mánadagur 17. september 2012síða 23

23 Mánadagur 17. september 2012 · Nr. 108 Sosialurin Hugskot og viðmerkingar – send sms til 225000 Kjak Vit skulu í størstan mun gagnnýta jørðina og lata allar arbeiðsfúsar hendur sleppa framat! Tí vóni eg, at Nólsoy er ein partur av tí ALS-stjórin hevur í huga, tá ið hann nevnir at ymsar ætlanir eru fyri framman. Høv­ uðs­staðurin skal leita fram nýggjar vinnur, og tí kunnu vit taka lógva­ tak, øllum at frama. Fyri nøkrum árum síðani var kál-velta í Nólsoy. Royndin vísti, at væl bar til at velta kinakál og minnist meg rætt, so var m.a. selt í Før­oya Keypsamtøku. Talan var um góða góðsku og væl skjótari er at flyta fríska vørur um Nólsoyarfjørð enn at keypa uttanlands. Nú ALS-stjórin legg­ ur fram hugskot, at ar­ beiðsleys sleppa at royna nýggjar leiðir, hugsi eg at vert er at taka upp aftur royndina at velta kál. Eg ivist onga løtu í, at onkur er, ið kann leiðbeina, tá ið umræður at velta, og eg ivist heldur onga løtu í, at til ber at skipa samstarv við eigara ella eigarar, at gagnnýta jørð í Nólsoy. Síðani hugsi eg, at verkætlanin hevði eisini verið spennandi fyri Tórs­havnar kommunu, um hetta lutvíst var skip­að í samstarvi við "Ung í arbeiði". Á hend­ an hátt hevði borið til at lati arbeiðsleys fing­ ið arbeiðsgleði, sam­ stundis sum ung fingu møguleika at gera sær arbeiðsroyndir. Skuldi verkætlanin fingið eitt eyka spenn­ andi innskot, so vildi eg skotið upp, at Fróð­ skaparsetrið og fólk innan matstovu-vinnu, fingu møguleika at sett síni fingramerki á verk­ ætlanina. Lat okkum finna leiðir at gagnnýta tilfeingið, skapa arbeiði og finna loysnir, ið eisini loysa okkum frá tørvinum at innflyta ovurstóra nøgdir óneyðugt. Vit eiga tilfeingið og vit eiga ábyrgdina! Møguleikar at velta upp úr nýggjum Jákup av Skarði Ítróttarhøll á Argjum Rúni Martinsson Djúrhuus eykalimur hjá Javnaðarflokkinum í Tórshavnar býráð Argir eru seinnu árini vaks­in sera nógv, og talið av ungu­m fólki á Argjum er høgt. Vit eiga sum kommuna at gera karmarnar fyri ítróttin góðar á Argjum, so okkara ungdómur fær íðkað tann sunna lívsstílin, sum ítrótturin gevur, og fær hug til at vera verandi her. Meðan eg havi sitið í býráðnum í fleiri umførum í hesari seinastu setuni, havi eg m.a. luttikið í arbeiðinum við at fáa Ítróttarhøllina á Hálsi setta í stand og við at byggja uppí Hoyvíkshøllina. Hetta hevur verið spennandi, og eg gleðist um møguleikan at gera mun innan eitt økið, sum hevur mín stóra áhuga. Argjafólk hava stovnað hondbóltsfelagið ÍA og tað kann ikki sigast annað, enn at tað er blivið ein sukse. Hóast eingin høll er á Argjum, og venjingin er spjadd runt kring Havnina, so hevur ÍA nú lið í næstan øllum aldursbólkum og argjafólk hava tikið væl ímóti hondbóltsfelagnum. Hetta eiga vit sum kommuna at stuðla. Tí má og skal ítrótt­ arhøll byggjast á Argjum, sum kann brúkast til hondbólt og annan innandurða ítrótt. Eg var í fleiri ár formaður í H71 og havi sæð, hvønn mun Hoyvíkshøllin