mánadagur 10. september 2012síða 25

25 Mánadagur 10. september 2012 · Nr. 105 Sosialurin Hugskot og viðmerkingar – send sms til 225000 Nýggja svimjihøllin við langhyli í Tórshavnar komm­unu er ávegis. 5 milli­ónir krónur eru settar av á fíggjar­ætl­ anini fyri 2012, og byggi­ nevnd er sett, at gera byggiskrá og byggi­ ætlan. Ætlandi skal nýggja høllin byggjast vest­an fyri svimjihøllina í Gundadali. Í ár verða 30 ár síðani Svimjihøllin í Gundadali lat upp. Hesi 30 árini hev­ur svimjingin ment seg nógv í Tórs­ hav­nar kommunu. Svimji­høllin er opin fyri almenninginum einar 9 tímar um dagin. Barnagarðar, frítíðar­ skúlin og skúlar brúka høllina til undirvísing og spæl í dagtímunum. Havnar Svimjifelag, ÍSB og Froskmannafelagið brúka svimjihøllina til venjing og undirvísing seinnapartar og langt út á kvøldarnar. Umframt øll hesi tilboð hýsir høllin familjutiltøkum og svimjikappingum nakrar ferðir um árið. Tað sigur seg sjálvt, at tað oftani er trongligt í svimjihøllini. Langhylurin vestan fyri verandi svimjihøll gevur okkum nógv bet­ ur umstøður at menna svimjingina í komm­un­ uni. Eg síggi fyri mær, at verandi svimji­høll er opin fyri al­menn­ ing­inum allan dagin, sam­stundis sum skúlar, barna­garðar og svimji­ venj­ing fer fram. Tí tá verður møgu­ligt at brúka fleiri hyljar í senn til ymisk enda­mál. Byggingin av langhyl­ in­um skal órógva ver­ andi svimjihøll sum minst. Men tá vit nú fara undir broytingar, eiga vit at hyggja at verandi tilboðum. Vit eiga at gera svimjihøllina til eitt enn betri vælverustað, har sólirnar verða býttar um við infrareyð sauna og lampur við dagsljósi. Vit eiga somuleiðis at skapa rúm fyri einum heitari hyli til teirra, sum av heilsuávum hava tørv á at svimja í heitari vatni, eins og babysvimjin krevur heitari vatn. Arbeiðið til at út­ byggja svimjitilboðini í Tórshavnar kommunu er byrjað. Nú er eftir at fullføra arbeiðið. Vón­ andi sleppa vit at halda fram við hesum arbeiði. Svimjihøll við langhyli Elin Lindenskov býráðslimur Manipulasjón í Kringvarpi Føroya Hans Dávid Hansen Varasløkkiliðsstjóri Mikumorgunin kom Brimil á Havnina við teimum skip­brotnu frá pólska segl­ bátinum Rzeszowiak. Ein av manningin hevði latið lív, og sum vanligt er, verður Brandstøðin boð­send, at koyra mors ( lík) á Lands­ sjúkrahúsið. Hetta hendi beinanvegin, Brimil kom á Havnina. Hini av pólsku manningini vórðu verandi umborð á Brimli, har tey fingu alla ta hjálp og umsorgan, til ber at geva í tílíkum føri. Men her trakkaði ongin skipað tilbúgving til, og tí kom fyrispurningur frá løgregluni til okkara, hvør tók sær av teimum skipbrotnu. Sum vakthavandi átaks/ vara­leiðari hjá Tórs­havnar Sløkkiliði, kom fyri­spurn­ ingurin til mín, eg tosaði við mín stjóra um hetta og vóru vit samdir um at tosa við borgarstjóran og var tað leyst og liðugt, so at siga beinanvegin. Komm­ un­an hevur skyldu at taka sær av fólki í neyð, og tað er ein vánaligur kommu­nal­ politikkari, sum ikki kennir sínar skyldur í tílíkum føri. Her kann eg skoyta uppí, at eg havi verið við til slíkt fleiri ferðir fyrr, og er tað ymiskt, hvussu kommunur hava tikið í móti slíkum gest­ um! Annars haldi eg, at tað burdi verið ein lands­til­ búgving, sum tók sær av júst slíkum støðum!!! Borgarstjórin