fríggjadagur 21. september 2012síða 12

Fríggjadagur 21. september 2012 · Nr. 110 12 Sosialurin Hugskot og viðmerkingar – send sms til 225000 M. A. Jacobsens virðislønin fyri fagrar bókmenir í ár fór til Jóanes Nielsen, barna­ mentanarheiðursløn Tórs­ havnar býráðs 2012 varð latin til Hjørdis Johan­sen, virðislønin fyri yrkis­bók­ mentir varð latin Eivind Weyhe, og virðislønin fyri mentanaravrik varð latin Jens-Kjeld Jensen. Virðislønin fyri fagrar bókmentir verður í ár latin Jóanesi Nielsen fyri skald­ søguna Brahma­dellarnir frá 2011. Nevndin sigur í grund­ gevingini, at bókin er ein postmodernað og søgulig skaldsøga við nútíðini sum rammu. ”Tíð og rúm, veruleiki og fiktión, sjálvævisøga og tjóð­arsøga eru fínliga vovin saman til eina avbjóð­andi lesiuppliving, har kausa­li­ teturin ikki fylgir tí skilvísi, vit eru von við. Á løttum, einskildum máli fær Jóanes lýst torskilda mannalyndið, eisini har tað víkur frá. Mannalagnur, sum eru fyri sosialum, sam­felags­ ligum og kynsligum ágangi og vanbýti, verða lýstar ber­ søgið og rátt, men við list­ frøðiligum snildum, sum geva skaldsøguni listaliga dygd. Søguliga skaldsøgan hevur í Brahmadellunum fingið nýggjan ham, har søgan skapar ta listfrøðiligu út­søgnina.” Barna­mentanar­ heiðurslønin Barnamentanar­heiðursløn Tórshavnar býráðs 2012 varð latin til Hjørdis Jo­hansen. Nevndin sigur í grund­gev­ ingini, at fjølbroytta og virkna leiklistakvinnan er íbirtari og stigtakari til Dramaverkstaðið, ið hevur mong ár á baki. ”Við dirvi og dugna hevur hon gjørt leiklistagreinina fródliga og forvitnisliga hjá okkara børnum og ungu. Við hepnari hond, hegni og sínum bragdliga lyndi hev­ur Hjørdis Johansen givið listaverkstaðnum sín serkenda dramadám í tón­ leiki og sjónleiki bæði úti og heima. Úr heimliga søgu- og sagnarvarða okkara hevur listakvinnan lagt doyin á at geva siðsøgugoymsluni ans. Sangbæru og beinraknu barnasangirnir við Hjørdis og gentunum minnast vit sum nakað heilt serligt, teir eru lívsseigir og hoyrast javnan sungnir í skúlum og barnagøðrum.” Yrkisbókmentir M. A. Jaocbsens virðisløn fyri yrkisbókmentir 2012 varð latin Eivindi Weyhe. Nevndin sigur, at bøkurnar, hann hevur latið úr hondum, eru framúr úrslit av nærlagdari gransking og tilfar til víðari gransking. ”Í bókini Hentzasavn heur Eivind á filologiskan hátt greitt til prentingar fyrstu kvæðini, sum Jóhannes í Króki skrivaði upp í 1819. Sama arbeiðslag eyðkennir Í miðjum grasagarði við kvæð­ um úr Suðuroy. Í heildarverkinum Ei­vind­ aródn eru mál- og navna­ frøðiligar greinir og aðrar greinir eftir Eivind um kvæði savnaðar. Hear tríggjar út­ gávurnar eru úrslit av tí málvísindaliga arbeiðslag, ið eyðkennir alt, ið Eivind hevur avrikað til fragd og lærdóm hjá okkum lesarum.” Mentanaravrik Virðisløn M. A. Jacobsens fyri mentanaravrik 2012 er í ár latin Jens-Kjeld Jensen. Nevndin sigur, at hann síðan hann kom til Føroya í 1970 hevur granskað føroysku náttúruna sum fáur. ”Hann tók við virk­sem­ inum hjá Niels á Botni sum fuglakennari og útstappari, og úr Nólsoy hevur hann við árunum eggjað fólki um alt landið til at halda eyga við fuglum. Ivasamt er, um nakar áhugaverdur fuglur er í føroyskum loftrúmi, uttan at Jens-Kjeld veit av tí. Náttúrualskurin er so stórur, at hann rúmast ikki í fuglum. Alt djóra- og plantulív hevur hansara áhuga. Jens-Kjeld hevur í væl meir enn ein mansaldur mint okkum á at fara væl um náttúruna. Hann kemur javnan við ávaringum, tá ið okkurt djóra- ella plantuslag ella náttúran í síni heild er hótt.” Jóanes, Hjørdis, Eivind og Jens-Kjeld fingu heiðurslønir Føðingar 3. september fingu Gunnhild Christiansen og Jonas Edison Holm, Odense, ein son. Hann var 55 cm langur og vigaði 3340 gr. 23. juli bleiv Lea Naomi Hentze Niclasen fødd. Foreldrini eita Rakul Hentze Niclasen og Kristian Niclasen. Lea Naomi var 52 cm long og vigaði 3480 gr. 15. september fingu Sóley Martinsdóttir Hansen og Jaspur Joensen, Argir, ein son. Hann var 56 cm langur og vigaði 4180 gr. 7. september fingu Maiken Joensen og Henning Drangá, Fuglafirði, ein son. Hann var 49 cm langur og vigaði 3200 gr. Kirkju- og ungdómskórið í Christianskirkjuni í Klaksvík er farið undir aftur sangvenjingarnar. Vant verður hvørt týskvøld kl. 20.00. Kórið er ætlað ungum sum eldri. Nýggir sangarar eru vælkomnir. Nú leygardagin hevur kórið sett av sum venjingardag. Byrjað verður klokkan 09.00. Gestakórleiðari henda dagin verður Leif Hansen, og fer hann eisini at stjórna kórinum til gudstænastuna sunnudagin kl. 11. nøvn 9. september fingu Saranja og Alexander eina lítla systur. Hon var 54 cm og vigaði 3920 gr. Foreldrini eru Sigga og Magnus á Stongunum.