hevur gjørt fyri hondbóltin í Hoy­vík. H71 vandi fyrr í einari fim­leikarhøll, men nú um­støðurnar eru blivnar betur telist H71 millum størstu ítróttarfeløg í Føroyum. Her tala úrslitini fyri seg: besta mansliðið er blivið Før­oyameistari tvær ferð­ir, síðan høllin bleiv bygd og ungdómsliðini vinna heið­ urs­merkir uppá samliband. Hetta eiga argjafólk sjálvandi at sleppa at kappast við. Skurðviðgerðin eydnaðist væl, men sjúklingurin doyði Sólborg Dulavík Hetta var tað fyrsta eg hugs­ aði, tá ið sagt varð frá enda­ ligu avgerðina hjá Lands­ rættinum í “TAKSmálinum” um m.v.g. gjaldið. Landsrætturin slerdi fast, at tað sum var farið fram var ólógligt, men bileigarin fær tó ikki peningin aftur. Rodmundur Nielsen skriv­ ar í Sosialinum 11. jan. 2010 við yvirskriftini: Undarlig al­ menn tøgn. Hann greiðir frá fyrra málinum í Føroya Rætti, har hann og Bjørn á Heygum stríddust fyri bileigarunum sum høvdu goldið ov nógv. Før­oya Rættur gav teimum viðhald. Eftir tað kærdi Lands­stýr­ ið, við Jóannes Eidesgård sum tá var fíggjarmálaráðharri , til Eystara Landsrætt. Bjørn á Heygum sakførari, hevur so stríðst aftur fyri bileigararnar, og tað eigur hann tøkk fyri. Eystari Lands­rættur kemur til somu niður­støðu, at tað var ólógligt at krevja hettar m.v.g gjald, men bileigarin fær ikki ov nógv goldna peningin aftur. Hvat skulu vit vænta okk­um í framtíðini? Hetta er opinlýst brot á rættar­gongd­ ina sum heild. Undarlig almenn tøgn. Hví hoyra vit onki til tykkum politikarnar? Eru tit púra líka­sælir? Hvar er sjónvarpið við sínu­m public servic? Átti hettar mál ikki at verið tikið fram á sjónvarpsskíggjan so almenningurin kundi fingið eina frágreiðing um hvat tað var sum hendi og hvør álegði kravið um eyka m.v.g. gjald? Eg ivist ikki eina løtu í, at vóru tað bileigararnir sum høvdu snýtt landið fyri 100 milliónir, høvdu teir sanniliga sloppið at goldið tað aftur. Okkara rættindi má verða at fáa eina frágreiðing frá Landsstýrinum. Minsta mark til endurgjald, má vera ein umbering fyri hettar grova ósketni. Dekningsleysi tjekkurin Jógvan Arge fíggjarnevndarlimur fyri Tjóðveldi Fólkaflokkurin hevur givið út ein dekningsleysan tjekk. Við hesum virðisleysa pap­ píri í hondini hevur flokk­urin nú boðið borgar­stjór­an­um til samstarv um fíggj­arætlanina. Løgin og óbúgvin fram­ ferð. Samstundis, sum hann hartar borgarstjóran fyri ikki at taka undir við barna­tjekk­ inum hjá fólkaflokkinum, býður hann honum til sam­ starv um fíggjarætlanina við sama tjekki sum treyt. Tað er púra greitt ein ásannan av, at fólka­floks­ tjekkurin er dekningsleysur og lyftið floksins tómt. Javnaðarflokkurin og Tjóðveldi sita við fíggjar­ætl­ anini, sum skal leggjast fram í býráðnum seinni í mán­ aðinum. Partur av hesi viðgerð er ásetan av skatt­inum. Orðaskiftið snýr seg um tað skattaprosentið, sum varð lagt á til at gjalda Boðanesheimið. Hvussu barnið fer at eita, fáa vit at síggja, men fullur dekningur verður fyri tí, sum verður gjørt.