viðgjørdi málið við sína umsiting og avrátt varð, at kommunan tók sær av hesum fólkum, sum síðan vórðu hýst, meðan Brandstøðin hevur tikið sær av tí praktiska við flutningi og hjálp í sambandi við seglskipið o.a. Kringvarpið var á stað­ num av sínum einting­um. Og Kringvarpið kundi havt sagt søguna um tilbúgvingina, sum ikki trakkaði til. Kring­ varpið gjørdi enntá samrøðu við borgarstjóran, men valdi ikki at senda hana. Ístaðin spann Kringvarpið ein avbera vamlisligan tráð burturúr hesi søguni. Kring­ varpið klipti myndirnar av hesi hendingini saman við upptøkunum, tá líkið varð borið í land – tvær hendingar, ið fóru fram við longum tíðarbili ímillum. Harnæst greiðir Kring­ varpið frá, at borgarstjórin bað um myndatøku á stað­ num. Hetta er beinleiðis ósatt. Skiparin ella onkur av mann­ingini á Brimli bað um at fáa eina felags mynd, tá tey komu í land til minnis um hendingina. Haldið onki forgjørt í tí. Unga gentan, sum misti pápa sín, bað um at sleppa undan at verða avmyndað. Fjølmiðlafólk annars á staðnum gjørdu bara sína skyldu. Kringvarp Føroya átti at vera meira at sær komið. Tað sæst á øllum viðmerkingum á almennu kjakmiðlunum í dag, at herferðin hjá sjón­ varpsmenningini móti borg­ ar­stjóranum enn einaferð hepnaðist – men hon skal ikki sleppa at standa óátalað. Tí hetta var rein manipulasjón og ósannindi. Skot og prik kunnu góð­ takast á facebook, men ikki í einum almennum miðli sum Degi og viku! Lat stjórnarskipanina liggja Bárður Nielsen løgtingsmaður fyri Sambandsflokkin Arbeiðið við at skapa og tryggja varandi vælferð fyri øll í Føroyum, má og skal takast fram um luftkastell um nýggjar grundlógir og loysing Politiskt klandur og stríð eru væntandi, nú uppskotið til eina føroyska stjórnarskipan er uppafturgrivið og lagt á tingborð. Allir flokkar siga seg vilja fremja sakina, men mín áheitan á samgonguna er at lata stjórnarskipanina liggja. Vitandi um, at hetta mál fer at skapa spjaðing og ósemjur, hevur ABDH- samgongan ongar ætlanir havt um at taka hetta arbeiði upp­aftur, og tað hevur verið skila­gott. Stjórnarskipanin er eitt projekt, ið full­veldis­sam­ gongan sjósetti um alda­ skiftið, men upp­skotið bleiv endaliga punkterað av klandri millum fullveldisflokkar og einstaklingar. Tað, sum flestu flokkar kundu taka undir við í 2011, er ikki tað, sum Framsókn og Tjóðveldi nú hava grivið uppaftur. Nei, teir hava spolað aftur til ta útgávuna av stjórnaruppskotinum, sum ongin semja kann fáast um. Hetta er versjónin, har ið grundlóg, heimastýrislóg, stýrisskipan, tingskipan v.m. skulu setast til viks. Enn eina ferð skal loysingin sníkjast inn gjøgnum bak­ dyrnar, og fyri alt í verðini mugu vit ikki taka okkara samstarvspartnarar í Ríkis­ felagsskapinum við í arbeiðið. Nei, hetta skal brúkast í enn einari konfrontatión. Tað er ikki av tilvild, at and­støðan hevur grivið upp­ skotið um stjórnarskipan upp aftur júst nú. Røða løgmans á ólavsøku og dreymur hansara um Føroyar sum sjálvstøðugt land, verður nú tíverri mis­ brúkt av andstøðuni. Hetta er spell, tí nógv liggur á láni. Arbeiðið við at skapa og tryggja varandi vælferð fyri øll í Føroyum, má og skal takast fram um luftkastell um nýggjar grundlógir og loysing. Samgongan eigur at lata málið um stjórnarskipan liggja.