mánadagur 17. september 2012síða 22

Mánadagur 17. september 2012 · Nr. 108 22 Sosialurin Hugskot og viðmerkingar – send sms til 225000 Ítróttarblaðið Drívmegi er neyðug, tá tú skalt venja til eina slíka kapp­ing, sig­ ur Jónina Tegeder, sum leygardagin varð kos­in at hava »Føroya flottasta kropp« – Mær hevur altíð dámað væl at vant, og tað at fara út um per­ són­lig mørk innan venjing ger tað stuttligt og spennandi at halda á fram at venja. Tað sigur Jónina Tegeder, sum leygardagin vann heiðurin at hava Føroya flottasta kropp hjá kvinnunum í FM fitness, sum var í Norðurlandahúsinum í leygardagin. –  At vinna eina slíka kapp­ ing krevur ótrúliga nógva fyri­ reiking. Eg venji minst 1,5 tímar um dagin í miðal. Tað er øðiliga nógv tíð, ið fer við venjing, hon kem­ur framum alt annað. Eg má viðganga at familjan er kom­in í aðru røð seinastu tíðina, meðan fyrireikingin til kapp­ingina hevur staðið á, sigur Jónina Tegeder. Hon vísir eisini á, at kostur hev­ur eisini ótrúliga nógv at siga, og at tað er umráðandi at eta sunnan mat. – Ta seinastu vikuna fram til kappingina havi eg drukkið nógv vatn og etið nokk av pro­ tein­ríkum mati. Nógv mental fyri­reiking skal eisini til. Tað at skula standa myrkabrún í bikini og spenna musklar er avgjørt at fara út um míni mørk, og hevur tað eisini kravt mentala fyrireiking hjá mær, sigur hon. Jónina Tegeder sigur, at tá tú setur sær fyri at venja til eina slíka kapping, ella venja í heila tikið, er umráðandi at hava okkurt, ið drívur ein, eina drívmegi. – Um so er, at eitt slíkt tiltak verður endurtikið, verði eg heilt avgjørt við aftur, sigur Jónina at enda. Vár Haraldsen Leygardagin var fyrsta føroyska fitness kapping hildin í Norður­ landahúsinum. 11 menn og kvinnur lut­tóku í kappingini um heitið: »Føroya flottasti kroppur«. Fitnesskappingar hava í fleiri ár verið í Danmark, og eru tær sera væl umtóktar har. Nú hevur fitness kapping verið fyri fyrstu ferð her í Føroyum, og áhugin tikist at vera stórur. Væl varð møtt upp til kapp­ing­ ina, og undirtøkan millum áskoð­ ararnar var sera góð. Hørð kapp­ing var millum luttakararnar, og spenn­ ingurin hekk í luftini frá byrjan til enda. Hóast harða kapping, skuldu tveir vinnarar verða kosnir, og varð tað Jónina Tegeder, ið gjørdist vinnari hjá kvinnunum, og Robin Jønsson, ið vann hjá monnunum. Rune Petersen, ið er stigtakari til kappingina, hevur fylgt við í teim­um mongu fitness kapping­ unum, ið hava verið í Danmark. Hann setti sær fyri, at byrja kapp­ingina í Føroyum eisini. Sam­bært Rune Petersen, hevur gingist væl við fyrireiking, og hevur undirtøkan verið sera góð, hóast hetta er fyrstu ferð kappingin er. – Eg varð óvfarin og glaður at síggja so nógv fólk. At áskoðararnir vóru so væl við, gjørdi tað avgjørt ikki verri. Hetta verður uttan iva endurtikið, sigur ein væl nøgdur Rune Petersen. Robin Jønsson, sum vann heitið sum Føroya flottasti kroppur sig­ur, at hann verður við til næstu kapp­ ing – Eg havi altíð íðkað ítrótt, og tað dámar mær sera væl. Tá tú skalt fyrireika teg til eina kapp­ ing sum hesa, skal sjálvandi nógv kropslig venjing til. Tað sigur Robin Jønsson, sum leygar­dagin gjørdist vinnari hjá monn­unum í FM í fitness. Robin Jønsson hevur altíð íðkað nógvan ítrótt og hevur lagt nógva tíð og orku í venjingina til kapp­ing­ina, ið var í gjár. – Vanliga fari eg ein rennitúr áðrenn morgunmat og venji síð­ ani styrki seinni á degnum. Eg brúki nógva tíð uppá venjing, dag­urin er ikki fullførdur utt­ an venj­ing­ina, sigur hann. Robin Jønsson sigur, at tær 12 vikur­ nar fram til kappingina hevur venj­ ingin verið ógvuliga hørð, og tættari tú kemur at kappingini, harðari verð­ur venjingin. – Svøvnur og kostur hava nógv at siga. Tað er umráðandi at fáa nokk av svøvni og eta góðan mat, sigur hann. Sum við venjingini hevur kost­ urin eisini meira og meira at siga, tættari tú kemur kappingini. Feitt og sukur fellur burtur so við og við, góðgæti og annað svans kemur ikki uppá tal. – Við venjing, svøvni og góðum kosti, er lítið av tíð eftir til annað ein kundi brúkt gerandisdagin til, sigur Robin Jønsson, sum leggur afturat, at umframt kropsliga fyrireiking er umráðandi at fyrireika seg men­ talt. –  Hóast høvdið biðjur teg steðga, klárar kroppurin meira. Eg havi sjálvur róð kapp í trý ár, og tá spælur sinnið ein stóran leiklut, tískil eri eg vanur við hetta. Hesa tíðina, eg havi vant til kappingina, havi eg mint meg sjálvan á, at eg skal standa á pallinum og vísa meg fram, tað hevur verið ein drívmegi til at venja, tá hugurin ikki hevur verið til staðar, sigur hann. Robin Jønsson sigur, at stórur møguleiki er fyri, at hann verður við aftur, um so er, at tílíkt tiltak verður fyriskipað aftur. – Nú má eg verja tittilin sum »Føroya flottasti kroppur«, sigur Robin Jønsson at enda í skemti. var@sosialurin.fo Hetta er at fara út um míni mørk Eg má verja tittulin Fyrsta fitnesskapping í Føroyum FITNESS Fyrireikarin fegnast so nógv um góðu undir­ tøkuna, sum tiltakið »Føroya flottasti kroppur« fekk leygardagin, at tiltakið uttan iva verður endurtikið Myndir: Vár Haraldsen