mánadagur 24. september 2012síða 16

Mánadagur 24. september 2012 · Nr. 111 16 Sosialurin Hugskot og viðmerkingar – send sms til 225000 Ítróttarblaðið Pætur Albinus Við Løkin í Runavík fekk NSÍ sunnu­dagin vitjan av TB, sum berjist fyri lívinum í Effodeildini og í ein­ari beinleiðis uppgerð við B68 nú av álvara hevur lagt trýst á tofta­menn, sum í alt ár hava roynt at skáka sær undan niðurflyting og nú eru í stórum vanda. NSÍ eru tryggjaðir undan niður­ flyting, og samstundis sum tað skuldi gerast sera trupult at vinna sær týdnings­leysa 6. plássið, so mátti bara staðfestast, at NSÍ als ikki hevði eins nógv at spæla fyri sum TB. Lotið ávirkaði Tað var eitt lítið lot frá Toftavatni ímóti Runavíkini, og hetta ávirkaði eisini spælið. NSÍ fekk møguleikan at spæla við vindinum í rygginum í fyrra hálvleiki, og hóast teir royndu at gera sær dælt av hesum, so sást skjótt, at teir komu í klørnar á ein­um TB-liði, sum bardist fyri lív­inum. Spælið var gott til tíðir, ser­liga Sjúrður Jacobsen og Árni Frederiksberg mynstraðu seg væl fram­eftir, men komnir nærri mál­ inum var lítið bit í hjá NSÍ, sum allan hálvleikin á tamb stríddist við at fáa ein avgerandi stóran møgu­leika. Ein slíkan fekk Andrias á Líknar­gøtu eftir innlegg, men Ivan Stojkovic var kvikur úr TB- mál­inum og vardi fyri skotinum úr stutt­ari fjarstøðu. Fyrri hálvleikur endaði mál­ leysur. Venjarin avgjørdi Í seinna hálvleiki tók vindurin til, og nú var tað TB, sum skuldi royna seg við honum undan. Tað var Magnus H. Olsen, sum bant spælið hjá NSÍ saman, og gjørdi hann tað eis­ini frálíka væl leingi, men tá ið TB ressaðist við og kom longri fram á vøllin at leggja trýst á, var vandi á ferð. Gilli Sørensen vísti kvikleika sín í vinstru síðu, og átti hann eisini eina góða roynd umvegis fríspark, sum fór tveir metrar upp um málið. Tá ið góðir 20 minuttir restaðu í, setti leikandi venjarin hjá TB, Milan Kuljic, seg sjálvan á vøllin fyri Ragnar B. Tausen. Hetta skuldi vísa seg at vera ein góð avgerð. Hann hevði bara verið á vøllinum í tveir minuttir, tá ið hann hevði lagt TB á odda 1-0. Tað var eftir eina verjuvillu hjá Pól Jóhannusi Justinussen, at Milan Kuljic slapp at renna næstan hálva vøllin púra leysur og sendi bóltin framvið NSÍ-málverjanum. Rómur var sjálvsagt á TB-leik­ar­ unum og teimum lutfalsliga nógvu trúgvu áskoðarunum, sum høvdu leitað sær langa teinin inn í Eystur­ oynna. Fyri at verja um leiðsluna setti TB Dimitrije Jankovic, sum annars hevði verið fremsti maður, aftur í verj­una at hjálpa til. Mótsvarið hjá NSÍ var at seta Pól Jóhannus Justinussen í álopið, men longu send­ingarnar fram á vøllin var matur fyri TB-verjuleikararnar, sum duga væl júst at rudda bóltarnar burt. Hetta megnaðu teir tað, ið eftir var av dystinum, og kundu tvøra­ menn tískil fegnast um trý sera kærkomin stig til botstríðið, har teir høvdu frætt, at B68 einans fekk eitt stig burturúr sínum dysti. Hetta merkir, at TB nú røttu megin niður­ flytingarstrikuna er trý stig framm­ an­fyri B68, meðan NSÍ ikki kann iðra seg alt ov nógv um at hava tapt ein so at siga týdningsleysan dyst. albinus@sosialurin.fo Kuljic væl ávegis at lívbjarga TB Effo deildin Fótbóltur Leikandi venjarin hjá TB, Milan Kuljic, valdi at seta seg sjálvan á vøllin ímóti NSÍ við Løkin í Runavík sunnudagin, og tað tók honum bara tveir minuttir at gerast sigursharri í einum sera týdningarmiklum 1-0-sigri. Hetta gevur TB trý kærkomin stig til botnstríðið, har B68 alt meiri líkist einum niðurflytara Helgi L. Petersen hjá NSÍ metti eftir dystin, at teir høvdu møgu­ leikarnar, men at tað síðani kom at kosta, at teir misnýttu teir. – Hetta var ikki tað, sum vit ætlaðu. Vit vóru væl við í dyst­inum og vóru betri í fyrra hálvleiki. Vit høvdu nógvar møgu­leikar, men tá ið vit ikki megna at skora og støðan leingi er 0-0, so er tað hetta, sum kann henda. Teir skora og teir megna at halda tað heim, segði Helgi eftir dystin. – Vit royna at koyra Pól Jóhannus (Justinussen, red.) longri fram á vøllin og seta Jens (Joensen, red.) í álopið. Vit lossa og tað gevur okkum nakrar støð­ ur, men tíverri fingu vit ikki tað útjavnandi málið, helt hann fram. Komandi vikuskifti fáa teir vitjan av B36 í einum at kalla týdningsleysum dysti. – Tað verður ein dystur, har liðini kunnu sleppa hond­brems­ ini. NSÍ og B36 plaga at borga fyri málum, so tað vænti eg, at tað eisini verður tá, segði Helgi L. Petersen í práti við Rás2 eftir dystin. Verjuskansin hjá TB, Óli Johannesen, var eftir sigurin sjálv­ andi sera væl nøgdur, men var tó eis­ini lítillátin. – Tað var ein spennandi dystur við møguleikum í báðum endum, men vit vóru somikið hepnir at fáa mál­ið, sum avgjørdi tað, sigur Óli, sum eins og onnur tvørafólk vóru glað fyri at Milan Kuljic valdi at seta seg sjálvan inn á vøllin. – Tað var júst tað, sum skuldi til. Vit vórðu fleiri ferðir dømdir at vera rangstaddir, men vit vistu, at einaferð fóru teir at verða fangaðir. Tað hendi so, Milan Kuljic fekk ein fríleypara og skoraði trygt, greiðir Óli frá. TB er nú væl fyri í dystinum um at verða verandi í Effodeildini. – Fyri okkum hevði tað alt at siga, at vit vunnu í dag, tí nú kunnu vit avgera tað sjálvir. Sum vit hava spælt seinastu dystirnar, so fara vit ikki niður, segði Óli Johannesen at enda. albinus@sosialurin.fo Hetta hendir tá ið tú ikki skorar Hetta hevði alt at siga Helgi L. Petersen: Óli Johannesen: Myndir: Álvur Haraldsen