fríggjadagur 28. september 2012síða 44

nr. 113 · 28. september 2012 6 VIKUSKIFTI TIPS FRÁ barbaru barbara@sosialurin.fo Nú eru tær myrku tíðirnar komnar yvir okkum, og dagarnir gerast alsamt styttri. Men nú er ikki at falla í fátt, tí heystið bjóðar uppá mystik, vælveru og heitar litir. Her eru nøkur góð ráð, og nøkur boð uppá hvussu tú kanst forkela teg sjálva í heyst Vakurt og vælveru­ríkt heyst Trøllbundið smyrsl Eitt mást hesa árstíðina eru vøkru, mystisku og freku litirnir frá Make-Up Store. Í hesum døgum hevur Make-Up Store almannakunngjørt sína nýggjastu kollektión av smyrsl. Her bjóðar Make- Up Store eitt nú myrka reyða og lilla varrastift, og heitar eygna­skuggar í grønum og brúnum. Mær dámar sera væl hendan stílin, sum eftir mínum tykki er eitt miks millum »Twilight« vampyrmystikkin og »Diva« lookið ala Elizabeth Taylor. Serstakliga dámar mær væl tað myrka reyðu varrastiftina, sum júst er komin í handilin. Myrka reytt er tað nýggja svart Tað eru ikki bara varrarnar, sum kunnu lata seg í myrka reytt í heyst. Eisini klædnamótin er á tremur við myrka reyðum – ella bordeaux, sum tað eisini verður rópt. Hesin liturin er sera dominerandi í heyst, og alt frá jakkum til buksur og skógvar kunnu nýtast í hesum liti í heyst. Boots & sneakers! Tað er einki so kul, sum stilvar, við eitt sindur av kanti. Mótaheimurin hevur í ár oppa seg við at gera stilvar so ráir og harðir sum gjørligt, og hóast hesin stílurin ikki er púra ókendur, so hevur hann veruliga sligið ígjøgnum í ár. Haraftrat eru mótarættir venjingarskógvar nógv at síggja. Finnur tú einar venjingarskógvar við kilehæli, so er tað eitt avgjørt mást. Bæði rokkarastilvarnir og kilehæl venjingarskógvarnir kunnu nýtast í gerandisdegnum og til eitt gott kvøld í býnum. Fá Jennifer Lopez hár Umsíðir hevur mótaheimurin funnið ein máta, har vit vanligu, deyðiligu menniskju púra ómakaleyst kunnu seta hárið eins og tey kendu. Tann stóru, vakri toppurin er ein klassikari, sum tó er sera trupul at gera. Men nú ber til at keypa ein rundan »boyla«, sum verður settur í hárið, og sum tryggjar, at toppurin verður eins og hann skal. Ein heilur »boyli« er til tær, ið hava stutt hár, og hava møguleika fyri at seta hárið fast um boylan við hárnálum. Boylin, sum hevur ein knapp í endanum, er til tær, ið hava langt hár, og tí mugu rulla hárið inn í boylan, og síðani klipsa fast, og seta hárnálir í. Eg havi sjálv langt hár, og tað er í roynd og veru sera einfalt at fáa hárið at sita júst so, sum eg vil. Boylin á myndini her fæst í eitt nú Matas, Glimmur og aðrastaðni. Luksus heimaspa Húðin hevur altíð tørv á einari hjálpandi hond, og nú hevur The Body Shop fingið eina nýggja seriu í handilin, sum ger tað møguligt at forkela seg sjálva heima við hús. Serian er ein heima Spa seria, sum eitur SpaFit. Talan er um olju og krem, sum angar av sitrón, og sigst stramma húðina upp. Eg havi roynt hesa seriuna, og staðfestast kann í øllum førum, at SpaFit ger húðina bleyta, og gevur húðini nógva vætu, sum jú er kærkomin í hesum døgum.