mikudagur 19. september 2012síða 30

Mikudagur 19. september 2012 · Nr. 109 30 Sosialurin Hugskot og viðmerkingar – send sms til 225000 Ítróttur Jóannes Hansen Tað var satt kæti við Løkin mána­ kvøldið. Heimaáskoðararnir vóru rættuliga fáir, men gestirnir vóru heilt nógvir – ivaleyst fleiri enn tvey hundrað – og teir hugnaðu sær, frødd­ust og skemtaðu. Líkindini at spæla fótbólt vóru heilt góð, tá ið sæð verður burtur frá, at ljósið ikki var nakað serligt. Áskoðararnir kendu heystar­ kuldan vera komnan, men tað tókt­ ist ikki bila, tí lagið var í toppi, nú KÍ unglingarnir fyri aðru ferð í trý ár tryggjaðu sær meistaraheitið. Tað ber boð um, at áhugin fyri at spæla fótbólt er stórur, og hegnið at vera við og kappast er gott. Mikkjalsmessa stendur fyri dur­um, og tí verður tað ikki so leingi, inntil fenaðurin fer at verða handl­aður og vigaður. Ikki var tað sørt, at áskoðararnir hetta kvøld­ ið í Runavík handlaðu ungu spæl­ ar­arnar og mettu um, hvørjir og hvussu nógvir munnu eiga framtíð á besta liðnum! Tá ið dómarin hevði bríkslað fyri síðstu ferð, og 3-0 KÍ sigurin var veruleiki, skygdu rakettir og neyð­bluss í heystarmyrkrinum. Tey vóru fleiri, sum høvdu roknað við, at FM steyp og gullkrónur fóru at verða handað hetta kvøldið, men soleiðis var tað ikki. Tað verður á heimavølli í annaðkvøld, at KÍ ung­ lingarnir fáa prógvini upp á, at teir eru meistarar í 2012. Síðst KÍ vann unglingadeildina var í 2010. Minni luttøka og tøtt kapping Tað er áður nevnt, at sammett við undanfarin ár, so er kappingin í ár broytt soleiðis, at tað bara eru tveir árgangir frá U-16 dreingjunum og inntil dreingirnir eru ov gamlir at spæla í unglingadeildini. Áður hev­ ur henda deildin fevnt um tríggjar árgangir. Nú verður hon nevnd U-18. At tað nú bara hava verið tveir árgangir í unglingadeildini hevur havt við sær, at fleiri feløg, sum plaga at taka lut, ikki hava sett seg før fyri tí í ár. Eitt nú hava ÍF og Víkingur ikki verið við, B68 tók tíðliga á árinum sítt lið úr kapp­ ingini, og longu undan kapp­ingar­ byrjan funnu 07 Vestur og Skála út av, at tað ikki bar teimum til at manna lið. Í kappingini hava verið KÍ, NSÍ, EB/Streymur, B36 og HB. NSÍ stóð seg ikki so væl undan summarsteðginum, men eftir at teir í Runavík fingu styrk úr onkrum av feløgunum, sum ikki settu seg før fyri at manna lið, so hevur NSí víst somu styrki sum hini liðini. Kappingin um FM heitið var leingi millum KÍ, EB/Streym, B36 og HB, ið vunnu upp á skift ímóti hvørj­um øðrum. Eitt nú hava bæði B36 og HB fyrr í ár vunnið í Klaks­ vík, og eftir summarsteðgin hevur NSÍ vunnið á bæði B36 og HB. Tóku tungu brekkuna Hjá KÍ var støðan undan fýra teim­ um síðstu umførunum soleiðis, at um FM heitið skuldi røkkast, so var neyðugt at vinna flestu dystirnar og í hvussu so er ikki at tapa nakran. Brekkan tóktist ógvuliga tung, men mánakvøldið var missiónin lið­ug skilt á tann hátt, at við 3-0 sigri í Runavík tryggjaði KÍ sær FM heitið. Síðsta umfar er í annaðkvøld. Tá sigur skráin, at KÍ eigur heima­ vøll ímóti B68. Toftamenn hava fyri langari tíð síðani tikið sítt lið úr kappingini. Harvið vinna klaks­ víkingar í morgin 3-0 uttan at spæla í landskappingini. Í staðin fyri í landskappingini fara nýggju meistararnir at spæla vinardyst hóskvøldið. Hann verður ímóti samansettum liði úr Eysturoy. Eftir dystarlok fara FSF umboð at handa steyp og gullmedaljurnar. Fyri trimum vikum síðani vóru vánirnar einki serligar hjá klaks­ vík­ingum at vinna FM heitið. Men so gekk akkurát upp í torførum av­ bjóð­ingum – 1-1 á útivølli ímóti EB/ Streymi, 2-2 á heimavølli ímóti HB, sum eina løtu var frammanfyri við tveimum málum, 3-2 í Gundadali ímóti B36 og so 3-0 sigur við Løkin mánakvøldið. Leivur Joensen setti hol á við rimmar frísparki úr vinstru, Petur Andreasen økti til 2-0 eftir skjótt uppspæl og flatt innlegg úr vinstru, og Jóannes Bjartalíð staðfesti 3-0 sigurin og harvið FM heitið eftir frí­sparksinnlegg úr høgru. Í Gundadali vann B36 granna­ upp­gerðina ímóti HB 1-0. Hørður Askham skoraði sigursmálið í 1. hálvleiki. Hóskvøldið eigur EB/Streymur heimavøll ímóti B36, og HB fær vitj­ an av NSÍ. B36 hevur 27 stig, og HB og EB/Streymur hava 25 stig. Harvið hava hesi trý liðini øll framvegis møguleika at vinna silvurmerkini. joannes@sosialurin.fo KÍ unglingar føroyameistarar 2012. Aftan fyri frá vinstru: Jóan Pauli Jacobsen, ungdómsvenjari, Tórur Justesen, Jens Pauli Mohr, John Daniel Gudjónsson, Beinir Poulsen, Jákup Pauli Ziskason, Bárður Hansen, Dávid Langgaard, Eivin Sørensen, Regin Sivertsen, venjari, og Páll Guðlaugsson. Framman fyri frá vinstru: Eyðun Thorgeirsson, venjari, Kristinn Akursmørk, Ári Olsen, Jóannes Bjartalíð, Leivur Joensen, Petur Andreasen, Fríði Sigurðsson, Poul Nolsøe Mikkelsen, Kári Højgaard og Eyðun Klakstein, venjari KÍ eigur bestu unglingarnar Fótbóltur Stórur skari av KÍ fjepparum vóru eygnavitni mánakvøldið, tá ið KÍ unglingarnir við 3-0 sigri í Runavík tryggjaðu sær meistaraheitið fyri aðru ferð í trý ár og harvið undirstrikaðu, at tað eisini næstu árini fer at verða stór kapping um plássini á besta liðnum í Klaksvík