mánadagur 17. september 2012síða 20

Mánadagur 17. september 2012 · Nr. 108 20 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Stjørnan kom fult so væl frá byrjan í stórsteypadystinum, men samanumtikið var fyrri hálvleikur javnur. Mitt í hálvleikinum hevði Neistin hug at fara eitt mál framum og eina løtu trý mál, men so javnaði spælið seg aftur, og hóast Neistin var á odda við einum máli fyri steðgin, sá hetta út til at kunna ger­ ast javnt allan vegin. Men tað gjørdi tað ikki, tí beint eftir steðgin setti Neistin seg ordiliga á dystin, tá tær bláu bein­ an­vegin øktu leiðsluna við fýra málum, so tað bleiv 19-14. Stjørn­an var bara um reppið at svara aft­ ur, men megnaði einki at gera, tá Neistin so setti sínar yngru spæl­ ar­ar inn, tí tað bleiv besta løtan hjá Neistanum í dystinum við góðum spæli, ið heldur tunga Stjørnu-liðið ikki fekk fatur á. – Spælið fleyt ordiliga hjá ungu Neista-manningini og har var góð ferð á eisini, so tað var imponerandi at síggja. Men eg haldi eisini, at tað var stuttligt, at báðir venjararnir tordu at geva sínum ungu spælarum møguleikan, segði landsliðsvenjarin hjá kvinnum, Claus Rasmussen, eftir stórsteypadystin millum Neistan og Stjørnuna. – Neistin hevur eitt sterkt lið, men tú skalt ongantíð avskriva Stjørnuna, tí hon skal nokk koma. Hetta var eisini ein av hesum fyrstu dyst­unum, har nógvir bóltar verða mistir og fleiri skeivar sendingar eru, so nógv kann broytast enn. Vilja hava trý steyp Í øllum førum staðfesti dysturin í Hoyvíkshøllini leygardagin, at Neistin er væl fyri, men tað kann snýta eitt sindur, tí seinnu árini hava vit so ofta sæð, at Stjørnan fyrr ella seinni kemur fyri seg. – Hetta var ikki tað, vit ætlaðu, tí vit ætlaðu at vinna dystin. Vit tóku hetta sum ein venjingardyst, men eitt tap er ongantíð nøktandi, segði Durita Christophersen, ið gjørd­ist toppskjútti hjá Stjørnuni leygar­ dagin. – Tær í Neistanum eru altíð góðar og vístu eisini í dag, at tær eru grótharðar, men tað verða vit so sanniliga eisini næstu ferð. Vit hava nógvar nýggjar spælarar, og tað tekur sína tíð at spæla liðið saman, so vit eru ikki bangnar fyri, at vit koma at liggja aftan fyri nakran. Hesa ferð gjørdist tó einki, og sigurin hjá Neistanum, ið var upp á heili 12 mál, var full uppiborin og kundi eins væl verið størri. Men av tí at tað ikki hava verið so nógvir venjingardystir í upptaktini til hetta kappingarárið, vóru tey í Neist­anum fegin um, at tey fingu henda dystin nú. – Tað var øgiliga gott at vinna í dag, tí hetta var tað, vit fóru eftir. Spælið hjá okkum var kanska eitt sindur trilvandi í fyrra hálvleiki, tí hetta var okkara fyrsti ordiligi venj­ ingardystur, men tá vit høvdu følt okkum fram, fingu vit tað at koyra, segði Birita Wardum, liðskipari hjá Neistanum. – Tær ungu eru góðar, og tað merkir einki fyri liðið, at vit skifta eitt sindur út, tí vit møta 30 til venj­ ing hvørja ferð, so tað er nógv í at velja hjá venjaranum. Nú gleða vit okkum bara til at koma í gongd, og vit kunnu taka øll trý steypini í ár, so vit eisini taka meistaraheitið og steypakappingina, sum vit hvørki vunnu í fjør ella í fyrraárið. Hana ætla vit okkum at taka í ár. hilmarjan@sosialurin.fo stórsteypadystur kvinnur Neistin vísti vøddar Hondbóltur Eftir ein javnan fyrra hálvleik setti Neistin trumf á og vann sannførandi. Serliga var løtan góð, tá yngru spælararnir sluppu at royna seg, tí tá vísti Neistin sítt besta spæl Neistin var á odda tað mesta av stórsteypadystinum ímóti Stjørnuni, men í fyrra hálvleiki var munurin ikki stórur. Tað bleiv hann hinvegin í seinna hálvleiki, tá Neistin veruliga gjørdi um seg Myndir: Álvur Haraldsen Stórsteypadysturin hjá kvinnum Neistin - Stjørnan 33-21 (15-14) Neistin: Barbara Brauer 9 (2), Nicoleta R. Hansen 6, Marjun Danberg 4, Jacklyn Berg 3, Ása Dam á Neystabø 3, Anja Eliasen 3, Bára Hansen 2, Birita Wardum 2, Eir Berg 1 Stjørnan: Durita Christophersen 5, Ema Bezanovic 3, Lovisa Lassen 3, Simona Petersen 3, Durita Mikkelsen 2, Edith Hansen 1, Joan M. Joensen 1, Mona við Neyst 1, Una Olsen 1, Ella Petersen 1 (1) Dómarar: Regin Mittún & Ragnar Simonsen Áskoðarar: 250