fríggjadagur 28. september 2012síða 34

Fríggjadagur 28. september 2012 · Nr. 113 34 Sosialurin Hugskot og viðmerkingar – send sms til 225000 Ítróttur Effo-deildin upptakt 26. umfar Jóannes Hansen Talan er um merkisverda uppgerð á fleiri økjum, tá ið EB/Streymur seinna­partin í morgin fer á Svanga­ skarð at verja oddasessin. Støðutalvan sigur, at tað er mest upplagdi FM favoritturin, sum vitjar, og at tað er høvuðskandidaturin til seinna plássið, sum ber niðurflyting við sær, sum er vertur. B68 hevur 21 stig, og EB/ Streymur hevur 52 stig. B68 hevur skorað 19 mál, og EB/Streymur hev­ ur skorað 46 mál. Tað eru farin 25 mál ígjøgnum hjá EB/Streymi og 41 hjá B68. Ábyrgdarmaður fyri heima­ lið­num er Bill Jacobsen, og Heðin Askham hevur ábyrgdina fyri EB/ Streymi. Seinnapartin í morgin verða teir í hálvanannan tíma kapp­ingar­neytar. Umframt at vera kapp­ingarneytar, so síggja venj­ ar­arnir seg eisini at vera arbeiðs­ felagar. Bill og Heðin eru uppaftur meiri starvsfelagar, enn teir eru tað saman við øðrum, tí teir báðir hava í felag ábyrgdina av U-21 lands­lið­ num. Einki er givið Royndasti maður á EB/Streyma liðnum er liðformaðurin Egil á Bø. Eftir javnleikin á heimavølli ímóti KÍ staðfesti hann, at ÍF nú var topplið, og at tað ikki kundi sigast annað, enn at tað var uppiborið, um ÍF helt tørn um oddasessin og harvið tryggjaði sær meistaraheitið. Nú er EB/Streymur aftur topplið og harvið FM favorittur. Egil á Bø ásannar, at støðutalvan leggur upp til, at hann og liðfelagarnir eru favo­rittar at vinna á Svangaskarði í morgin, men hann roknar við sera tor­førari avbjóðing, tí tað er felags fyri bæði liðini, at tað er sigurin, sum telur: – Vit høvdu umrokerað eitt sind­ ur undan síðsta vikuskifti, og tað riggaði væl við 4-4-2 spælskipan, har Sorin Anghel var heilt frammi saman við Arnbirni Hansen. Allir eru tøkir, men tað verður ikki fyrr­ enn í morgin, at vit fáa at síggja, hvussu liðið fer at síggja út. B68 spæl­ir fyri lívinum í bestu deildini, og ímóti ÍF vístu toftamenn sera góð­an hugburð. Teir hava ikki minni at spæla fyri hesa ferð, og tað mugu vit rokna við fer at síggjast á avrik­inum ímóti okkum. Men tað kann ikki sigast annað, enn at tit eru stórfavorittar at vinna FM? – Tað bíða okkum tvær torførar av­bjóðingar. Eingin veit betri enn vit, at tað ber væl til at missa á stokk­inum. Tí mugu vit vera foku­seraðir, og so fáa vit at síggja, hvørjum tað endar við. Tað er møguleiki fyri, at tit kunnu tryggja tykkum FM á Svanga­skarði? – Tað hava vit yvirhøvur ikki hugsað um, og tað er ikki nakað, sum vit á nakran hátt kalkulera við. Tvey skot eftir Venjingarnar á Toftum hava ver­ið góðar hesar báðu seinastu vik­urnar. Tað var ikki nógv niður­flyting yvir avrikinum ímóti ÍF. Tá varð liðformaðurin Jann Ingi Petersen útvístur, og tískil er hann leik­ bannaður í morgin. Einar T. Hansen er tøkur aftur eftir leik­bann. Remi Langgaard og Niklas Joensen eru tøkir aftur eftir skaðasteðg. Harald R. Højgaard er burturstaddur við U-19 lands­lið­num. B68 er trý stig og sjey mál aftan­ fyri TB. Um toftamenn skulu sleppa undan niðurflytingini, so er tað ein treyt, at teir hesa ferð vinna eitt stig meiri, enn TB ger, og at teir so vinna á útivølli ímóti TB í síðsta umfari. – Vit hava tvey skot eftir í byrs­ uni. Vit kenna treytirnar, og vit kenna mótstøðuliðið. Nú fyrireika vit okkum til hesa uppgávuna, og vit trúgva uppá, at tað skal bera til so­leiðis, sum tað vísti seg at bera til ímóti ÍF, sigur Bill Jacobsen. Hetta er triðja avbjóðingin hjá honum í ár við B68. Í fyrsta dystinum taptu hann og B68 stórt ímóti HB í Gunda­dali. So eydnaðist