fríggjadagur 28. september 2012síða 48

nr. 113 · 28. september 2012 10 VIKUSKIFTI kirkjugongd Arni Zachariassen post@sosialurin.fo Eg trúgvi á Gud faðir, hin alvalda, skap­ara himins og jarðar... Geisp. Tað kann vera líka so tungt at hála seg upp av dyntlinum at játta sína kristnu trúgv, sum tað kann vera at hála seg sjálvan upp úr songini alt ov tíðliga ein sunnumorgun. Doyvandi sálma­drynjið hjálpur heldur ikki nógv uppá tað. Sannleikin skerst ikki burtur: Tað er rotið at ganga í kirkju. Tómar kirkjur Og tú ert ikki tann einasti, sum heldur vildi brúkt sunnudag fyrrapart í dreyma­landi enn á kirkjubonki. Færri og færri fólk kring heimin ganga reglu­ liga í kirkju. Í 50’unum gekk annað­ hvør amerikumaður í kirkju og í 1960 varð ein heil milliard dollarar brúkt uppá kirkju­bygging, samanborið við 26 milliónir í 1945. Men í dag standa nógvar av hesum glæsiligu kirkjum tómar og nú bara umleið 20% ganga í kirkju, síggja prestar ikki í hala­ferð­ina á eftirkomarunum hjá áður so røsku kirkjugangarunum. Bara 20%, sigi eg. Samanborið við restina av vestur­heim­ inum er 20% eitt, bókstaviliga talað, himmalhøgt tal. Í Bretlandi er talið á regluligum kirkjugangarum 13%, í Franka­ríki 12. Okkara norðurlendsku grann­ar eru framúr heidnir: Í Íslandi ganga 10%, meðan Finland og Svøríki hava hvør síni 5%, og Danmark og Noregi hvør síni 3%. Í Belgia, Bretlandi og Franka­ríki seta ímillum 50 og 60% ongan­tíð fótin innum kirkjudyr. Sama tal í Kekkia er yvir 60%. So har er eingin orsøk, at kenna seg einsa­mallan undir dýnuni komandi sunnu­morgun. Kirkjufólk eru betri fólk Men kanska skuldi tú endurhugsað tín­ar sunnumorgnar og dragsa teg í kirkju hetta vikuskifti. Tí gransking gjørd seinastu árini vísir at kirkjugongd hevur eina beinleiðis ávirkan á hvussu fittur tú ert. Deepak Malhotra, sum undirvísir í Harvard Business School, hevur kannað hvørja ávirkan reglulig kirkjugongd hevur á fólk og úrslitini eru sera áhuga­verd. Í einari kanning samstarvaði Malhotra við eina talgilda uppboðssølu, sum bað sínar brúkarar lata pening til eitt væl­ger­andi endamál. Malhotra fekk eis­ini fatur á upplýsingum um hvussu átrúnaðar­ligir brúkararnir vóru, harundir hvussu regluliga teir gingu í kirkju. Kirkju­gang­andi brúkarar lótu 300% meir enn teir, sum ikki gingu í kirkju. Tað er doyvandi óáhugavert at ganga í kirkju. Men gransking vísir, at fólk, sum ganga í kirkju skikka sær betri og tað júst tí tey ganga í kirkju – tó bara sunnudag Tí átti tú at gingið meira í kirkju