mánadagur 24. september 2012síða 13

13 Mánadagur 24. september 2012 · Nr. 111 Sosialurin Hugskot og viðmerkingar – send sms til 225000 Ítróttarblaðið Effo deildin Heri Simonsen Tá uppflytararnir úr KÍ endaðu á einum flottum fimta plássi í fjør var sagt úr Klaksvík, at málsetningurin fyri 2012 var at gera tað betri og røkka einum evropeiskum plássi. Leingi hevur KÍ ligið á ein­um evropeiskum plássi hetta kapp­ ingar­árið, men tey seinnu umførini hevur ikki gingið heilt eftir vild, og í skrivandi stund er KÍ bert eitt stig frá at missa rættin til spæla undan­ kappingardyst í Europa League kom­andi ár. KÍ hevur 42 stig á triðja plássi, HB og Víkingur hava 41 stig. Víkingur hevur sítt uppá tað turra, tí teir eru við steypasigrinum tryggj­aðir at sleppa at taka lut í Europa League kappingini komandi ár. Gomlu arvafíggindarnir og javn­ aldr­arnir, KÍ og HB kappast nú um tað fjórða og seinasta plássið út í Evropa. HB hevur eina væl betri málúrtøku enn KÍ, og tí ræður um hjá KÍ at halda seg frammanfyri HB á stigatalvuni. Málveitsla Dysturin millum KÍ og B36 gjørdist ein sonn málveitsla við sjey málum, har B36 var omaná. Í fyrra hálvleiki fekk B36 tvey mál innanfyri fýra minuttir. Unga álopstalentið hjá B36, Rasmus Dan Sørensen tók av møguleikanum í KÍ-brotsteiginum og hann hamraði bóltin upp undir nettakið. Fýra minuttir seinni gjørdi Lukasz Cieslewicz eitt ótrúliga snøgt forarbeiði, tá hann sneiddi tveir verjuspælarar hjá KÍ av, og legði bóltin fyri føturnar á Súna Olsen, sum beindi bóltin í málið. Men nú vaknaði KÍ, og eitt korter seinni var javnleikur 2-2. Fyrst skor­ aði Páll Klettskarð enn eitt mál fyri KÍ við høvdinum, aftaná eitt gott innlegg frá Ísaki Simonsen. Ísak Simonsen og Heðin á Lakjuni spældu seg væl ígjøgnum í vinstru síðu, og Heðin legði inn til Andy Olsen, sum kundi javna til 2-2. B36 legði hart út í seinna hálvleiki. Fimm minuttir inn í seinna hálvleik legði Atli Danielsen B36 á odda aftur, og løtu seinni økti Lukasz Cieslewicz til 4-2 aftaná trunkaspæl. Ímóti dystar­enda skoraði Páll Klettskarð aftur, men nærri kom KÍ ikki at fáa eitt týdningarmikið stig í orrustuni at vinna sær evropeiska luttøku. KÍ skal komandi vikuskiftið til Norðragøtu at takast við Víking. B36 skal til Runavíkar at spæla ímóti NSÍ. Mugu verja betur B36-málverjin, Meinhardt Joensen ásannaði aftaná dystin, at teir í B36 kunnu nú harmast um, at verða seks stig frá evropeiskari luttøku, men at teir í B36 ikki hava verið betur enn stigatalvan vísir. Teir ætla tó at enda árið væl, og vóna at kunna røkka einum fimta plássi. Hjalgrím Elttør hjá KÍ ásannar, at teir mugu binda meira fyri afturi í verjuni, tí lykilin til at vinna fót­ bóltsdystir er, at ein stendur væl í verjuni. KÍ hevur hugsað ov nógv um undirhaldið og ov lítið um stigini, sum nú byrja at mangla í rokn­skap­inum. heris@sosialurin.fo Evropeiska plássið hjá KÍ er í vanda Fótbóltur KÍ misti eitt avgerandi fet í stríðnum at vinna sær evropeiska luttøku til komandi kappingarár, tá KÍ á heimavølli tapti fyri B36 í einum málríkum dysti Heri Simonsen Fyrst undir upphitingini fekk hann at vita, at hann ikki kundi spæla ímóti felagnum hann er leigaður frá. Fyrr í ár var gjørdur ein leigu­sáttmáli millum HB og FC Suðuroy um skálvíkingin, Høgna Midjord, sum áður hevur spælt við tí besta mansliðnum hjá B71. Høgni Midjord fekk ikki nógva spælitíð á besta liðnum hjá HB, og tí freistaði spæli­tíð við besta liðnum hjá FC Suðuroy, sjálvt um hetta fyri unga skálvíkingin hevur merkt nógva eyka ferðing millum meginlandið og Suður­ oynna. Men ein kjansur við effo­deildini hjá FC Suðuroy var meir lokkandi enn nógvir dystir við 1. Deildarliðnum hjá HB. Var í góðari trúgv Sunnudagin var so dystur á skránni í effodeildini millum FC Suðuroy og HB. Høgni Midjord spurdi seg fyri, um tað var loyvt, at hann spældi við hendan dystin, og fekk hann at vita, at hetta var lag á manni. Av somu orsøk valdi skálvíkingurin ikki at fara í føð­ingar­dag hjá einum góðum vin­manni leygarkvøldið, fyri at kunna verða optimalt fyri til dystin í Vági millum FC Suðuroy og HB. Best sum hann hitar upp saman við hinum 10, sum vóru settir at byrja inni ímóti HB fær Høgni Midjord ein ordans kjaftfisk: Av tí, at hann er leigaður út frá HB til FC Suðuroy kann hann ikki spæla ímóti HB. Skálvíkingurin sum var farin ta longu leiðina til Vágs, og hevði forsakað gott vinar­lag leygarkvøldið, var soleiðis hildin til tað turru rukku. Ikki kunnaður Tað ergrar Høgna Midjord, at hann soleiðis var noyddur at tveita eitt heilt vikuskiftið burtur til onga verðins nyttu. Tað sum ger hann ser­liga vón­ brotnan er, at tá leigu­sáttmálin var gjørdur millum HB og FC Suðuroy var gjørdur, var hann ongastaðni kunnaður um, at hann ikki kundi tørna til fyri FC Suðuroy í einum dysti ímóti HB. Tá hann so fær ein illgruna undan dystinum sunnudagin, og fer at spyrja, um hann ikki eigur at leypa hendan dystin um, fær hann bara at vita, at tað er eingin trupuleiki, og at tað var bara at møta vesturi á Eiðinum í Vági til dystin. Høgni Midjord harmast um, at ein ikki kann líta á tað, sum sagt verður einum, tá blekkið í einum leigasáttmála millum tvey fótbóltsfeløg er tornað. Hann ætlar ikki at gera meir burturúr málinum, men hann vónar, at hvørki hann ella nakar annar sleppur at uppliva slíkt rukkulív, sum hann upplivdi í fremstu fótbóltsdeildini í Før­ oyum ígjár. heris@sosialurin.fo Leigusveinur hildin til rukku Fótbóltur Høgni Midjord, sum er leigaður út frá HB til FC Suðuroy fór longu ferðina til Vágs til onga nyttu Høgni Midjord Mynd: Norðlýsið