at vinna eitt stig á heimavølli ímóti ÍF. Nú er síðsta avbjóðingin í ár á heimavølli á skránni. Um tað ikki skal verða leygardagsfótbóltur næsta ár, so er neyðugt hjá B68 at vinna í hvussu so er eitt stig! B68 - EB/Streymur: Ransin N. Djurhuus leygardagin klokkan 16.00 Tað hevur í ár ikki verið verri enn ilt hjá NSÍ, sum í morg­in fyri síðstu ferð í ár spælir á heimavølli. Undan kapp­ingar­ byrjan var málið at sleppa undan niðurflyting og at saman­spæla nýtt lið. Tað málið er væl og virðiliga rokið. Kári Reynheim fer í morgin fyri seinastu ferð í ár at hava ábyrgdina á heimavølli, tá ið B36, sum Kári í fleiri ár um­ boð­aði, fer at vitja við Løkin. Um Kári Reynheim aftur í 2013 verður oddamaður hevur enn einki verið at frætt um. Felags fyri bæði NSÍ og B36 er, at tey hvørki kunnu røkka heiðursmerkjum ella verða rakt av niðurflyting. Hjá B36 vóru Jákup á Borg og Heini í Skorini ikki tøkir í 4-3 sigrinum í Klaksvík. Símun Hansen er tøkur aftur eftir leikbann. Rasmus Dan Sørensen skoraði fyrsta mál­ið í Klaksvík. Hann er ikki tøk­ur hesa ferð, tí hann er við U-19 landsliðnum í Estlandi. Tað eru Patrick Larsen og eyka­mál­ verjin Jákup Højgaard eisini. Hjá NSÍ er sentrali mið­ vall­arin Magnus Olsen leik­ bann­aður í morgin. Ein annar sentralur miðvallari, Andras Frederiksberg, er tøkur aftur, eftir at hann var leikbannaður í 1-0 heimatapinum ímóti TB. NSÍ - B36 Páll Augustinussen leygardagin klokkan 16.00 Fuglfirðingar eru á veg til Vágs. Í FC Suðuroy hava teir fyri langari tíð síðani stað­ fest veruleikan, sum er, at teir næsta ár skulu spæla í næst­ bestu deildini. Hóast niður­ flytingin er veruleiki, so hevur setn­ing­urin seinastu ferðirnar verið at skava so mikið av stigum saman, at talan ikki verður um niðurflyting við færri stigum enn nakað annað felag, sum er flutt niður. Møguleiki er framvegis at røkka setningin, men á Vágs­ eiði síðsta sunnudag ímóti HB var avrikið ikki serliga sann­før­ andi. Stutt undan dystarbyrjan ta ferðina varð greitt, at tað ikki var loyvt Høgna Midjord at spæla við. Orsøkin er, at hann er leigaður úr HB og til FC Suðuroy. Hesa ferð er vinstri vong­ verjin Jón Áki Jacobsen ikki tøkur. Hann er við U-19 lands­ lið­num í EM undan­kapping í Estlandi. ÍF hevur fokus á uppgávuni, sum er at vinna fulla úrtøku í Vági. Fyri einari viku síðani var ÍF oddalið, og tað hevði sjálv­ andi verið hópin hugaligari at farið um Suðuroyarfjørð og suður á Vágseið, um liðið fram­ vegis var á FM kós. – Vit mugu bara staðfesta, at nú er EB/Streymur stór­ favo­rittur at vinna FM. Tað eydn­aðist okkum ikki at vinna meiri enn eitt stig í málleysa javn­leik­inum á Toftum. Nú skal EB/Streymur spæla á Svanga­skarði, og eg ivist ikki í, at tað fer at eydnast EB/ Streymi at vinna fulla úrtøku í morg­in, sigur ÍF málverjin Jákup Mikkelsen. Bogi Løkin er langtíðar­ skaddur. Hann var við til at vinna FM við NSÍ í 2007. Burtur­ sæð frá honum er veteranurin í ÍF málinum tann einasti á liðnum, sum hevur roynt at vinna FM. Jákup Mikkelsen var føroyameistari við KÍ í 1991 og við B36 í 2005. Og so varð hann danskur meistari við Herfølge í 2000. Á Toftum var miðvallarin Karl Løkin leikbannaður. Hann er tøkur aftur og verður í ferða­ lagnum suður til Vágs. joannes@sosialurin.fo FC Suðuroy - ÍF: Lars Múller leygardagin klokkan 16.00 FM møgu­ leikin er fokin Ungu B36 spæl­ ararnir í Estlandi Egil heldur FM stríðið vera púra opið Fótbóltur EB/Streyma liðformaðurin heldur, at royndirnar í ár og undanfarnu árini eiga at hava lært hann og liðfelagarnar, at tað framvegis er trongur vegur fram ímóti meistaraheitinum Myndir: Álvur Haraldsen