað er altíð síðsta umfarið, sum er av­gerandi fyri eina góða pla­ ser­ing, og tí kennist tað eyka gott at vinna tann dyst­in, sigur hann og fegnast víð­ari. - Annars eru vit fegnir um at ikki vera aftastu norð­ur­ landið. Vit endaðu framman­ fyri Finnland. Hóast sera sterka mótstøðu, so taptu vit ongan dyst 4-0. Eg veit ikki, um tað er komið fyri áð­ ur, sigur Helgi Dam Ziska at enda.